గేరు మార్చి... జోరు పెంచిన నివేదా పేతురాజ్

అనుకోవచ్చు.

ఆదివారం జరిగిన ఈ సినిమా ప్రెస్ మీట్‌లో నివేదా పేతురాజ్ ఆసక్తికరమైన అంశాన్ని వెల్లడించింది. జీవితంలో తాను తీసుకున్న కొన్ని పొరపాటు నిర్ణయాల వల్ల సినిమా రంగాన్ని వదిలి ఒంటరిగా హిమాలయాలకు వెళ్ళిపోవాలనుకున్నానని, అక్కడే ధ్యానం చేస్తూ గడపాలని ఆశించానని తెలిపింది. అయితే నాగ్ అశ్విన్ రూపంలో తన జీవితం మరో మలుపు తిరిగిందని ఆమె చెప్పింది. నాగ్‌ కోరికపై తాను 'సింగ్‌ గీతం'లో నటించానని, ఈ సినిమా విజయం తనకు కొత్త ఊపిరి పోసిందని తెలిపింది.

ఇదంతా బాగానే ఉంది. అయితే నివేదా తీసుకున్న 'రీఎంట్రీ' నిర్ణయంతో ఆమె నక్కతోక తొక్కినట్టు అయ్యింది. ప్రస్తుతం సెట్స్ మీద ఉన్న ఇద్దరు సీనియర్ స్టార్ హీరోల సినిమాల్లో ఇప్పుడు నివేదా పేతురాజ్ కీలక పాత్రలు పోషిస్తోంది. అందులో ఒకటి మెగాస్టార్ చిరంజీవితో బాబీ తెరకెక్కిస్తున్న సినిమా కాగా మరొకటి వెంకటేశ్‌ మూవీ. చిరంజీవి సినిమా పొల్లాచ్చి షెడ్యూల్‌ ఇటీవలే పూర్తయ్యింది. ఈ షెడ్యూల్‌ చివరి రోజున నివేదా పేతురాజ్ కెరీర్ పదేళ్ళు పూర్తయిన సందర్భంగా చిత్ర బృందం కేక్ కట్ చేయించి ఆమెకు శుభాకాంక్షలు తెలిపింది. అలానే విక్టరీ వెంకటేశ్‌తో త్రివిక్రమ్ తెరెక్కిస్తున్న 'ఆదర్శ కుటుంబం'లోనూ నివేదా పేతురాజ్ నటిస్తోంది. గతంలో త్రివిక్రమ్ రూపొందించిన 'అల వైకుంఠపురములో' సినిమాలో నివేదా పేతురాజ్... సుశాంత్‌ కు జోడీగా నటించింది. ఆ సినిమాలో పెద్దంత ప్రాధాన్యం లేని పాత్రను ఇచ్చినా... త్రివిక్రమ్ మీద అభిమానంతో నివేదా ఆ పాత్ర చేసింది. అందుకే ఇప్పుడు త్రివిక్రమ్.. వెంకటేశ్‌ మూవీలో ఆమెకు ఛాన్స్ ఇచ్చాడని అనుకుంటున్నారు. మొత్తం మీద ఇలా బ్యాక్ టు బ్యాక్ సీనియర్ స్టార్ హీరోల సినిమాల్లో నటించే ఛాన్స్ ను నివేద దక్కించుకోవడం పట్ల అభిమానులు హర్షం వ్యక్తం చేస్తున్నారు.

బాలీవుడ్‌లో కనిపించని నవతరం స్టార్స్.. హిందీ సినిమా ఫ్యూచర్ ఏంటి?

ఎయిర్ పోర్ట్‌లో వడ్డే నవీన్ పరపతి చూసి షాకయ్యా: వివి వినాయక్

రామ్ చరణ్, ఉపాసనల పెళ్లి రోజు.. ట్విన్స్ గ్లింప్స్ పిక్ వైరల్!

బుచ్చిబాబు సారీ చెప్పడం నాకు నచ్చలేదు: అనంత శ్రీరామ్