నిప్పుల కొలిమిలా మారిన ఐరోపా, సెగలు గక్కుతున్న ఖండం

కొన్ని ప్రాంతాలలో ఎండలు ఏకంగా 45 డిగ్రీల సెల్సియస్ దాటడంతో జనజీవనం పూర్తిగా స్తంభించిపోయింది. తీవ్రమైన వేడి వాతావరణం వల్ల విద్యుత్ వ్యవస్థలపై ఊహించని ఒత్తిడి పడుతుండటంతో పాటు అనేక దేశాలలో ప్రజల ప్రాణాలు గాల్లో కలుస్తున్నాయి. లండన్ యూనివర్సిటీ ప్రొఫెసర్ హ్యూ మోంట్‌గోమరి స్పందిస్తూ.. ఇది కేవలం వాతావరణంలో వచ్చిన తాత్కాలిక మార్పు మాత్రమే కాదు, రాబోయే మహా ప్రళయానికి ఇవి ప్రారంభ సంకేతాలు అని సంచలన హెచ్చరికలు జారీ చేశారు. ఇంకా జూలై మాసం రాకముందే యూరప్ లో ఈ రకమైన ఎండలు రావడం భవిష్యత్తు ప్రమాదాలను ముందే సూచిస్తోంది.ఆకాశంలో ఏర్పడిన భారీ ఒమేగా బ్లాక్.. ఏమిటిది?ఈ విపరీతమైన ఎండలకు ప్రధాన కారణం అంతరిక్ష వాతావరణంలో ఏర్పడిన ఒమేగా బ్లాక్’ అని శాస్త్రవేత్తలు చెబుతున్నారు. గ్రీకు అక్షరం ఒమేగా (Omega) ఆకారంలో ఉండే ఈ వాతావరణ పద్ధతి వల్ల భారీ అధిక పీడన వ్యవస్థ రెండు అల్పపీడన ప్రాంతాల మధ్య చిక్కుకుపోతుంది. దీనివల్ల సాధారణంగా పశ్చిమం నుండి తూర్పుకు ప్రయాణించే గాలులు నిలిచిపోయి, ఒకే చోట వేడి గాలి స్థిరపడిపోతుంది. ఈ దృగ్విషయాన్ని శాస్త్రవేత్తలు హీట్ డోమ్ అని పిలుస్తారు. దీని కారణంగా ఆకాశంలో మేఘాలు ఏర్పడవు, దాంతో సూర్యరశ్మి నేరుగా భూమిని వేడెక్కిస్తుంది. చల్లటి గాలి లోపలికి ప్రవేశించే మార్గం లేకపోవడంతో ఆ వేడి గాలి ఒక గిన్నెపై మూత పెట్టినట్లు అక్కడే బందీ అయిపోతుంది. సాధారణంగా వేసవిలో ఇలాంటి హీట్ డోమ్స్ ఏర్పడటం సహజమే అయినప్పటికీ, ప్రస్తుత ఉష్ణోగ్రతల తీవ్రత మాత్రం శాస్త్రవేత్తలను సైతం వణికిస్తోంది.ప్రాణాంతకంగా మారిన ఎండలు.. నదుల్లో శవాలు!ఈ భీకరమైన వేడికి తట్టుకోలేక చాలా మంది ఉపశమనం కోసం నీటి వనరుల వైపు పరుగులు తీస్తున్నారు. ఫ్రాన్స్ లో జూన్ 18 నుంచి ఇప్పటివరకు సుమారు 40 మంది ఈత కొడుతూ నీటిలో మునిగి ప్రాణాలు కోల్పోయారు. అలాగే దక్షిణ ఫ్రాన్స్ లో ఎండ వేడికి కారులోనే ఇద్దరు చిన్నారులు ఊపిరాడక చనిపోగా, బెల్జియంలో ఇద్దరు యువకులు మృత్యువాత పడ్డారు. పరిస్థితి తీవ్రతను బట్టి వైద్య నిపుణులు ఇప్పటికే అక్కడ రెడ్ అలర్ట్ జారీ చేశారు.