మోదీ 12 ఏళ్ల పాలనపై అమెరికా సెనేటర్ల అభినందనలు

చట్టసభల ప్రతినిధులు, అంతర్జాతీయ కార్పొరేట్ దిగ్గజాలు, ప్రవాస భారతీయులు మోదీ అసాధారణ నాయకత్వాన్ని అభినందిస్తున్నారు. గత పన్నెండేళ్ల కాలంలో భారతదేశం ప్రపంచ వేదికపై సరికొత్త ఎత్తుకు ఎదగడమే కాకుండా, వాషింగ్టన్-న్యూఢిల్లీ మధ్య దౌత్యపరమైన బంధం ఎన్నడూ లేనంతగా బలపడిందని వారు స్పష్టం చేస్తున్నారు.

read also: Israel: ఇజ్రాయెల్‌లో ఛత్రపతి శివాజీ విగ్రహం ఏర్పాటు

ప్రధాని మోదీ సాధించిన ఈ చారిత్రక ఘనతపై అమెరికా సెనేటర్ జాన్ కార్నిన్ ప్రత్యేకంగా స్పందిస్తూ శుభాకాంక్షలు తెలిపారు. “సుమారు 140 కోట్ల జనాభా గల భారతదేశంలో వరుసగా మూడుసార్లు ప్రజాదరణ పొంది, 4,399 రోజులుగా ప్రధానమంత్రిగా దేశాన్ని నడిపిస్తున్న నరేంద్ర మోదీకి అభినందనలు. ఆయన సమర్థవంతమైన పాలన వల్లనే భారత్‌లో 25 కోట్ల మంది ప్రజలు పేదరిక సంకెళ్ల నుంచి బయటపడ్డారు. ప్రపంచంలోనే అత్యంత వేగవంతమైన ఆర్థిక శక్తిగా భారత్ దూసుకుపోతోంది. ప్రస్తుత తరుణంలో ఇరు దేశాల భాగస్వామ్యం అత్యంత పటిష్టంగా ఉంది” అని కార్నిన్ కొనియాడారు.

ఇండియన్ అమెరికన్ సీఈఓ కౌన్సిల్ కో-ఫౌండర్ అరుణ్ అగర్వాల్ మాట్లాడుతూ.. మోదీ నాయకత్వంలో గడిచిన 12 ఏళ్లలో భారతదేశ స్వరూపమే మారిపోయిందని వ్యాఖ్యానించారు. “గతంలో భారతదేశాన్ని కేవలం ‘భవిష్యత్తు ఉన్న దేశం’గా మాత్రమే చూసేవారు. కానీ నేడు ప్రధాని మోదీ హయాంలో ఆ భవిష్యత్తును సాకారం చేసుకుంటున్న దేశంగా భారత్ ప్రపంచాన్ని ఆకర్షిస్తోంది” అని ఆయన అన్నారు. ప్రఖ్యాత పలో ఆల్టో నెట్‌వర్క్స్ సీఈఓ నికేశ్ అరోరా సైతం ప్రధానికి అభినందనలు తెలుపుతూ.. భవిష్యత్తులో భారత్-యూఎస్ వ్యూహాత్మక భాగస్వామ్యం మరిన్ని మైలురాళ్లను అధిగమించాలని ఆకాంక్షించారు.

భారతదేశ శ్రేయోభిలాషి, ప్రముఖ అమెరికన్ గాయని మేరీ మిల్బెన్ ఈ సందర్భాన్ని ఒక ‘అద్భుత చారిత్రక ప్రజాస్వామ్య మైలురాయి’గా అభివర్ణించారు. భారతదేశ సమగ్ర అభివృద్ధి, ఐక్యత కోసం ప్రధాని మోదీ అంకితభావంతో పనిచేశారని ఆమె కొనియాడారు. గ్లోబల్ లీడర్‌గా ఆయన చూపిన చొరవ మరియు బలమైన నాయకత్వ లక్షణాలు రాబోయే తరాలకు గొప్ప స్ఫూర్తినిస్తాయని ఆమె ప్రశంసించారు.

G7 Summit : G7 సమ్మిట్ కు మోదీ.. ట్రంప్ తో భేటీకి ఛాన్స్!

Heavy Rain In Hyd : నిన్నటి భారీ వర్షానికి చిగురుటాకులా వణికిన నగరవాసులు

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

US-Iran War : US దాడులపై ఖచ్చితంగా బదులిస్తాం – ఇరాన్

Israel: ఇజ్రాయెల్‌లో ఛత్రపతి శివాజీ విగ్రహం ఏర్పాటు

POKలో పాక్ బలగాల కాల్పులు..ఆగ్రహం వ్యక్తం చేసిన భారత్

Pok: పాక్ ఆక్రమిత కాశ్మీర్‌లో ఉద్రిక్తతలు.. సైన్యం కాల్పుల్లో 30 మంది మృతి

Bear terror in Japan: విధుల్లో ఎలుగుబంటి విహారం.. అలర్ట్ అయిన సర్కార్..!

Ishanvi Sabnivisu’s Invention: అమెరికా నేషనల్స్ ఆవిష్కరణల పోటీలో టాంపా తెలుగమ్మాయికి ద్వితీయ బహుమతి!