టీమిండియా అన్వాంటెడ్ రికార్డ్

Team India Record : ఆఫ్ఘనిస్తాన్‌తో జరిగిన రెండో వన్డే మ్యాచ్‌లో భారత క్రికెట్ జట్టు ఘన విజయం సాధించినప్పటికీ, చరిత్రలో ఎన్నడూ లేని ఒక విచిత్రమైన, ఇష్టం లేని రికార్డును తన పేరిట లిఖించుకుంది. వన్డే క్రికెట్ చరిత్రలోనే 400 కంటే ఎక్కువ పరుగులు చేసి ఆలౌట్ అయిన తొలి జట్టుగా భారత్ నిలిచింది.

బ్యాటర్లు ఆకాశమే హద్దుగా చెలరేగి భారీ స్కోరు బోర్డుపై ఉంచినప్పటికీ, ఇన్నింగ్స్ ముగిసే సమయానికి పది వికెట్లు కోల్పోవడం క్రీడా వర్గాల్లో చర్చనీయాంశమైంది. గతంలో ఈ అన్‌వాంటెడ్ రికార్డ్ వెస్టిండీస్ పేరిట ఉండేది. ఆ జట్టు 2019లో ఇంగ్లాండ్‌పై జరిగిన మ్యాచ్‌లో 389 పరుగులకు ఆలౌట్ అవ్వగా, ఇప్పుడు టీమిండియా ఆ రికార్డును దాటి మరీ 400 ప్లస్ స్కోరు వద్ద వికెట్లన్నీ సమర్పించుకుంది.

Read Also : విజయ్ దేవరకొండకు టీసీఏ లీగల్ నోటీసు.. ఎందుకు? ఈ మ్యాచ్‌తో భారత్ ఒక చేదు రికార్డును మూటగట్టుకున్నా, మరోపక్క తన పరుగుల విధ్వంసాన్ని చాటిచెప్పే రికార్డును కూడా సొంతం చేసుకుంది. వన్డేల్లో అత్యధిక సార్లు (8 సార్లు) 400 ప్లస్ స్కోర్లు చేసిన జట్టుగా ఇప్పటివరకు అగ్రస్థానంలో ఉన్న సౌతాఫ్రికా సరసన భారత్ చేరింది.

బ్యాటింగ్ పిచ్‌లపై భారత్‌కు ఉన్న తిరుగులేని ఆధిపత్యాన్ని ఇది నిరూపిస్తోంది. కాగా, మూడు వన్డేల ఈ సిరీస్‌లో భారత్ ఇప్పటికే తిరుగులేని ఆధిక్యంలో దూసుకెళ్తోంది. ఇరు జట్ల మధ్య సిరీస్ ఫలితాన్ని తేల్చే ఆఖరిదైన మూడో వన్డే మ్యాచ్ ఈ నెల 20న (శనివారం) చెన్నై వేదికగా జరగనుంది.

ఈ మ్యాచ్‌లోనైనా భారత్ ఆలౌట్ కాకుండా క్లీన్ స్వీప్ సాధిస్తుందో లేదో చూడాలి. Chandrababu Naidu: యోగాంధ్ర-2026 ఏర్పాట్లపై ముఖ్యమంత్రి చంద్రబాబు ఉన్నతస్థాయి సమీక్ష గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం.