ఇప్పుడు లో ఈ తెలుగు సినిమాను తెగ చూసేస్తున్నారు.. టాప్ ట్రెండింగ్ లో 7.5/10 రేటింగ్ మూవీ

యాక్షన్, సస్పెన్స్‌తో నిండిన ఈ సినిమాను ఆడియెన్స్ తెగ చూసేస్తున్నారు. సుమారు 2 గంటల 21 నిమిషాల నిడివి గల ఈ సినిమా, రితేష్ దేశ్‌ముఖ్ 'రాజా శివాజీ', అక్షయ్ కుమార్ 'భూత్ బంగ్లా' చిత్రాలను కూడా అధిగమించింది.మనం మాట్లాడుకుంటున్న ఈ సినిమా పేరు 'బ్లాస్ట్'. ఇది తమిళ భాషలో రూపొందిన ఒక యాక్షన్ థ్రిల్లర్ చిత్రం. తెలుగులో బ్లాస్ట్ జోన్ గా రిలీజైంది. ఇందులో అర్జున్ సర్జా, ప్రీతి ముకుందన్, అభిరామి ప్రధాన పాత్రలలో నటించారు. మార్షల్ ఆర్ట్స్‌లో ప్రావీణ్యం ఉన్న ఒక మధ్యతరగతి కుటుంబం, ఒక అవినీతి కార్పొరేట్ సిండికేట్‌తో తలపడటాన్ని ఈ సినిమా కథ చెబుతుంది. 2026 మే 28న థియేటర్లలో విడుదలైన ఈ సినిమా బడ్జెట్ కేవలం రూ. 18 కోట్లు. కానీ ఈ చిత్రం 190 శాతానికి పైగా లాభాన్ని ఆర్జించి, ప్రపంచవ్యాప్తంగా రూ. 80 కోట్లకు పైగా వసూలు చేసింది. జూన్ 25న నెట్‌ఫ్లిక్స్‌లో ప్రసారమైన ఈ చిత్రం, ఓటీటీలో విడుదలైన కొద్ది రోజులకే నంబర్ వన్ స్థానంలో ట్రెండింగ్‌లోకి వచ్చింది.

బ్లాస్ట్ జోన్ సినిమా కథ విషయానికి వస్తే.. కుటుంబ పెద్ద మార్షల్ ఆర్ట్స్ శిక్షకుడైన రాజారామ్ (అర్జున్) తన కుమార్తెకు ఆపద సమయాల్లో తనను తాను రక్షించుకునే నైపుణ్యాలను నేర్పిస్తాడు. అయితే అకస్మాత్తుగా, ఒక కార్పొరేట్ సంస్థ రాజారామ్ సంతోషకరమైన కుటుంబంలోకి ప్రవేశించడంతో కథ పూర్తిగా వేరే మలుపు తీసుకుంటుంది. రాజారామ్, అతని భార్య, కుమార్తె ఆ శత్రువులను ఎలా ఎదుర్కొన్నారన్నదే ఈ సినిమా. బ్లాస్ట్ సినిమాకు సుభాష్ కె రాజ్ అనే కుర్రాడు దర్శకత్వం వహించాడు. జాన్ కొక్కెన్, వివేక్ ప్రసన్న, అర్జున్ చిదంబరం, దిలీపన్, పవన్, వినోద్ సాగర్ తదితరులు ప్రధాన పాత్రలు పోషించారు.

OTT ప్లాట్‌ఫామ్ నెట్‌ఫ్లిక్స్‌లో, ప్రస్తుతం 'బ్లాస్ట్' మొదటి స్థానంలో ట్రెండ్ అవుతోంది. దీని తర్వాత 'రాజా శివాజీ' రెండవ స్థానంలో, 'భూత్ బంగ్లా' మూడవ స్థానంలో, 'వాయిస్‌మెయిల్స్ ఆఫ్ ఇసాబెల్' నాలుగవ స్థానంలో, 'ధురందర్: ది రివెంజ్' ఐదవ స్థానంలో, 'లిటిల్ బ్రదర్' ఆరవ స్థానంలో, 'మా బెహన్' ఏడవ స్థానంలో, 'కారా' ఎనిమిదవ స్థానంలో, '29' తొమ్మిదవ స్థానంలో, 'హస్బెండ్స్ ఇన్ యాక్షన్' పదవ స్థానంలో ట్రెండింగ్‌లో ఉన్నాయి.

Not every battle leaves scars you can see. 💥 This one is for every girl who's learning to be fearless, stand tall, and never let anyone dim her light. ✨❤️ Strong. Brave. Unstoppable.#BlastMovie #GirlPower #WomenInspire #Fearless #StrongWomen #Inspiration #NeverGiveUp — 𝐒.𝐀. 𝐍𝐢𝐦𝐚𝐥𝐚𝐧 (@SA_Nimalan) June 29, 2026 మరిన్ని సినిమా వార్తల కోసం ఇక్కడ క్లిక్ చేయండి.