ఏడేళ్లకే కోడింగ్ లో దిట్ట... 16 ఏళ్లకే రూ.100 కోట్ల స్టార్టప్.. ఎవరీ ప్రాంజలి అవస్తి
AP7AM
అమెరికాలో భారత సంతతికి చెందిన ఓ యువతి చిన్న వయసులోనే అద్భుతం సృష్టించింది. కేవలం 16 ఏళ్ల వయసులో ‘డెల్వ్.ఏఐ’ (Delv.AI) పేరుతో ఆర్టిఫిషియల్ ఇంటెలిజెన్స్ స్టార్టప్ను ప్రారంభించిన ప్రాంజలి అవస్థి, ఇప్పుడు ప్రపంచవ్యాప్తంగా వార్తల్లో నిలుస్తోంది.
ఆమె స్థాపించిన కంపెనీ విలువ దాదాపు రూ. 100 కోట్లకు (12 మిలియన్ డాలర్లు) చేరడంతో ఆమె సక్సెస్ స్టోరీ సోషల్ మీడియాలో మరోసారి వైరల్ అవుతోంది.భారత్లో జన్మించిన ప్రాంజలి, చిన్నతనంలోనే తన కుటుంబంతో కలిసి ఫ్లోరిడాకు వలస వెళ్లింది.
ఆమె తండ్రి ఇంజినీర్ కావడంతో, ఆయన స్ఫూర్తితో 7 ఏళ్లకే కోడింగ్ నేర్చుకోవడం ప్రారంభించింది. 13 ఏళ్ల వయసులో మెషిన్ లెర్నింగ్పై ఓ రీసెర్చ్ ఇంటర్న్షిప్లో పాల్గొంది. ఆ సమయంలో ఆన్లైన్లో ఉన్న భారీ సమాచారాన్ని విశ్లేషించడంలో పరిశోధకులు ఎదుర్కొంటున్న ఇబ్బందులను గమనించింది.ఈ సమస్యకు పరిష్కారంగా, 2022 జనవరిలో, తన 16వ ఏట డెల్వ్.ఏఐని ప్రారంభించింది.
ఆన్లైన్ సమాచారం, అకడమిక్ పేపర్లు, పీడీఎఫ్ల నుంచి కీలక విషయాలను వేగంగా వెలికితీసి, క్రమపద్ధతిలో అందించడమే ఈ ఏఐ టూల్ ప్రత్యేకత. మయామికి చెందిన ఓ స్టార్టప్ యాక్సిలరేటర్లో చేరడంతో ఆమెకు పెట్టుబడిదారులతో సంబంధాలు ఏర్పడ్డాయి.
దీని ద్వారా ఆన్ డెక్, విలేజ్ గ్లోబల్ వంటి సంస్థల నుంచి సుమారు 450,000 డాలర్లు(దాదాపు రూ. 3.7 కోట్లు) నిధులను సమీకరించింది.గత కొన్ని రోజులుగా ఎక్స్, ఇన్స్టాగ్రామ్ వంటి వేదికలపై ఆమె విజయగాథ మళ్లీ ట్రెండ్ అవుతోంది. జార్జియా ఇన్స్టిట్యూట్ ఆఫ్ టెక్నాలజీలో కంప్యూటర్ సైన్స్ చదివిన ప్రాంజలి, ప్రస్తుతం ఇతర