తండ్రి వేధింపులు..రూ.40 వేల జీతం కోసం అన్నీ భరించా.. స్టార్ నటి కీలక వ్యాఖ్యలు

Actress:సోషల్ మీడియాలో తన ప్రత్యేక శైలితో ఎప్పుడూ వార్తల్లో నిలిచే ఉర్ఫీ జావేద్ తాజాగా తన జీవితంలోని కష్టకాలం గురించి ఆసక్తికర విషయాలు వెల్లడించింది. నేడు దేశవ్యాప్తంగా గుర్తింపు పొందిన సెలబ్రిటీగా ఉన్న ఆమె ఒకప్పుడు ఎన్నో ఇబ్బందులు ఎదుర్కొన్నట్లు చెప్పింది. ఇటీవల ఒక కార్యక్రమంలో మాట్లాడిన ఉర్ఫీ జావేద్ చిన్నప్పటి నుంచి పెద్ద స్థాయికి చేరుకోవాలని కలలు కనేదాన్నని తెలిపింది. కానీ ఆ కలలను నిజం చేసుకునే ప్రయాణం అంత సులభం కాదని చెప్పింది. కుటుంబ పరిస్థితులు, వ్యక్తిగత సమస్యలు తన జీవితాన్ని చాలా ప్రభావితం చేశాయని వెల్లడించింది. తండ్రి ప్రవర్తన కారణంగా చిన్న వయసులోనే ఇంటిని వదిలి బయటకు రావాల్సి వచ్చిందని ఆమె తెలిపింది. జీవనం సాగించడానికి ఢిల్లీలో ట్యూషన్లు చెప్పడంతో పాటు కాల్ సెంటర్‌లో కూడా పనిచేసినట్లు గుర్తు చేసుకుంది. ఆ సమయంలో తన భవిష్యత్తు ఎలా ఉంటుందో తెలియక చాలా ఆందోళన చెందేదాన్నని చెప్పింది. తర్వాత నటిగా గుర్తింపు పొందాలనే ఆశతో ముంబై వెళ్లింది. అక్కడ సినిమాల్లో అవకాశాల కోసం ఎన్నో ప్రయత్నాలు చేసింది. అయితే ఆశించిన అవకాశాలు రాకపోవడంతో టెలివిజన్ రంగంలో అడుగుపెట్టింది. కొన్ని సీరియల్స్‌లో నటించే అవకాశం వచ్చినా ఎక్కువగా చిన్న పాత్రలే దక్కాయని తెలిపింది.టీవీ రంగంలో పనిచేసే సమయంలో ప్రధాన పాత్రలు చేసే వారికి మాత్రమే ఎక్కువ ప్రాధాన్యం లభించేదని ఉర్ఫీ చెప్పింది. సహాయక పాత్రలు చేసే వారిని చాలా సందర్భాల్లో పట్టించుకోరని ఆమె అభిప్రాయపడింది. అయినప్పటికీ జీవనం కోసం ఆ పాత్రలు చేయాల్సి వచ్చిందని వెల్లడించింది. ఆ రోజుల్లో నెలకు సుమారు రూ.40 వేల వరకు సంపాదించేదాన్నని చెప్పింది. ఫ్యాషన్‌పై ఆసక్తి ఉండటంతో కొత్త తరహా దుస్తులను రూపొందించి వాటికి సంబంధించిన వీడియోలను సోషల్