German News

జర్మన్ సిల్వర్ అనే పేరు వింటే చాలామందికి ఇది జర్మనీలో తయారయ్యే ఒక రకమైన వెండి అని అనిపిస్తుంది. వెండిలాగే తెల్లగా, మెరిసేలా కనిపించడం వల్ల ఈ పేరు మరింత గందరగోళానికి గురిచేస్తుంది. అయితే అసలు విషయం ఏమిటంటే.. జర్మన్ సిల్వర్‌లో వెండి అనే లోహం ఉండదు. ఇది ప్రధానంగా రాగి, నికెల్, జింక్ వంటి లోహాలను కలిపి తయారు చేసే మిశ్రమ లోహం. వెండిని పోలిన రంగు, మెరుపు ఉండటం వల్ల దీనికి ఈ పేరు వచ్చింది.

తెలంగాణను గ్లోబల్ నాలెడ్జ్ హబ్ గా మార్చే లక్ష్యంతో తెలంగాణా ప్రభుత్వం కీలక అడుగులు వేస్తుంది. ఈ మేరకు ప్రభుత్వ లక్ష్య సాధనకు విద్యార్థుల మెరుగైన విద్యా, ఉద్యోగ అవకాశాల కోసం రాష్ట్ర విశ్వవిద్యాలయాలు విదేశీ ఉన్నత విద్యాసంస్థలతో వేగంగా అవగాహన ఒప్పందాలు కుదుర్చుకుంటున్నాయి. ఇటీవల వరంగల్‌లోని కాకతీయ విశ్వవిద్యాలయం, హైదరాబాద్‌లోని ఉస్మానియా విశ్వవిద్యాలయంలో జర్మనీకి చెందిన ప్రతిష్ఠాత్మక రూట్లింగెన్ యూనివర్సిటీతో కీలక ఒప్పందాలు చేసుకుంది.జర్మనీ యూనివర్సిటీతో కాకతీయ విశ్వవిద్యాలయం ఒప్పందం ఈ ఒప్పందాల ద్వారా 3+2 విద్యా నమూనా ప్రవేశపెట్టారు. విద్యార్థులు మొదటి మూడేళ్ల డిగ్రీని స్థానిక విశ్వవిద్యాలయాల్లో పూర్తి చేసి, తర్వాత రెండేళ్ల మాస్టర్స్ కోర్సును జర్మనీలో అభ్యసిస్తారు. కంప్యూటర్‌ సైన్స్‌, ఆర్టిఫిషియల్‌ ఇంటెలిజెన్స్‌, సాఫ్ట్‌వేర్‌ ఇంజినీరింగ్‌, డిజిటల్‌ బిజినెస్‌ మేనేజ్‌మెంట్‌ వంటి కోర్సుల్లో విద్యార్థులకు ఈ మేరకు అవకాశాలు ఉన్నాయి. కోర్సు పూర్తయిన తర్వాత జర్మనీ విశ్వవిద్యాలయమే మాస్టర్స్ డిగ్రీ అందిస్తుంది.ఏటా 20మంది విద్యార్థులు రూట్లింగెన్ యూనివర్సిటీలో మాస్టర్స్ ఈ విధానంలో కాకతీయ యూనివర్సిటీ నుంచి ఏటా 20 మంది విద్యార్థులు ఎంపికవుతారు. ఇంతకు ముందు తెలంగాణ ఉన్నత విద్యా శాఖ బృందం జర్మనీలోని RWTH ఆచెన్‌, ఆస్ట్‌ఫాలియా, గొట్టింగెన్‌ విశ్వవిద్యాలయాలను సందర్శించి లెటర్స్‌ ఆఫ్‌ ఇంటెంట్‌ మార్పిడి చేసుకుంది. విద్యార్థి-అధ్యాపకుల మార్పిడి, ఉమ్మడి పరిశోధనలు, డ్యూయల్‌ డిగ్రీలు తదితర అంశాలపై కీలక నిర్ణయాలను తీసుకుని తదనుగుణంగా చేసిన ప్లాన్ కు ఓకే అన్నారు.పలు విదేశీ యూనివర్సిటీలు హైదరాబాద్ లో ఆఫ్‌షోర్‌ క్యాంపస్‌లుఅంతేకాదు బోస్టన్‌ లోని నార్త్‌ఈస్టర్న్‌ యూనివర్సిటీ , యూనివర్సిటీ ఆఫ్‌ లండన్‌ హైదరాబాద్‌లో ఆఫ్‌షోర్‌ క్యాంపస్‌లు ఏర్పాటు చేయనున్నాయి. హార్వర్డ్‌, ఆక్స్‌ఫర్డ్‌, కేంబ్రిడ్జ్‌, ఎంఐటీ, ఎల్‌ఎస్‌ఈ వంటి ప్రముఖ సంస్థలతో కూడా వివిధ యూనివర్సిటీలతో చర్చలు సాగుతున్నాయి. యంగ్‌ ఇండియా స్కిల్స్‌ యూనివర్సిటీ జపాన్‌లోని హిరోషిమా ఇన్‌స్టిట్యూట్‌ ఆఫ్‌ టెక్నాలజీతో భాగస్వామ్యం కుదుర్చుకుంది.తెలంగాణ ఆర్టీసీ మరో కీలకనిర్ణయం.. మెట్రో రైళ్ళ తరహాలో బస్సుల్లో కూడా..!

