నింగికి లేస్తూనే కుప్పకూలిన అమెరికా 52 బాంబర్.. 8 మంది దుర్మరణం, భీభత్సం రేపుతున్న వీడియో
Zee Telugu
రేణుక గొడుగు జీ తెలుగు డిజిటల్ మీడియాలో సబ్ ఎడిటర్గా 2024 నుంచి పనిచేస్తున్నారు. హెల్త్, లైఫ్స్టైల్, ఆస్ట్రోలజీ, బ్రేకింగ్, వైరల్ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది.
US Bomber Crash Viral Video: అమెరికాలోని ఎడ్వర్డ్స్ ఎయిర్ ఫోర్స్ బేస్లో యూఎస్ బాంబర్ కూలిపోయింది. యూఎస్ వైమానిక దళం సమాచారం ప్రకారం, విమానంలోని ఎనిమిది మంది మరణించారు. కాలిఫోర్నియాలోని ఎడ్వర్డ్స్ ఎయిర్ ఫోర్స్ బేస్ నుండి టేకాఫ్ అయిన కొద్దిసేపటికే ఈ B-52 బాంబర్ ప్రమాదానికి గురై మంటల్లో చిక్కుకుంది.
బి-52 అనేది అత్యంత శక్తివంతమైన బాంబర్ విమానం, ఇది ఒకేసారి 31,500 కేజీల బరువున్న ఆయుధాలను మోసుకెళ్లగలదు. అయితే, ఈ బాంబర్ అకస్మాత్తుగా కుప్పకూలిపోయింది. ఇరాన్తో చారిత్రాత్మక శాంతి ఒప్పందంపై డిజిటల్ సంతకాలు జరిగిన కొద్దిసేపటికే ఈ ప్రమాదం సంభవించింది.
సుమారు రూ.950 కోట్ల విలువైన ఈ బి-52 స్ట్రాటోఫోర్ట్ వ్యూహాత్మక బాంబర్ విమానం, ఎడ్వర్డ్స్ ఎయిర్ ఫోర్స్ బేస్ అనేది అంతర్జాతీయంగా అత్యంత ముఖ్యమైన విమాన పరీక్ష కేంద్రాలలో ఒకటి. ఈ విమానం పేలిపోవడంతో రన్వేకి చాలా సమీపంలో శిథిలాలు చెల్లాచెదురుగా పడ్డాయి.
సైనిక అత్యవసర అగ్నిమాపక బృందాలు వెంటనే ఘటనా స్థలానికి చేరుకుని, గాయపడిన వారిని సురక్షిత ప్రాంతాలకు తరలించాయి. అలాగే చుట్టుపక్కల వాహనాల రాకపోకలను కూడా నిలిపివేశారు. ఇది సాధారణ విమానం కాదు.. B52 స్ట్రాటోఫోర్ట్ అనేది ఒక సాధారణ విమానం కాదు, ఇది అమెరికా సైనిక శక్తికి నిలువుటద్దం.
అమెరికా భారీ బాంబర్లలో ఇది ఒకటి. 1952లో తొలిసారిగా ఎగిరిన ఈ విమానం, 1955లో అధికారికంగా అమెరికా వైమానిక దళంలో చేరింది. 50 వేల అడుగుల ఎత్తులో ఎగిరే సామర్థ్యం కలిగిన ఈ విమానం, వేల కేజీల బరువును మోసుకెళ్లగలదు. మరో ఆశ్చర్యకరమైన విషయం ఏమిటంటే, ఈ బి-52 బాంబర్
కూలిపోయిన కొద్ది గంటల వ్యవధిలోనే రష్యా మిలిటరీకి చెందిన కీలకమైన టియూ-22M3 (Tu-22M3) బాంబర్ కూడా ప్రమాదానికి గురైంది. సైబీరియాలోని ఇర్కుట్స్క్ ప్రాంతంలో శిక్షణ సందర్భంగా ఈ బాంబర్ కూలిపోతున్న వీడియో వైరల్ అవుతోంది. హైపర్ సోనిక్ కింజాల్ క్షిపణులను మోసుకెళ్లే ఈ బాంబర్, సిరియా, ఉక్రెయిన్ యుద్ధాల్లో కీలక పాత్ర పోషించింది. గాలిలో ఉండగానే ఇంజిన్ ఫెయిల్ అవ్వడంతో ఈ విమానం మంటల్లో చిక్కుకుంది. అయితే, ఈ భయంకరమైన ప్రమాదం నుండి నలుగురు సిబ్బంది ప్రాణాలతో బయటపడటం గమనార్హం.
రష్యా విమానం అడవుల్లో కూలింది... ఈ ఘోర ప్రమాదానికి సంబంధించిన వీడియోలు సోషల్ మీడియాలో వైరల్ అవుతున్నాయి. నది ఒడ్డున ఉన్న దట్టమైన అటవీ ప్రాంతంలో ఈ సూపర్ సోనిక్ బాంబర్ వేగంగా దూసుకు వస్తున్న దృశ్యాలు కనిపిస్తున్నాయి. విమానం నేలను తాకగానే భారీ పేలుడు సంభవించి, నల్లటి పొగ ఆకాశాన్ని కమ్మేసింది. ఇర్కుట్స్క్ గవర్నర్ ఇగోర్ ఇవానోవ్ ఈ ఘటనను అధికారికంగా ధ్రువీకరించారు. టియూ-22M3 విమానం ప్రమాదానికి గురవ్వడం రష్యాకు పెద్ద దెబ్బగా పరిగణించవచ్చు. ఈ విమానానికి 'బ్యాక్ఫైర్' అనే సంకేతిక నామం కూడా ఉంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.