ప్రస్తుత సంక్షోభంలో ఒక్క ఫ్రాన్స్ మాత్రమే కాకుండా స్పెయిన్, ఇటలీ దేశాలు కూడా అల్లాడిపోతున్నాయి. స్పెయిన్‌లోని ఆండూజార్ నగరంలో ఉష్ణోగ్రతలు 45 డిగ్రీల సెల్సియస్ దాటాయి. దీంతో ఆ దేశ వాతావరణ విభాగం కొర్డోబా, బిల్బావో వంటి నగరాలకు రెడ్ అలర్ట్ ప్రకటించింది. ఇటలీ ప్రభుత్వం కూడా రోమ్, మిలన్ సహా 16 ప్రధాన నగరాలను అత్యంత ప్రమాదకరమైన జోన్లుగా ప్రకటించింది. తాతల కాలం నాటి నేరేడు సామెత రహస్యం! కరువుకు ముందస్తు హెచ్చరిక..చల్లని దేశాల్లోనూ వేళల మార్పు.. వందేళ్ల రికార్డులు బూడిద!సంప్రదాయబద్ధంగా ఎప్పుడూ చల్లటి వాతావరణం ఉండే యూకే (యూనైటెడ్ కింగ్‌డమ్) లాంటి దేశాల్లో కూడా పాఠశాలల వేళలను మార్చవలసి వచ్చింది. ఎందుకంటే అక్కడి భవనాలు ఇలాంటి తీవ్రమైన వేడిని తట్టుకునేలా నిర్మించబడలేదు. అటు పోలాండ్‌లో కూడా వందేళ్ల కిందటి గరిష్ట రికార్డు ఉష్ణోగ్రత అయిన 40.2 డిగ్రీల సెల్సియస్ దాటిపోయే అవకాశాలు ఉన్నాయని అక్కడి వాతావరణ పరిశోధకులు ఆందోళన వ్యక్తం చేస్తున్నారు.యూరప్‌లో ప్రధాన కేంద్రంగా ఉన్న ఫ్రాన్స్‌లో మునుపెన్నడూ లేని విధంగా 1947 తర్వాత దేశవ్యాప్తంగా అత్యధిక సగటు ఉష్ణోగ్రతలు నమోదయ్యాయి. తీవ్రమైన ఎండల వల్ల ట్రాన్స్‌ఫార్మర్లు నిలిచిపోయి వేలాది ఇళ్లకు కరెంటు సరఫరా ఆగిపోయింది. దేశంలో దాదాపు 1800 పాఠశాలలను మూసివేయగా, లూవ్ర్ మ్యూజియం వంటి చారిత్రక సందర్శనా స్థలాల పనివేళలు కూడా భారీగా కుదించారు.ప్రపంచం కంటే వేగంగా వేడెక్కుతున్న యూరప్.. కారణం ఏంటి?భూగోళం మీద ఉన్న మిగిలిన ప్రాంతాలతో పోలిస్తే యూరప్ ఖండం రెండు నుంచి మూడు రెట్లు వేగంగా వేడెక్కుతోంది. ఆర్కిటిక్ ధ్రువ ప్రాంతానికి దగ్గరగా ఉండటం దీనికి ఒక ప్రధాన కారణం. అక్కడ మంచు కరగడం వల్ల సూర్యకిరణాలను శోషించుకునే నల్లటి భూభాగం పెరిగిపోతోంది. ఫలితంగా ఉష్ణోగ్రతలు మరింత వేగంగా పెరుగుతున్నాయి. కాలుష్య నియంత్రణ చర్యల వల్ల వాతావరణంలో దుమ్ము కణాలు తగ్గడం కూడా మరో కారణం అని తెలుస్తోంది. El Nino:10 రాష్ట్రాలకు కేంద్రం హైఅలర్ట్.. రైతులకు బిగ్ అలర్ట్!ప్రస్తుతం పసిఫిక్ మహాసముద్రంలో బలపడుతున్న ఎల్ నినో ప్రభావం వల్ల ఈ ఎండలు రావడం లేదని శాస్త్రవేత్తలు స్పష్టం చేశారు. దీనికి వంద శాతం మానవ తప్పిదాల వల్ల జరుగుతున్న వాతావరణ మార్పులే ప్రధాన కారకమని క్లైమేట్ నిపుణులు పిలిచే ఫ్రైడరికే ఒట్టో స్పష్టం చేశారు. బొగ్గు, చమురు, గ్యాస్ వాడకం ద్వారా విడుదలవుతున్న గ్రీన్‌హౌస్ వాయువులే భూమిని నిప్పుల కొలిమిలా మారుస్తున్నాయి. ఇప్పటికైనా కఠినమైన పర్యావరణ చర్యలు తీసుకోకపోతే మానవాళికి పెను ముప్పు తప్పదని పరిశోధకులు తీవ్ర ఆందోళన వ్యక్తం చేస్తున్నారు.