జర్మనీలో రద్దీగా ఉన్న ఓ రైల్లో భారత పర్యాటకులు పాటలు పాడుతూ హల్‌చల్ చేశారు. ఈ దృశ్యాలు నెట్టింట వైరల్ కాగా.. నెటిజన్లు తీవ్ర స్థాయిలో విమర్శలు గుప్పిస్తున్నారు. ఇంటర్నెట్‌ డెస్క్‌: జర్మనీలో రద్దీగా ఉన్న ఓ రైల్లో భారత పర్యాటకులు పాటలు పాడుతూ హల్‌చల్ చేశారు. భారతీయులు పాటలు పాడుతూ, చప్పట్లు కొడుతూ సందడి చేసిన వీడియో సామాజిక మాధ్యమాల్లో వైరల్‌గా మారింది. దీంతో వారి ప్రవర్తనపై నెటిజన్లు తీవ్ర స్థాయిలో మండిపడుతున్నారు. ఈ వీడియోలో కొందరు భారత పర్యాటకులు రైలు మధ్యలో నిల్చుని బిగ్గరగా పాటలు పాడుతూ, చప్పట్లు కొడుతూ ఉన్నారు. మరికొందరు వారికి వంతపాడుతూ చేతులు ఊపుతూ, ఫోన్లలో ఆ దృశ్యాలను రికార్డ్ చేశారు. చుట్టూ ఉన్న ఇతర ప్రయాణికులు నిశ్శబ్దంగా కూర్చోగా, కొందరు మాత్రం అసంతృప్తిగా అలా చూస్తుండిపోయారు. ఈ వీడియోను Amit24TD అనే యూజర్ తన ఎక్స్ అకౌంట్లో పోస్ట్ చేయగా.. నెటిజన్లు విమర్శలు గుప్పిస్తున్నారు. ఇలాంటి ఘటనలు విదేశాల్లో భారతీయ పర్యాటకులపై ప్రతికూల ప్రభావం చూపుతాయని కొందరు వ్యాఖ్యానించారు. రద్దీగా ఉన్న ప్రజా రవాణాలో ఇతరులకు ఇబ్బంది కలిగించేలా ప్రవర్తించడం సరికాదని మరికొందరు సూచించారు. వ్యక్తిగత వేడుకలు, సరదాలను బహిరంగ ప్రదేశాల్లో ఇతర ప్రయాణికులపై రుద్దకూడదని పలువురు అభిప్రాయపడ్డారు. ఈ విషయమై రైల్వే సిబ్బంది, అధికారులు ఎందుకు జోక్యం చేసుకోలేదని మరికొందరు ప్రశ్నించారు. హెగ్సెత్‌పై ట్రంప్‌ ఆసక్తికర వ్యాఖ్యలు.. 2028 రేసులో ఉన్నట్టా? విమాన ఇంధనానికి మళ్లీ మంట.. లీటరుకు రూ.6.28 పెరిగిన ఏటీఎఫ్‌ ధర

ఈ రోజు చాలామంది అనుకుంటున్నట్లు BMW ప్రయాణం కార్ల తయారీ సంస్థగా ప్రారంభం కాలేదు. 20వ శతాబ్దం ప్రారంభంలో యూరప్‌లో ఇంజనీరింగ్, సాంకేతిక ఆవిష్కరణలు వేగంగా అభివృద్ధి చెందుతున్నప్పుడు ఈ కంపెనీ మొదలైంది. BMW పేరు దాని మూలం, భాష, పని విధానాన్ని సూచిస్తుంది. BMW కంపెనీని 1916లో జర్మనీలో స్థాపించారు. ప్రారంభంలో ఈ కంపెనీ కార్లకు బదులుగా విమానాల ఇంజిన్ల తయారీపై దృష్టి పెట్టింది. ఆ సమయంలో విమానయాన సాంకేతికత అభివృద్ధి చెందుతుండగా, నమ్మకమైన ఇంజిన్లను తయారు చేస్తూ BMW తన వంతు పాత్ర పోషించింది. BMW పూర్తి రూపం 'Bayerische Motoren Werke' (బయెరిషే మోటోరెన్ వెర్కే). ఇంగ్లీషులో దీని అర్థం 'Bavarian Motor Works' (బవేరియన్ మోటార్ వర్క్స్). 