మంచితనం ఎప్పుడు మంచిది కాదు..? సైకాలజీ ఏం చెప్తోందంటే

మీరు చేసిన సహాయాన్ని, మంచితనాన్ని గుర్తు పెట్టుకుని కృతజ్ఞత పెట్టుకునే వారు మొదటిరకం. వీళ్లతో ఎలాంటి సమస్య ఉండదు. జీవితాంతం గుర్తు పెట్టుకుంటారు. రెండో రకం వారు..సహయం తీసుకుంటారు, మనుషులను ఉపయోగించుకుంటారు. కానీ గుర్తుపెట్టుకోరు, మర్చిపోతారు కూడా.

ఇక మూడోరకం వాళ్లు వెరీ డేంజరేస్. వీళ్లతోనే అతిపెద్ద సమస్య. మీ మంచితనాన్ని, సహాయాన్ని ఉపయోగించుకుని...జలగలా పీల్చేస్తారు. అయ్యో పాపం అని సహాయం చేస్తే...దాన్ని అవసరంగా మొత్తం పిండేస్తారు. వీళ్ల చేతిలో పడితే మాత్రం అంతే. చివరికి వారి వల్ల వాడి పాడైపోయిన క్రికెట్ బాల్ లాగా అయిపోతుంది.

అందుకే మంచితనం ఎప్పుడు ఇబ్బంది అవుతుందంటే... ఆ మంచి మన మీదకే రివర్స్ అయినప్పుడు. ఎవరికి సహాయం చేస్తున్నామని ముందు తెలుసుకోవాలి. లేకపోతే ప్రతీసారి సహాయం చేసే పాటికి అభ్యర్థన కాస్తా హక్కు, డిమాండ్ గా మారిపోతుంది. ఇలాంటి వారికి అసలు సహాయం చేయకపోవడమే మంచిది.

అసలు ఇంత సహాయం చేయడం, అతి మంచితనానికి సైకాలజీలో 2 కారణాలు ఉన్నాయి. కారణం ఉంది. అందులో మొదటిది ఫియర్ ఆఫ్ రిజక్షన్. ఇది ఎందుకు వస్తుందంటే...దయ, అతి మంచితనం వల్ల. దయ ఉంటే పర్లేదు. కానీ అతి మంచితనం పనికిరాదు. అందరినీ సంతోషపెట్టాలని నిన్ను నువ్వు కోల్పోతావని సైకాలజిస్టులు చెబుతున్నారు. నీ సాయం అలవాటు కాకూడదు.

ఇక రెండోది ఫియర్ ఆఫ్ కాన్ ఫ్లిక్ట్. ఎదుటివారి దగ్గర మంచితనం అనిపించుకోవాలని చెప్పి సహాయం చేస్తూనే ఉంటారు. ఒకవేళ సహాయం చేస్తే గొడవలు వస్తాయనే భయంతో చేసేస్తుంటారు. అలా సహాయం చేసుకుంటూ పోతే కచ్చితంగా ఇబ్బంది పడతారని సైకాలజిస్టులు అంటున్నారు. చివరకు నిస్సహాయ స్థితికి చేరిపోయే ప్రమాదం ఉంది.