సుడిగాలి సుధీర్ తో సినిమాపై యాంకర్ రష్మి షాకింగ్ రియాక్షన్ .. పేరు పలకడానికి కూడా ఇబ్బంది

షోకి అదిరిపోయే రేటింగ్‌ని తీసుకొచ్చారు. షోలోనే లవ్‌ ప్రపోజల్స్ జరిగాయి, ఎంగేజ్‌మెంట్‌ కూడా జరిగింది. అంతేకాదు పెళ్లి పీఠల వరకు వెళ్లింది. కానీ అది షో కోసం చేసిన హంగామా అనేది తెలిసిందే.

అయితే వీరిద్దరు రియల్‌ లైఫ్‌లోనూ లవర్స్ అని అభిమానులు భావిస్తున్నారు. ఇద్దరు పెళ్లి చేసుకోవాలని కూడా చాలా మంది అభిమానులు కోరుకున్నారు. అయితే అనూహ్యంగా జబర్దస్త్ షో నుంచి సుడిగాలి సుధీర్‌ వెళ్లిపోయాడు. సినిమా అవకాశాలు వచ్చిన నేపథ్యంలో షో నుంచి తప్పుకున్నారు. దీంతో రష్మికి, సుధీర్‌కి గ్యాప్‌ వచ్చింది. ఆ గ్యాప్‌ పెరుగుతూనే ఉంది. అయితే తాజాగా రష్మి ముందు సుధీర్ ప్రస్తావన వచ్చింది. దానికి ఆమె ప్రస్తావన చర్చనీయాంశంగా మారింది.

రష్మి గౌతమ్‌ ఇప్పుడు యాంకర్‌గా `ఆహా`లో టాప్‌ తెలుగు ఇన్‌ఫ్లూయెన్సర్లతో ఒక షోని నిర్వహిస్తున్నారు. దీనికి సంబంధించిన కర్టెన్‌ రైజర్‌ ఈవెంట్‌ మంగళవారం జరిగింది. ఇందులో జడ్జ్ గా వ్యవహరించబోతున్న మంచు లక్ష్మి, యాంకర్‌గా ఉండబోతున్న రష్మి గౌతమ్‌, ఆహా హెడ్‌, మిగిలిన ఇన్‌ఫ్లూయెన్సర్లు ఇందులో పాల్గొన్నారు. సరదాగా కాసేపు గేమ్‌ ఆడారు. ఇందులో సుడిగాలి సుధీర్‌ ప్రస్తావన వచ్చింది. ఆటలో భాగంగా సుధీర్‌ పేరు చెప్పాల్సి వచ్చింది. కానీ రష్మి ఆ పేరు పలకడానికి ఇబ్బంది పడింది. సగం చెప్పి మానేసింది. తాను గెలవాల్సిన చోట ఓడిపోవడానికి రెడీ అయ్యింది.

ఆ తర్వాత సుడిగాలి సుధీర్‌తో సినిమాపై ఆమె రియాక్ట్ అయ్యింది. సుధీర్, తాను హీరోహీరోయిన్లుగా సినిమా రాబోతుందనే వార్తల నేపథ్యంలో తామిద్దరం కలిసి నటించడం లేదని, అది కేవలం మీడియా సృష్టినే అని చెప్పింది. తాము కలిసి సినిమా చేస్తున్నామనేదాంటో నిజం లేదని స్పష్టం చేసింది. ఇక సినిమాలకు గ్యాప్‌ రావడంపై రష్మి గౌతమ్‌ స్పందిస్తూ, గ్యాప్‌ ఏం రాలేదని, మంచి స్క్రిప్ట్ ల కోసం చూస్తున్నట్టు చెప్పింది. తనకు ఎక్కువగా గ్లామర్‌రోల్స్ వస్తున్నాయని, ఇప్పటికే చేసిన పాత్రలను మళ్లీ మళ్లీ చేయాలని తనకు లేదని, తనకు నచ్చిన పాత్రలు వస్తే నటించడానికి సిద్ధమే అని వెల్లడించింది రష్మి గౌతమ్‌.

ఈటీవీలో షో చేస్తూ, మరో ప్లాట్‌ ఫామ్‌లో షో చేయడంపై రియాక్ట్ అవుతూ, ఈటీవీలోగానీ, మల్లెమాల దాంట్లో గానీ ఒక షో చేస్తే, మరో షో చేయోద్దనే నిబంధన లేదని, కాకపోతే ఒకే తరహా షో రెండింటిలోనూ చేయడానికి లేదని, ఒకే టైమ్‌ లో వచ్చే షోలు అయితే అభ్యంతరం ఉంటుందిగానీ, రెండు వేర్వేరు షోలు, రెండు వేర్వేరు టైమ్‌ స్లాట్‌లో వచ్చే షోలు చేయడానికి ఎలాంటి ఇబ్బంది లేదని, ఇప్పుడు తాను చేసేది కూడా అదే అని చెప్పింది. జబర్దస్త్ షోకి, ప్రస్తుతం తాను `ఆహా`లో చేయబోతున్నా టాప్‌ తెలుగు ఇన్ ఫ్లూయెన్సర్స్ షోకి సంబంధం లేదని, రెండు వేర్వేరు అని, ఒకదాని వల్ల మరోదానికి ఎలాంటి సమస్య లేదని చెప్పింది రష్మి. ఆమె కామెంట్స్ వైరల్‌ అవుతున్నాయి.