'Bayerische' అనే పదం దక్షిణ జర్మనీలోని 'Bavaria' (బవేరియా) అనే ప్రాంతాన్ని సూచిస్తుంది. 'Motoren' అంటే ఇంజిన్లు, 'Werke' అంటే ఫ్యాక్టరీ లేదా వర్క్స్. మొత్తం మీద ఈ పేరు జర్మనీలోని బవేరియా ప్రాంతంలో ఇంజిన్లు తయారు చేసే కంపెనీని సూచిస్తుంది. ప్రస్తుతం BMW కార్లు, మోటార్‌సైకిళ్లు, ఎలక్ట్రిక్ వాహనాలను తయారు చేస్తున్నప్పటికీ, 'Bayerische Motoren Werke' అనే పేరు ఇంజిన్ల తయారీ, మెకానికల్ డిజైన్‌లో కంపెనీకున్న బలమైన పునాదిని ఇప్పటికీ సూచిస్తుంది

Hyderabad: భారత్‌లోకి 'జర్మన్ డోనర్ కబాబ్' హైదరాబాద్‌లో తొలి ఔట్‌లెట్! Hyderabad: ప్రపంచవ్యాప్తంగా గుర్తింపు పొందిన ప్రీమియం క్విక్ సర్వీస్ రెస్టారెంట్ బ్రాండ్ జర్మన్ డోనర్ కబాబ్ భారత్లోకి అధికారికంగా ప్రవేశించింది. హైదరాబాద్ జూబ్లీహిల్స్ ఫిల్మ్ నగర్ లో దేశంలోనే తొలి ఔట్లెట్ను ప్రారంభించింది. భారత్లో మాస్టర్ ఫ్రాంచైజీ భాగస్వామిగా జీబీసీ ఇండియా వ్యవహరిస్తోంది. హైదరాబాద్ కేంద్రంగా ప్రారంభమైన కార్యకలాపాలను దశలవారీగా దేశవ్యాప్తంగా విస్తరించేందుకు సంస్థ ప్రణాళికలు రూపొందించింది. దీర్ఘకాలంలో భారత్లో 450కి పైగా రెస్టారెంట్లను ఏర్పాటు చేయాలని లక్ష్యంగా పెట్టుకుంది. సొంత ఔట్లెట్లతో పాటు ఫ్రాంచైజీ విధానంలోనూ రెస్టారెంట్లను ఏర్పాటు చేయనుంది. భారత్లో కేవలం రెస్టారెంట్ చైన్ ను ఏర్పాటు చేయడం కాకుండా డోనర్ ఫుడ్ కేటగిరీని మరింత అభివృద్ధి చేయడమే తమ లక్ష్యమని జర్మన్ డోనర్ కబాబ్ ఇండియా సీఈఓ విక్రాంత్ తోమర్ తెలిపారు. అంతర్జాతీయ ప్రమాణాలతో కూడిన డోనర్ అనుభవాన్ని భారతీయ వినియోగదారులకు అందించనున్నట్లు చెప్పారు. హైదరాబాద్లో తొలి ఔట్లెట్ అనంతరం మొహాలి, చండీగడ్తో పాటు ఇతర టియర్-1, టియర్-2 నగరాల్లో కార్యకలాపాలను విస్తరించనున్నట్లు సంస్థ తెలిపింది. రుచి, తాజాదనం, నాణ్యతతో పాటు ప్రోటీన్ ఆధారిత ఆహార ఎంపికలకు ప్రాధాన్యం ఇవ్వనున్నట్లు పేర్కొంది. భారత్లో యువతను ఆకట్టుకునేలా సంగీతం, ఫ్యాషన్, క్రీడలు, ఫిట్నెస్, వినోదంతో బ్రాండ్ను అనుసంధానం చేయనున్నట్లు తెలిపింది. ప్రముఖ సంగీత కళాకారుడు, నటుడు, దర్శకుడు పర్మిష్ వర్మను సాంస్కృతిక భాగస్వామిగా నియమించుకున్నట్లు వెల్లడించింది

