తెలంగాణలో గణేశ్ చవితి వేడుకల సందడి మొదలైంది. ఈ వేడుకల్లో యువత చేసే సందడి ప్రత్యేకంగా ఉంటుంది. హైదరాబాద్ నగరంలో శుక్ర, శని, ఆదివారాల్లో గణపతిని స్వాగతిస్తూ భారీ తెలంగాణలో గణేశ్ చవితి వేడుకల సందడి మొదలైంది. ఈ వేడుకల్లో యువత చేసే సందడి ప్రత్యేకంగా ఉంటుంది. హైదరాబాద్ నగరంలో శుక్ర, శని, ఆదివారాల్లో గణపతిని స్వాగతిస్తూ భారీ ఊరేగింపులు నిర్వహించారు. మండపాల వద్ద ప్రత్యేకంగా ఏర్పాట్లు చేయడం జరిగింది. అయితే, జనసందోహం ఉన్న సందర్భాల్లో అనుకోని ఘటనలు జరగవచ్చు. ఈ నేపథ్యంలో పోలీసులు బందోబస్తు ఏర్పాటు చేశారు. ఈ బందోబస్తులో డ్రోన్లు కీలక పాత్ర పోషించనున్నాయి. హైదరాబాద్ నగరంలో గణేశ్ ఉత్సవాలు అత్యంత వైభవంగా జరుగుతాయి. ఈ వేడుకలలో భారీ జనసందోహంతో కూడిన ర్యాలీలు, గణేశ్ శోభాయాత్రలు నిర్వహించబడతాయి. ఇలాంటి సందర్భాల్లో పరిస్థితులను అర్థం చేసుకుని నిఘా పెట్టగలిగే సాంకేతికత అవసరం. అందుకే, ఉత్సవాలు సజావుగా సాగేందుకు పోలీసులు ఆకాశం నుండి నిఘా పెట్టగలిగే డ్రోన్లను ఉపయోగించనున్నారు. టీజీ క్వెస్ట్లో భాగంగా పోలీస్ శాఖ ప్రవేశపెట్టిన అత్యాధునిక ఏఐ ఇంటిగ్రేటెడ్ పోలీసింగ్ వ్యవస్థ ద్వారా ఈ డ్రోన్లు పనిచేస్తున్నాయి. ఈ డ్రోన్లు ఆకాశం నుండి గస్తీ నిర్వహించి, అత్యంత వేగంగా పరిస్థితులను అంచనా వేసి అప్రమత్తం చేస్తాయి. గత సంవత్సరం మేడారం జాతర సందర్భంగా ఈ సాంకేతికతను ఉపయోగించారు. ఇప్పుడు నగరంలో నిర్వహించనున్న గణేశ్ ఉత్సవాలకు మల్కాజిగిరి పోలీసులు ఈ వ్యవస్థను వినియోగించనున్నారు. పోలీసులకు అదనపు బలం సాధారణంగా ప్యాట్రోలింగ్ ద్వారా ఉంటుంది, అంటే వారు వాహనాల్లో లేదా కాలినడకన గస్తీ నిర్వహిస్తారు. అయితే, ఈ ఏఐ డ్రోన్ వినియోగంతో పోలీసుల పనితీరు మరింత సమర్థవంతంగా ఉంటుంది. ఈ డ్రోన్లు ఆకాశం నుండి పోలీసుల మాదిరిగా కాపలా కాస్తూ పని చేస్తాయి. వేలాది మంది జనంలోనూ అసాధారణ ప్రజల కదలికలను తేలిగ్గా గుర్తించగలవు. ఒక్క డ్రోన్ 3 - 4 ప్యాట్రోలింగ్ యూనిట్లకు సమానం అని పోలీసులు చెబుతున్నారు. గతంలో, కేవలం లైవ్ ఫీడ్ ద్వారా గణేశ్ నిమజ్జనం మరియు ఇతర భారీ వేడుకల సందర్భాల్లో పోలీసులు డ్రోన్లను ఉపయోగించారు. అయితే, తాజా డ్రోన్లు కృత్రిమ మేధస్సుతో పనిచేస్తాయి. ఇవి రియల్టైమ్లో పరిస్థితిని అంచనా వేసి కమాండ్ కంట్రోల్కు సమాచారం చేరవేస్తాయి. వీటికి అదనంగా సీసీ కెమెరాలతో పర్యవేక్షణ ఉంటుంది.
