సెంచరీతో జైస్వాల్, అర్ధసెంచరీతో హిట్ మ్యాన్... ఇద్దరూ టచ్ లోకి వచ్చారు... ఆఫ్ఘన్ పై టీమిండియా క్లీన్ స్వీప్

. బౌలింగ్‌లో ప్రసిద్ధ్ కృష్ణ... బ్యాటింగ్‌లో యశస్వి జైస్వాల్, రోహిత్ శర్మ చెలరేగడంతో భారత్ ఏకపక్ష విజయాన్ని నమోదు చేసింది. వన్డే కెప్టెన్‌గా శుభ్‌మన్ గిల్‌కు ఇదే తొలి సిరీస్ విజయం కావడం గమనార్హం.ఈ మ్యాచ్‌లో టాస్ గెలిచి బ్యాటింగ్ ఎంచుకున్న ఆఫ్ఘనిస్థాన్ నిర్ణయం బెడిసికొట్టింది. ఆరంభం నుంచే భారత పేసర్ ప్రసిద్ధ్ కృష్ణ నిప్పులు చెరిగే బంతులతో విరుచుకుపడ్డాడు. తన కెరీర్‌లో తొలిసారి ఐదు వికెట్ల ప్రదర్శన (8.2 ఓవర్లలో 23 పరుగులిచ్చి 5 వికెట్లు) చేసి ఆఫ్ఘన్ పతనాన్ని శాసించాడు. గుర్బాజ్ (5), ఇబ్రహీం జద్రాన్ (11), రహ్మత్ షా (5) వంటి కీలక బ్యాటర్లను స్వల్ప స్కోర్లకే పెవిలియన్‌కు పంపి కోలుకోలేని దెబ్బ తీశాడు.ఒకవైపు వికెట్లు పడుతున్నా, మరో ఎండ్‌లో ఆఫ్ఘన్ కెప్టెన్ హష్మతుల్లా షాహిది సెంచరీతో ఒంటరి పోరాటం చేశాడు. భారత బౌలర్లను సమర్థంగా ఎదుర్కొంటూ కెప్టెన్ ఇన్నింగ్స్ ఆడి 131 బంతుల్లో 102 పరుగులు చేశాడు. అతనికి అజ్మతుల్లా ఒమర్‌జాయ్ (50) నుంచి కొంత సహకారం లభించడంతో ఆఫ్ఘనిస్థాన్ గౌరవప్రదమైన స్కోరు చేయగలిగింది. చివరకు 44.2 ఓవర్లలో 218 పరుగులకు ఆ జట్టు ఆలౌట్ అయింది.అనంతరం 219 పరుగుల స్వల్ప లక్ష్యంతో బరిలోకి దిగిన భారత్‌కు ఓపెనర్లు యశస్వి జైస్వాల్, రోహిత్ శర్మ అదిరిపోయే ఆరంభాన్ని