పుతిన్ ఆర్థిక సదస్సు వేళ.. సెయింట్ పీటర్స్ బర్గ్ పై ఉక్రెయిన్ భీకర దాడి

పలు ప్రాంతాలను లక్ష్యంగా చేసుకుంది. మంగళవారం అర్ధరాత్రి సరిహద్దు సమీపంలోనే కాకుండా.. మాస్కో, సెయింట్‌ పీటర్స్‌బర్గ్‌ వంటి సుదూర ప్రాంతాలను ఉక్రెయిన్‌ (Ukraine) లక్ష్యంగా చేసుకుందని రష్యా రక్షణ మంత్రిత్వశాఖ తెలిపింది. ఈ ప్రాంతాల పైకి దూసుకొచ్చిన 350కి పైగా డ్రోన్‌లను తమ దళాలు అడ్డుకున్నాయని పేర్కొంది. సెయింట్‌ పీటర్స్‌బర్గ్‌లో జరిగిన దాడిలో పలువురు గాయపడ్డారని.. మౌలిక సదుపాయాలు కూడా దెబ్బతిన్నాయని అక్కడి గవర్నర్ అలెగ్జాండర్‌ బెగ్లోవ్‌ పేర్కొన్నారు. బెలారస్‌ సరిహద్దు సమీపంలో జరిగిన దాడిలో కీలకమైన మౌలిక సదుపాయాలు దెబ్బతిన్నాయని అక్కడి గవర్నర్‌ తెలిపారు. డ్రోన్‌ శకలాల నుంచి చెలరేగిన మంటలను ఆర్పే క్రమంలో ఇద్దరు అగ్నిమాపక సిబ్బంది ప్రాణాలు కోల్పోగా.. మరో ఇద్దరు గాయపడ్డారని వెల్లడించారు.

కాగా.. సెయింట్‌ పీటర్స్‌బర్గ్‌ చమురు టెర్మినల్‌తో సహా కీలక స్థావరాలపై దాడులు జరిపామని ఉక్రెయిన్ అధ్యక్షుడు జెలెన్‌స్కీ (Volodymr Zelensky) తెలిపారు. దాడి కారణంగా పలు ప్రాంతాల్లో పెద్దఎత్తున మంటలు చెలరేగి, పొగలు వ్యాపించిన దృశ్యాలతో ఉన్న వీడియోను ఆయన ‘ఎక్స్‌’లో షేర్‌ చేసుకున్నారు. సెయింట్‌ పీటర్స్‌బర్గ్‌లో జరగనున్న అంతర్జాతీయ సదస్సులో రష్యా అధ్యక్షుడు వ్లాదిమిర్‌ పుతిన్‌ (Vladimir Putin)తో పాటు పలు దేశాల ప్రతినిధులు కూడా పాల్గొననున్నారు. ఈ సమావేశంలో పాల్గొనేందుకు ఏపీ మంత్రి లోకేశ్‌ ప్రస్తుతం రష్యాలో పర్యటిస్తున్న విషయం తెలిసిందే.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

For digital advertisements Contact : 040 - 23318181 eMail: marketing@eenadu.in

© 1999 - 2026 Ushodaya Enterprises Pvt.Ltd,All rights reserved.

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.

This website follows the DNPA Code of Ethics.