సాయికృష్ణ ఫ్యామిలీని కలిసిన సీఎం చంద్రబాబు.. ఉన్నత స్థాయి దర్యాప్తుకు ఆదేశం

విజయవాడ కృష్ణలాంక పోలీస్ స్టేషన్ పరిధిలో అదృశ్యమైన గాదె సాయికృష్ణ వ్యవహారం ఇప్పుడు రాష్ట్రంలో హాట్ టాపిక్‌గా మారింది. సాయికృష్ణ జాడ లేకపోవడంతో ఈ మిస్టరీపై సర్వత్రా ఆందోళన వ్యక్తమవుతోంది. ఈ నేపథ్యంలోనే బాధితుడి తల్లి విజయలక్ష్మి, కుటుంబ సభ్యులు ముఖ్యమంత్రి నారా చంద్రబాబు నాయుడి కలిశారు.

పెనుమలూరు ఎమ్మెల్యే బోడె ప్రసాద్ నేతృత్వంలో ఈ ఫ్యామిలీ ముఖ్యమంత్రి అధికారిక నివాసానికి చేరుకుంది. తమకు న్యాయం చేయాలని సీఎంకు వారు కన్నీటితో విజ్ఞప్తి చేశారు. బాధిత కుటుంబ సభ్యుల ఆవేదనను సీఎం చంద్రబాబు నాయుడు అత్యంత నిశితంగా ఆలకించారు.

కొడుకు దూరమై పుట్టెడు దుఃఖంలో ఉన్న తల్లి విజయలక్ష్మిని ఆయన స్వయంగా పరామర్శించి ధైర్యం చెప్పారు. ఈ క్లిష్ట సమయంలో ప్రభుత్వం అన్ని విధాలా అండగా ఉంటుందని సీఎం గట్టి హామీ ఇచ్చారు. బాధితులకు న్యాయం జరిగే వరకు ప్రభుత్వం విశ్రమించబోదని ఈ సందర్భంగా ముఖ్యమంత్రి స్పష్టం చేశారు.

ఈ కేసు తీవ్రతను పరిగణనలోకి తీసుకున్న సీఎం చంద్రబాబు నాయుడు తక్షణమే ఉన్నత స్థాయి దర్యాప్తునకు ఆదేశించారు. సాయికృష్ణ అదృశ్యం వెనుక ఉన్న అసలు నిజాలను వీలైనంత త్వరగా బయటకు తీయాలని స్పష్టమైన ఆదేశాలు జారీ చేశారు. ఏ చిన్న క్లూను కూడా వదలకుండా దర్యాప్తును వేగవంతం చేయాలని అధికారులను ఆదేశించారు.

దీంతో ఈ కేసు దర్యాప్తు ప్రక్రియ ఇప్పుడు సరికొత్త మలుపు తిరిగింది. పోలీసుల వైఫల్యంపై సీఎం చంద్రబాబు తీవ్ర ఆగ్రహం వ్యక్తం చేస్తూ తక్షణ చర్యలకు ఉపక్రమించారు. ఈ కేసులో నిర్లక్ష్యంగా వ్యవహరించిన స్థానిక కృష్ణలాంక సీఐ నాగరాజును సస్పెండ్ చేస్తూ సంచలన నిర్ణయం తీసుకున్నారు.

శాంతిభద్రతల నిర్వహణలో, ప్రజా ఫిర్యాదులపై నిర్లక్ష్యం వహిస్తే సహించేది లేదని ఈ చర్య ద్వారా సీఎం గట్టి సంకేతాలు పంపారు. అధికారుల తీరుపై సీఎం తీసుకున్న ఈ నిర్ణయం ఇప్పుడు పోలీసు శాఖలో ప్రకంపనలు సృష్టిస్తోంది. సాయికృష్ణ కేసులో ఎవరి తప్పు ఉన్నా సరే