తిరుమల గుడి తలుపులు తెరిచాక లోపలికి వెళ్లే ఆ మొదటి వ్యక్తి ఎవరు? శ్రీవారి రహస్యం ఇదే

తిరుమల తిరుపతి అంటేనే ఒక అద్భుతం. ప్రపంచంలోనే అత్యంత సంపన్నమైన, రోజుకు లక్షలాది మంది భక్తులతో కళకళలాడే మహా పుణ్యక్షేత్రం ఇది. అయితే, రోజువారీ హడావుడి పక్కన పెడితే, ప్రతిరోజూ తెల్లవారుజామున తిరుమల కొండలపై ఒక వింత నిశ్శబ్దం, ఆధ్యాత్మిక వాతావరణం నెలకొంటుంది. సరిగ్గా తెల్లవారుజామున 2:20 గంటల సమయంలో తిరుమల గర్భగుడి పరిసరాలు పూర్తిగా చీకటిలో మునిగిపోయి ఉంటాయి. ఆ సమయంలో ఆలయ ప్రధాన ద్వారం దగ్గర ఒక అద్భుతమైన ఘట్టం ఆవిష్కృతమవుతుంది. అసలు ప్రతిరోజూ ఉదయం దేవాలయం తలుపులు తెరిచేటప్పుడు అక్కడ ఏం జరుగుతుందో, ఆ సీక్రెట్ ఏంటో ఇప్పుడు చూద్దాం. తిరుమల శ్రీవారి ప్రధాన ఆలయ తలుపులు తెరవడం అనేది అంత సాదాసీదాగా జరిగే ప్రక్రియ కాదు. దానికి ఒక పక్కా ప్రోటోకాల్, శతాబ్దాల నాటి సంప్రదాయం ఉంది. గర్భగుడి ప్రధాన ద్వారానికి ఉన్న మూడు తాళాలను ఒకే వ్యక్తి తీయడం కుదరదు. మూడు వేర్వేరు తాళంచెవులతో ముగ్గురు కీలక వ్యక్తులు కలిసి ఈ తలుపులను తెరుస్తారు. వారిలో ఒకరు ఆలయ అర్చకులు కాగా, రెండో వ్యక్తి పేష్కార్ (ఆలయ అధికారి), మూడో వ్యక్తి జియ్యంగార్ స్వామి. ఈ ముగ్గురూ కలిసి అధికారికంగా తాళాలు తీస్తారు. కానీ, ఇక్కడే ట్విస్ట్ ఉంది.. తలుపులు తెరిచిన వెంటనే ఆ చీకటి గర్భగుడిలోకి అడుగుపెట్టే ఆ మొదటి వ్యక్తి వీరెవరూ కాదు. తలుపులు తెరిచాక లోపలికి వెళ్లే మొదటి వ్యక్తి ప్రధాన అర్చకుడు కాదు, జియ్యంగార్ అసలే కాదు. ఒక సామాన్య యాదవ వంశస్థుడు అందరికంటే ముందుగా లోపలికి అడుగుపెడతాడు. ఆయన్నే భక్తులు, ఆలయ సిబ్బంది గౌరవంగా “సన్నిధి గొల్ల” అని పిలుస్తారు. కాగడా వెలిగించి, ఆ వెలుగులో చీకటి గర్భగుడిలోకి ఆయన మొదట వెళ్తారు. కులమతాల పట్టింపులు, హోదాల తారతమ్యాలు అస్సలు లేకుండా, ఒక సామాన్య భక్తుడికి దక్కిన పరమ పవిత్రమైన గౌరవం ఇది. స్వామివారిని ప్రతిరోజూ ఉదయం పూట చూసే