తండ్రి దర్శకత్వంలో కొడుకు హీరోగా ఎంట్రీ.. రజినీకాంత్ కుటుంబం నుంచి మరోతరం

వైవిధ్యమైన నటనతో దేశవ్యాప్తంగా అశేష అభిమానులను సంపాదించుకున్న తమిళ స్టార్ హీరో ధనుష్. కేవలం నటుడిగానే కాకుండా దర్శకుడిగా, నిర్మాతగా, గాయకుడిగా చిత్ర పరిశ్రమలో తనదైన ముద్ర వేశారు. ఇప్పటికే కొన్ని అద్భుతమైన సినిమాలను తెరకెక్కించి విలక్షణ దర్శకుడిగా నిరూపించుకున్న ధనుష్, ఇప్పుడు తన ఐదవ దర్శకత్వ ప్రాజెక్ట్‌తో సరికొత్త సాహసానికి సిద్ధమవుతున్నారు. తాజా సమాచారం ప్రకారం, ధనుష్ తన పెద్ద కుమారుడు ‘యాత్ర’ (Yatra)ను వెండితెరకు హీరోగా పరిచయం చేయబోతున్నారు. గత కొద్దిరోజులుగా యాత్ర సినీ రంగ ప్రవేశంపై సామాజిక మాధ్యమాల్లో అనేక ఊహాగానాలు చక్కర్లు కొడుతున్నాయి. ఇటీవల జరిగిన ఓ సినిమా ఈవెంట్‌లో ధనుష్ మాట్లాడుతూ, తన కుమారుడికి ఇంకా 19 ఏళ్లేనని, ఇప్పుడే ఏమీ చెప్పలేమని దాటవేసినప్పటికీ, తాజాగా అందుతున్న నివేదికలు ఈ క్రేజీ విషయాన్ని మాత్రం కన్ఫార్మ్ చేస్తున్నాయి. ఈ ప్రతిష్టాత్మక చిత్రాన్ని ‘ఆర్‌టేక్ స్టూడియోస్’ , ధనుష్ స్వంత నిర్మాణ సంస్థ ‘వుండర్‌బార్ ఫిల్మ్స్’ సంయుక్తంగా భారీ బడ్జెట్‌తో నిర్మించనున్నట్లు కోలీవుడ్ వర్గాల సమాచారం. అయితే దీనిపై ఇప్పటివరకు ఎలాంటి అధికారిక ప్రకటన రాలేదు.

ఎక్కువ మంది చదివినవి : దాసరి, చిరంజీవి చేతుల మీదుగా అవార్డ్ అందుకుంటున్న నటుడిని గుర్తుపట్టారా.. ? ఇప్పుడు జబర్దస్త్ షోలో ఫేమస్ కమెడియన్..

ఈ చిత్రం పక్కా మాస్ కమర్షియల్ ఎంటర్‌టైనర్‌గా తెరకెక్కనుందని తెలుస్తోంది. ఇందుకోసం ధనుష్ తనయుడు యాత్ర ఇప్పటికే నటన, డ్యాన్స్ లో శిక్షణ తీసుకుంటున్నారని, అంతేకాకుండా ఫిట్‌నెస్ విషయంలో సిక్స్-ప్యాక్ బాడీని నిర్మించే పనిలో పడ్డారని టాక్ వినిపిస్తుంది. ఈ సినిమాకు స్టార్ కంపోజర్ జి. వి. ప్రకాష్ కుమార్ సంగీతాన్ని అందించబోతుండగా, ప్రసిద్ధ సినిమాటోగ్రాఫర్ వేల్‌రాజ్ కెమెరా బాధ్యతలను నిర్వహించనున్నారు. ఇప్పటికే యాత్రకు సంబంధించిన లుక్ టెస్ట్ కూడా పూర్తయిందని, త్వరలోనే అధికారిక ప్రకటనతో పాటు ఒక భారీ లాంచ్ ఈవెంట్‌ను నిర్వహించడానికి చిత్ర బృందం ప్లాన్ చేస్తోంది.

ఎక్కువ మంది చదివినవి : Tollywood : ఏం పాట రా బాబు.. అప్పట్లో కుర్రాళ్లకు నిద్ర లేకుండా చేసింది.. ఇప్పటికీ ట్రెండింగ్ ఈ సాంగ్..

ఇదివరకు ధనుష్ తన దర్శకత్వంలో వచ్చిన 'నిలవుక్కు ఎన్మేల్ ఎన్నడి కోబం' సినిమా ద్వారా తన మేనల్లుడు పవిష్‌ను పరిశ్రమకు పరిచయం చేశారు. ఇప్పుడు స్వయంగా తన కుమారుడినే హీరోగా లాంచ్ చేస్తుండటంతో అటు ధనుష్ అభిమానుల్లో, ఇటు సూపర్ స్టార్ రజనీకాంత్ (యాత్ర తాతగారు) అభిమానుల్లో భారీ అంచనాలు నెలకొన్నాయి. ధనుష్ తన ప్రస్తుత నటన ప్రాజెక్టులను పూర్తి చేసిన వెంటనే ఈ సినిమా షూటింగ్ ప్రారంభం కానుంది. ఇప్పుడు రజినీకాంత్ కుటుంబం నుంచి మరో తరం రాబోతుంది.

ఎక్కువ మంది చదివినవి : పెళ్లి ఫంక్షన్లలో పని.. రూ.500 జీతం కోసం ఎన్నో కష్టాలు.. కట్‌చేస్తే టాలీవుడ్ క్వీన్..

ఎక్కువ మంది చదివినవి : Naga Chaitanya : అప్పుడు నాగార్జున జోడిగా.. ఇప్పుడు నాగచైతన్య సినిమాలో సీనియర్ హీరోయిన్.. ఎవరంటే..