తొలిరోజే 100 కోట్లు ఉఫ్.. బాక్సాఫీస్ వద్ద పెద్ది అరాచకం, బ్లాక్ బస్టర్స్ లిస్ట్ లో చోటు

మెగా పవర్ స్టార్ రాంచరణ్ నటించిన పెద్ది మూవీ జూన్ 4న వరల్డ్ వైడ్ గా గ్రాండ్ గా రిలీజ్ అయింది. అంతా ఊహించినట్లుగానే సునామీ వేవ్ తరహాలో పెద్ది కలెక్షన్స్ మొదలయ్యాయి. ప్రీమియర్స్ నుంచే పెద్ది చిత్రానికి సూపర్ హిట్ టాక్ మొదలైన సంగతి తెలిసిందే. దీనితో ఓపెనింగ్ కలెక్షన్స్ లో పెద్ది చిత్రం రికార్డులు మొదలుపెట్టింది.

తొలిరోజే ఈ చిత్రం సంచలనంగా 100 కోట్ల క్లబ్ లోకి చేరిపోయింది. దీనితో పెద్ది చిత్రం తొలి రోజే 100 కోట్లు సాధించిన బాహుబలి 2, పుష్ప 2, ఆర్ఆర్ఆర్, కెజిఎఫ్ 2 లాంటి బ్లాక్ బస్టర్ సినిమాల జాబితాలోకి చేరిపోయింది. తొలి రోజు పెద్ది చిత్రం వరల్డ్ వైడ్ గా 110 కోట్ల గ్రాస్ రాబట్టినట్లు ట్రేడ్ వర్గాలు చెబుతున్నాయి.

ఇందులో ఇండియాలోనే 80 కోట్ల గ్రాస్ ఉంది. తెలుగు రాష్ట్రాల్లో పెద్ది చిత్రం 67 కోట్ల వరకు ఓపెనింగ్ డే రోజు సాధించింది. ఇక ఓవర్సీస్ లో పెద్ది చిత్రం 30 కోట్ల గ్రాస్ రాబట్టి అద్భుతమైన రన్ ప్రదర్శిస్తోంది. రాంచరణ్ కెరీర్ లో నెవర్ బిఫోర్ అనిపించే విధంగా కలెక్షన్స్ నమోదవుతున్నాయి. ఏపీ, తెలంగాణలో అయితే అన్ని ఏరియాల్లో హౌస్ ఫుల్ ఆక్యుపెన్సీలు కొనసాగుతున్నాయి.

పెద్ది చిత్రం తెలుగు రాష్ట్రాల్లో ప్రీమియర్ షోలతోనే 19 కోట్ల గ్రాస్ రాబట్టింది. ఇది నిజంగా ఎవ్వరూ ఊహించని సంచలనం. ట్రెండ్ ఇదియే విధంగా కొనసాగితే లాంగ్ వీకెండ్ ని పెద్ది చిత్రం బాగా క్యాష్ చేసుకునే అవకాశం ఉంది. వరల్డ్ వైడ్ గా పెద్ది చిత్రానికి 220 కోట్ల వరకు ప్రీ రిలీజ్ బిజినెస్ జరిగింది.

అంటే పెద్ది మూవీ 220 కోట్ల కన్నా ఎక్కువ షేర్ సాధిస్తే బ్రేక్ ఈవెన్ అవుతుంది. ప్రస్తుత ట్రెండ్ చూస్తుంటే పెద్ది చిత్రం బ్రేక్ ఈవెన్ సాధించడం కష్టం ఏమీ కాదు. ఆపైన ఎంత లాభాలు రాబడుతుంది, కలెక్షన్స్ ఏ రేంజ్ లో ఉంటాయి అనేదే ప్రశ్న. పెద్ది చిత్రంలో రాంచరణ్ కెరీర్ బెస్ట్ పెర్ఫార్మెన్స్ అందించారు. జాన్వీ కపూర్ హీరోయిన్ గా నటించగా ఏఆర్ రెహమాన్ అదిరిపోయే సంగీతం అందించారు. శివరాజ్ కుమార్, జగపతి బాబు కీలక పాత్రలో నటించారు.