దేశంలోనే మొదటిసారిగా పరిశ్రమలను విద్యార్థులను జాబ్ పోర్టల్ కనెక్ట్ చేస్తుందని మంత్రి వివేక్ వెంకటస్వామి తెలిపారు. మెదక్, ఆగస్టు 17: దేశంలోనే మొదటిసారిగా పరిశ్రమలను విద్యార్థులను జాబ్ పోర్టల్ కనెక్ట్ చేస్తుందని మంత్రి వివేక్ వెంకటస్వామి తెలిపారు. ఈరోజు(సోమవారం) జిల్లాలోని మనోహరాబాద్ మండలం ముప్పిరెడ్డిపల్లిలోని పారిశ్రామిక ప్రాంతంలో జాబ్ పోర్టల్‌ను మంత్రి ప్రారంభించారు. ఈ సందర్భంగా మాట్లాడుతూ.. ఈ ప్రాంతంలో వెయ్యి పరిశ్రమలు ఉన్నాయని.. స్కిల్డ్ మ్యాన్ పవర్ అవసరం ఉందని అన్నారు. జిల్లా యంత్రాంగం, పరిశ్రమల యజమానులు కలిసి చేస్తున్న మంచి ప్రయత్నం ఇది అని చెప్పుకొచ్చారు. ఈ ప్రాంతంలో, దేశంలో నిరుద్యోగం పెద్ద సమస్యగా మారిందన్నారు. టామ్ కామ్ సంస్థ ద్వారా విదేశాల్లో ఉపాధి అవకాశాలను కల్పిస్తున్నామన్నారు. స్థానిక పరిశ్రమలకు కూడా ఉద్యోగులను, స్కిల్డ్ లేబర్‌ను అందించాల్సిన అవసరం ఉందని చెప్పారు. విద్యార్థులు కేవలం సాఫ్ట్‌వేర్ పైనే దృష్టి సారించకుండా... ఇంకా చాలా రంగాల్లో కూడా మంచి అవకాశాలు ఉన్నాయని అన్నారు. సింగరేణి ప్రాంతం మందమర్రిలో జర్మన్ నేర్పిస్తున్నామని.. వారిలో బీ2 లెవల్ వచ్చిందన్నారు. వారి కోసం రూ.25 లక్షల జీతం ఎదురుచూస్తోందని తెలిపారు. వీసా ఖర్చులను కూడా సగం వరకూ ప్రభుత్వమే భరిస్తోందని తెలిపారు. విదేశాలకు వెళ్తే ఎన్నో కుటుంబాలు బాగుపడతాయని మంత్రి వివేక్ వెంకటస్వామి పేర్కొన్నారు. ఏపీ శాసనమండలిలో వైసీపీ తీరుపై మంత్రులు అచ్చెన్నాయుడు, మనోహర్ ఆగ్రహం రంగారెడ్డి జిల్లా నార్సింగిలో రోడ్డు ప్రమాదం.. యువకుడి మృతి

నౌకాదళం కోసం జర్మనీ సహకారంతో రూ.70వేల కోట్ల వ్యయంతో చేపట్టనున్న ఆరు అత్యాధునిక జలాంతర్గాముల నిర్మాణానికి సంబంధించిన ప్రాజెక్ట్‌ 75(ఐ) ఒప్పందం ఎట్టకేలకు... న్యూఢిల్లీ, ఆగస్టు 16: నౌకాదళం కోసం జర్మనీ సహకారంతో రూ.70వేల కోట్ల వ్యయంతో చేపట్టనున్న ఆరు అత్యాధునిక జలాంతర్గాముల నిర్మాణానికి సంబంధించిన ప్రాజెక్ట్‌ 75(ఐ) ఒప్పందం ఎట్టకేలకు ముందుకు కదలనుంది. ఈ ప్రతిపాదన త్వరలోనే క్యాబినెట్‌ భద్రతా వ్యవహారాల కమిటీ (సీసీఎస్‌) ముందుకు రానుంది. ముంబైలోని మజగావ్‌ డాక్‌ షిప్‌బిల్డర్స్‌ లిమిటెడ్‌(ఎండీఎస్‌), జర్మనీకి చెందిన థైసెన్‌క్రూప్‌ మెరైన్‌ సిస్టమ్స్‌(టీఎంకేఎస్‌) భాగస్వామ్యంతో ఈ జలాంతర్గాములను