రీల్స్ చేయండి.. బంపర్ క్యాష్ ప్రైజ్ గెలవండి

టాలీవుడ్‌లో సరికొత్త సంచలనం సృష్టించడానికి ఒక క్రేజీ యూత్‌ఫుల్ సస్పెన్స్ థ్రిల్లర్ సిద్ధమైంది. జీకే మిరాకిల్స్ బ్యానర్‌పై ప్రముఖ సంగీత దర్శకుడు, దర్శకుడు ఘంటాడి కృష్ణ దర్శకత్వంలో తెరకెక్కిన చిత్రం “రిస్క్”. సందీప్ అశ్వ హీరోగా పరిచయమవుతున్న ఈ సినిమా ప్రపంచవ్యాప్తంగా జూన్ 26న థియేటర్లలో చాలా గ్రాండ్‌గా విడుదల కాబోతోంది. ఇటీవల విడుదలైన ఈ చిత్ర ట్రైలర్, పోస్టర్లకు ఆడియన్స్ నుంచి మైండ్ బ్లోయింగ్ రెస్పాన్స్ రావడమే కాకుండా ఇండస్ట్రీ వర్గాల్లో కూడా పక్కా హిట్ టాక్ వినిపిస్తోంది.

సినిమా రిలీజ్ డేట్ దగ్గరపడుతున్న తరుణంలో ప్రమోషన్స్ స్పీడ్ పెంచిన మేకర్స్.. ఈ చిత్రం నుంచి “దేవుడు వరమందిస్తే” అనే ఒక బ్యూటిఫుల్ మెలోడీయస్ సాంగ్‌ను ప్రేక్షకుల ముందుకు తీసుకొచ్చారు. బ్లాక్‌బస్టర్ డైరెక్టర్ త్రినాథ్ రావు నక్కిన చేతుల మీదుగా ఈ పాటను గ్రాండ్‌గా లాంచ్ చేశారు. క్లాసిక్ టచ్‌తో సాగే ఈ మెలోడీ సాంగ్ వినగానే ప్రతి ఒక్కరినీ ఆకట్టుకునేలా ఉంది. ప్రస్తుతం సోషల్ మీడియాలో ఈ పాటకు విపరీతమైన రెస్పాన్స్ వస్తోంది.

ఈ సాంగ్ లాంచ్ సందర్భంగా చిత్ర యూనిట్ ప్రేక్షకులకు ఒక క్రేజీ ఆఫర్‌ను ప్రకటించింది. “దేవుడు వరమందిస్తే” పాటకు సంబంధించిన హుక్ స్టెప్‌తో రీల్స్ లేదా డాన్స్ వీడియోలు చేసి సోషల్ మీడియాలో #DevuduVaramandisthe #RISKMovie #SandeepAshwa అనే ట్యాగ్‌లతో పోస్ట్ చేయాల్సి ఉంటుంది. అందులో బెస్ట్ వీడియోలను ఎంపిక చేసి చిత్ర యూనిట్ ప్రత్యేకంగా నగదు బహుమతులు (Cash Prizes) అందజేయనున్నట్లు అనౌన్స్ చేశారు. దీంతో నెటిజన్లు ఇప్పుడే ఈ సాంగ్‌పై రీల్స్ చేస్తూ సోషల్ మీడియాను షేక్ చేస్తున్నారు.