ఇది ఏఐ తయారు చేసిన వ్యాక్సిన్... ప్రపంచంలో ఇదే మొదటిసారి

వైద్య రంగంలో ఆర్టిఫిషియల్ ఇంటెలిజెన్స్ (ఏఐ) మరో మైలురాయిని అధిగమించింది. ఏఐ సహాయంతో రూపొందించిన ప్రపంచపు తొలి వ్యాక్సిన్, ప్రాథమిక దశ మానవ ప్రయోగాల్లో (క్లినికల్ ట్రయల్స్) విజయవంతమైంది. భవిష్యత్తులో సంభవించే మహమ్మారులను సమర్థంగా ఎదుర్కొనే దిశగా ఇది ఒక కీలక పరిణామమని కేంబ్రిడ్జ్ యూనివర్సిటీ పరిశోధకులు ప్రకటించారు.'pEVAC-PS' పేరుతో పిలిచే ఈ నూతన వ్యాక్సిన్‌ను తొలి దశలో భాగంగా 39 మంది ఆరోగ్యవంతులపై పరీక్షించారు. ఈ ప్రయోగాల్లో వ్యాక్సిన్ పూర్తిగా సురక్షితమని తేలిందని, వలంటీర్లలో ఎలాంటి తీవ్రమైన దుష్ప్రభావాలు తలెత్తలేదని శాస్త్రవేత్తలు వెల్లడించారు. కరోనా వైరస్ కుటుంబంలోని అన్ని రకాల వేరియంట్లను దీటుగా ఎదుర్కొనేలా రోగనిరోధక వ్యవస్థను సిద్ధం చేసే 'సూపర్-యాంటిజెన్‌'ను ఏఐ ద్వారా అభివృద్ధి చేశారు. వైరస్‌ల జన్యుక్రమంలో మార్పు చెందని కీలక భాగాలను లక్ష్యంగా చేసుకుని ఇది పనిచేస్తుంది.సాధారణంగా వైరస్‌లు కొత్త రూపాంతరం చెందినప్పుడు అందుకు అనుగుణంగా వ్యాక్సిన్‌లలో మార్పులు చేయాల్సి ఉంటుంది. అయితే, ఈ సరికొత్త విధానం వైరస్‌లు ప్రబలకముందే వాటిని నిరోధించేలా పనిచేస్తుందని పరిశోధనకు నేతృత్వం వహించిన ప్రొఫెసర్ జొనాథన్ హీనీ తెలిపారు. జంతువుల నుంచి మనుషులకు సోకే కొత్త రకం వైరస్‌లను సైతం ఇది సమర్థంగా అడ్డుకోగలదని ఆయన ఆశాభావం వ్యక్తం చేశారు.ఈ పరిశోధన ఫలితాలు ప్రతిష్ఠాత్మక 'జర్నల్ ఆఫ్ ఇన్ఫెక్షన్'లో ప్రచురితమయ్యాయి. ప్రస్తుతం 200 మందికి పైగా వలంటీర్లతో రెండో దశ ప్రయోగాలు నిర్వహిస్తున్నారు. భవిష్యత్తులో ఈ టెక్నాలజీని ఫ్లూ, ఎబోలా వంటి ఇతర ప్రాణాంతక వైరస్‌లకు వ్యాక్సిన్‌ల తయారీలోనూ వినియోగించే అవకాశాలను పరిశీలిస్తున్నారు. పూర్తిస్థాయి ఫలితాల