పెద్దికి దెబ్బేసిన సమంత, మా ఇంటి బంగారం డే 1 కలెక్షన్స్.. అనుష్క, రష్మికలకు చుక్కలు

అయితే ప్రేక్షకుల నుంచి, క్రిటిక్స్ నుంచి ఈ చిత్రానికి యావరేజ్ రిపోర్ట్స్ వాస్తున్నాయి. సమంత సింగిల్ హ్యాండెడ్ గా ఈ చిత్రాన్ని తన భుజాలపై మోసింది అంటూ ప్రశంసలు కురిపిస్తున్నారు. సమంత స్టార్ పవర్ తో కలెక్షన్స్ కూడా అదిరిపోతున్నాయి.

మా ఇంటి బంగారం చిత్రానికి అడ్వాన్స్ బుకింగ్స్ లో కలక్షన్స్ జోరు కనిపిస్తోంది. రిలీజ్ కి ముందు నుంచే అడ్వాన్స్ బుకింగ్స్ జోరు మొదలైంది. తొలి రోజు కలెక్షన్స్ సాలిడ్ గా నమోదయ్యాయి. మా ఇంటి బంగారం డే 1 కలెక్షన్స్ ఇలా ఉన్నాయి. దేశ వ్యాప్తంగా తొలి రోజు మా ఇంటి బంగారం చిత్రానికి 2658 షోలు పడ్డాయి.

దీనితో నేషనల్ వైడ్ గా మా ఇంటి బంగారం చిత్రం 6.2 కోట్ల గ్రాస్ రాబట్టింది. దెస వ్యాప్తంగా నెట్ కలెక్షన్స్ చూసుకుంటే 5.35 కోట్లు గా నమోదయ్యాయి. ఇక ఓవర్సీస్ లో మాయా ఇంటి బంగారం చిత్రం తొలి రోజు 4.5 కోట్లు రాబట్టింది. దీనితో సమంత నటించిన ఈ చిత్రానికి తొలి రోజు వరల్డ్ వైడ్ గ్రాస్ 10.70 కోట్లుగా నమోదైంది. ఇది మంచి ఓపెనింగ్ అనే చెప్పాలి.

సమంత మా ఇంటి బంగారం చిత్రం జోరుతో రాంచరణ్ పెద్ది చిత్రానికి కూడా దెబ్బ పడినట్లు ట్రేడ్ విశ్లేషకులు భావిస్తున్నారు. శుక్రవారం రోజు మా ఇంటి బంగారం రిలీజ్ కారణంగా పెద్ది వసూళ్ళలో డ్రాప్ కనిపించింది.

మరోవైపు సమంత గ్యాప్ వచ్చినప్పటికీ బాక్సాఫీస్ వద్ద తన పట్టు నిలుపుకుంది. అనుష్క శెట్టి, రష్మిక లాంటి క్రేజీ హీరోయిన్లు రీసెంట్ గా నటించిన లేడీ ఓరియెంటెడ్ చిత్రాలని కూడా మా ఇంటి బంగారం బీట్ చేసింది. అనుష్క శెట్టి ఘాటి మూవీ తొలి రోజు 2 కోట్లు మాత్రమే వసూలు చేసింది. ఇక రష్మిక ది గర్ల్ ఫ్రెండ్ మూవీ తొలి రోజు 1.3 కోట్లు రాబట్టింది. ఈ చిత్రాలు సమంత మా ఇంటి బంగారం మూవీకి దరిదాపుల్లో కూడా లేవు అనే చెప్పాలి. మా ఇంటి బంగారం చిత్రం ఫ్యామిలీ యాక్షన్ డ్రామాగా నందిని రెడ్డి దర్శకత్వంలో తెరకెక్కింది. ఈ చిత్రానికి సమంత భర్త రాజ్ నిడిమోరు కథ అందించారు.