సెట్స్ లో కాజల్ బర్త్ డే సందడి.. బాలయ్య ఆశీర్వాదాలు వైరల్

జూన్ 19న పుట్టిన‌రోజు జరుపుకున్న కాజల్‌కు చిత్ర యూనిట్ షూటింగ్ మధ్యలోనే సర్‌ప్రైజ్ సెలబ్రేషన్ ఏర్పాటు చేసింది. కేక్ కటింగ్‌తో పాటు యూనిట్ సభ్యులందరూ ఆమెకు శుభాకాంక్షలు తెలియజేయగా, కాజల్ కూడా ఆనందంగా వారితో ఆ క్షణాలను పంచుకుంది. ఈ వేడుకలకు సంబంధించిన ఫోటోలు, వీడియోలు సోషల్ మీడియాలో వేగంగా వైరల్ అవుతూ అభిమానుల దృష్టిని ఆకర్షిస్తున్నాయి.

ఈ కార్యక్రమంలో నందమూరి బాలకృష్ణ(nandamuri balakrishna) ప్రత్యేకంగా కాజల్‌కు పుష్పగుచ్ఛం అందించి జన్మదిన శుభాకాంక్షలు తెలిపారు. అంతేకాకుండా ఆమెకు ఆశీస్సులు అందించిన విధానం అభిమానులను ఆకట్టుకుంది. బాలకృష్ణ చూపించిన ఆప్యాయత, యూనిట్ సభ్యుల మధ్య కనిపించిన సాన్నిహిత్యం ప్రస్తుతం సోషల్ మీడియాలో చర్చనీయాంశంగా మారింది. అభిమానులు కూడా ఈ వీడియోలను విస్తృతంగా షేర్ చేస్తూ తమ ఆనందాన్ని వ్యక్తం చేస్తున్నారు.

ఇప్పటికే భగవంత్ కేసరి(Bhagavanth Kesari)లో కలిసి నటించిన బాలకృష్ణ- కాజల్ జోడీ మరోసారి NBK111లో కనిపించనుండటంతో సినిమాపై అంచనాలు మరింత పెరిగాయి. డైరెక్ట‌ర్ గోపీచంద్ మలినేని(Gopichand Malineni) తెరకెక్కిస్తున్న ఈ సినిమా యాక్షన్, ఎమోషన్, కమర్షియల్ అంశాల సమ్మేళనంగా రూపుదిద్దుకుంటోంది. తాజా బర్త్‌డే వేడుకలు సినిమా చుట్టూ నెలకొన్న పాజిటివ్ బజ్‌ను మరింత బలపరిచాయని సినీ వర్గాలు అభిప్రాయపడుతున్నాయి.