మా ఇద్దరి మధ్య భలే సింక్ కుదిరింది, సమంతపై రాజ్ నిడిమోరు ప్రశంసలు.. ఆమె సెల్ఫ్ మేడ్ యాక్టర్

నిర్మాత రాజ్ నిడిమోరు తన భార్య సమంత రూత్ ప్రభుతో 'మా ఇంటి బంగారం' సినిమాకు పనిచేసిన అనుభవాన్ని పంచుకున్నారు. సమంత తన సొంత కష్టంతో పైకొచ్చిన నటి అని, తమ ఇద్దరి మధ్య మంచి అండర్‌స్టాండింగ్ ఉందని మెచ్చుకున్నారు. నటి సమంత రూత్ ప్రభు ప్రస్తుతం తన కొత్త సినిమా 'మా ఇంటి బంగారం' సక్సెస్‌ను ఎంజాయ్ చేస్తున్నారు. నందిని రెడ్డి దర్శకత్వం వహించిన ఈ యాక్షన్-కామెడీ చిత్రానికి ప్రేక్షకుల నుంచి మంచి స్పందన వస్తోంది. ఈ సినిమాలో సమంత కొత్త అవతారాన్ని అభిమానులు బాగా ఇష్టపడుతున్నారు.

ఈ సినిమా నిర్మాత, సమంత భర్త అయిన రాజ్ నిడిమోరు, తన భార్యతో పనిచేసిన అనుభవాన్ని షేర్ చేసుకున్నారు. సమంతను 'స్వయంకృషితో ఎదిగిన నటి' అని పిలుస్తూ, 'మా ఇద్దరి మధ్య అద్భుతమైన సింక్ ఉంది' అన్నారు. ఒక నేషనల్‌ మీడియాతో మాట్లాడుతూ, 'సమంత ఎప్పుడూ కొత్తదనం కోసం చూసే సెల్ఫ్-మేడ్ యాక్టర్. నేను ఆమె కెరీర్ మొదట్లో చేసిన సినిమాలు చూడలేదు, కానీ ఆమెకు వచ్చిన పాపులారిటీ, ఇన్నేళ్లుగా ఆమె అనుభవిస్తున్న స్టార్‌డమ్ గురించి నాకు తెలుసు' అని చెప్పారు.

'ఆమె మొదటి టేక్‌లోనే బెస్ట్ పెర్ఫార్మెన్స్ ఇస్తుంది. అందుకే నేను ఎక్కువగా ఆమె ఫస్ట్ టేక్‌నే వాడుకుంటాను. ఎందుకంటే, ఏదైనా కొత్తగా చేయడానికి ఆమె మానసికంగా సిద్ధంగా ఉంటుంది' అని రాజ్ వివరించారు. 'సినిమా ఇండస్ట్రీలో నటీనటుల కెరీర్ లైఫ్ గురించి మనం తరచుగా చర్చిస్తాం. ఏదేమైనా, ఒక యాక్టర్‌ని ఇండస్ట్రీలో ఎక్కువ కాలం నిలబెట్టేది వారి నటన మాత్రమే అని మనకు తెలుసు' అని రాజ్ అన్నారు.

రాజ్‌ నిడిమోరు ఇంకా మాట్లాడుతూ, `సమంతకి ఏదైనా టేక్ నచ్చకపోతే, దాన్ని ఇంకా ఎలా మెరుగుపరచవచ్చో మేం చర్చించుకునేవాళ్లం' అన్నారు. 'గత కొన్నేళ్లుగా ఆమె ఈ విషయంలో చాలా మెరుగైంది. మానిటర్‌లో తన నటన చూసుకుని, 'నన్ను నేను ఇలా యాక్ట్ చేస్తూ ఎప్పుడూ చూసుకోలేదు' అని ఆమె అనేదని' రాజ్ గుర్తుచేసుకున్నారు. చివరగా, 'మా ఇద్దరి మధ్య గ్రేట్ సింక్ ఉంది' అని వెల్లడించారు.

ఇదిలా ఉంటే సమంత తల్లి కాబోతుంది. ఆమె ఇటీవల సక్సెస్‌ సెలబ్రేషన్‌లో భాగంగా టీషర్ట్ ధరించి వచ్చింది. ఆమె చిన్నపాటి బేబీ బంప్‌ కనిపించింది. దీనికితోడు చిరంజీవి కూడా ఈ విషయాన్ని పరోక్షంగా ధృవీకరించారు. ఆయన్ని సమంత, రాజ్‌ నిడిమోరు మా ఇంటి బంగారం టీమ్‌ కలిసి విషయం తెలిసిందే. వారిని అభినందిస్తూ చిరంజీవి ఈ ట్వీట్‌ చేశారు.