విడాకుల కోసం కోర్టు మెట్లెక్కిన భార్య.. మామ ప్రాణాలను కాపాడిన అల్లుడు.. చివరికి హ్యాపీ ఎండింగ్

‘ఒక్క నిమిషంలో జీవితం ఏమి మారదు.. కానీ ఆ ఒక్క నిమిషం ఆలోచించి తీసుకున్న నిర్ణయం మాత్రం జీవితాన్ని మార్చేస్తుంది’.. జీవితం ఎప్పుడు ఏ మలుపు తీసుకుంటుందో ఎవరికి తెలుసు. విడిపోయిన జంటలు కూడా ఒక్క సంఘటనతో మళ్లీ ఏకమవుతాయోమో? ఎవరు చెప్పగలరు. అవును, ఓ జంట విషయంలో ఇలాగే జరిగింది. విడాకుల కోసం కోర్టుకెక్కి దంపతుల కథ అనుకోని సంఘటనతో చివరకు సుఖాంతమైంది. పెళ్లైన కొద్ది రోజులకే భార్యాభర్తల మధ్య మనస్పర్థలు రావడంతో పుట్టింటికి వచ్చేసిన భార్య.. భర్తపై వరకట్న వేధింపుల కేసు పెట్టింది. తన కుమార్తె కేసు కోసం ఆమె తండ్రి తన వద్ద ఉన్న మొత్తం అంతా ఖర్చుచేశాడు. ఈ క్రమంలోనే తీవ్ర ఒత్తిడికి గురైన ఆయన ఆరోగ్యం క్షీణించింది. చివరకు వైద్యం చేయించుకోడానికి కూడా వారికి కష్టమైంది.ఓవైపు కుమార్తె భవిష్యత్తు, ఇంకోవైపు ఖర్చులకు డబ్బులు సమకూర్చలేక ఇబ్బందులు ఆ తండ్రిని మరింత ఒత్తిడిలోకి నెట్టాయి. గుండెపోటు రావడంతో డబ్బులు లేక చికిత్స కోసం ప్రభుత్వ ఆసుపత్రిలో చేర్చించారు. తన తండ్రిని ఆ స్థితిలో చూసి కుమార్తె కన్నీరుమున్నీరుగా విలపించింది. అయితే, ఇక్కడే కథ ఊహించని మలుపు తిరిగింది. తన మామగారు గుండెపోటుతో ఆసుపత్రిలో చేరిన విషయం తెలిసి ఆమె భర్త పరుగెత్తుకొచ్చారు. ఆయనను అక్కడ నుంచి ఓ కార్పొరేట్ ఆసుపత్రికి తరలించి చికిత్స చేయించారు. కొద్ది రోజుల తర్వాత ఆయన కోలుకుని, ఆరోగ్యంగా తిరిగొచ్చారు. ఇది జరిగిన అనంతరం విడాకుల కేసు విచారణ కోసం కోర్టుకు హాజరైన భార్య.. పత్రాలన్నింటినీ చించి పడేసి, తన భర్తను ఆలింగనం చేసుకుని, కన్నీటిపర్యంతమైంది. తనను క్షమించమని భర్తను సదరు భార్య వేడుకుంది. ఢిల్లీకి చెందిన శిఖ సింగ్, సౌరభ్‌ల విడాకులకు హ్యాపీ ఎండింగ్ పడి ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.వివరాల్లోకి వెళ్తే.. ఢిల్లీకి చెందిన శిఖ సింగ్ , సౌరభ్‌లకు 2020లో వివాహం జరిగింది. పెళ్లైన