భారత్‌లోనే నిర్మించనున్నారు. ఈ ఒప్పందం సంవత్సరాల తరబడి చర్చల దశలోనే ఉంది. సీసీఎస్‌ ఆమోదం లభిస్తే ఒప్పందంపై సంతకం చేయడానికి, పనులు ప్రారంభించడానికి మార్గం సుగమం కానుంది. కాగా, ఎయిర్‌ ఇండిపెండెంట్‌ ప్రొపల్షన్‌(ఏఐపీ) సాంకేతికతతో నిర్మించే ఈ జలాంతర్గాములకు నీటి అడుగున ఎక్కువ కాలం ఉండటంతో పాటు శత్రువులకు ఆచూకీ దొరక్కుండా సంచరించే సామర్థ్యం ఉంటుంది. జీఆర్ఎంబీ అజెండా నుంచి తెలంగాణ వ్యతిరేక అంశాలు తొలగించాలి: హరీశ్‌రావు నేరాల స్వరూపం ఎప్పటికప్పుడు మారుతోంది: డీజీపీ ఆనంద్ నకిలీ ట్రేడింగ్ యాప్‌తో బురిడీ.. సీఏను మోసం చేసిన సైబర్ కేటుగాళ్లు

జర్మనీ సహకారంతో ఆరు అత్యాధునిక సాంప్రదాయ జలాంతర్గాములను నిర్మించే ప్రాజెక్ట్-75(ఐ) ప్రతిపాదన త్వరలో కేంద్ర కేబినెట్ భద్రతా వ్యవహారాల కమిటీ ముందుకు వెళ్లే అవకాశం ఉందని సమాచారం. ఈ ప్రాజెక్టు విలువ సుమారు రూ.70,000 కోట్లు. ఇంటర్నెట్ డెస్క్: భారత నౌకాదళాన్ని మరింత బలోపేతం చేసే కీలక రక్షణ ఒప్పందం తుది దశకు చేరుకున్నట్లు తెలుస్తోంది. జర్మనీ సహకారంతో ఆరు అత్యాధునిక సాంప్రదాయ జలాంతర్గాములను నిర్మించే ప్రాజెక్ట్-75(ఐ) ప్రతిపాదన త్వరలో కేంద్ర కేబినెట్ భద్రతా వ్యవహారాల కమిటీ ముందుకు వెళ్లే అవకాశం ఉందని సమాచారం. ఈ ప్రాజెక్టు విలువ సుమారు రూ.70,000 కోట్లు (India Germany submarine deal). ప్రాజెక్ట్-75(ఐ) కింద భారత నౌకాదళం కోసం ఆరు అధునాతన సాంప్రదాయ జలాంతర్గాములను నిర్మించనున్నారు. వీటిని జర్మనీ సహకారంతో భారత్‌లోనే నిర్మించేలా ప్రణాళిక రూపొందించారు. ముంబైకి చెందిన మజగావ్ డాక్ షిప్‌బిల్డర్స్, జర్మనీకి చెందిన థైసెన్‌క్రుప్ మెరైన్ సిస్టమ్స్ కలిసి ఈ ప్రాజెక్టును చేపట్టనున్నాయి. దేశీయంగా జలాంతర్గాముల నిర్మాణ సామర్థ్యాన్ని మరింత పెంచుకోవాలని భారత్ లక్ష్యంగా పెట్టుకుంది (Rs 70000 crore submarine deal). ఈ ప్రాజెక్టులో జర్మనీ నుంచి ఆధునిక సాంకేతిక పరిజ్ఞానం, నిర్మాణ అనుభవాన్ని భారత్ పొందనుంది (Germany India defence deal). ముఖ్యంగా జలాంతర్గాముల నీటి అడుగున ఎక్కువసేపు పనిచేసే సామర్థ్యాన్ని పెంచే ఎయిర్ ఇండిపెండెంట్ ప్రొపల్షన్ వ్యవస్థ కీలక అంశంగా ఉండనుంది. ఇలాంటి సాంకేతికతతో జలాంతర్గాములు తరచుగా నీటి పైకి రాకుండానే ఎక్కువకాలం నీటి అడుగున పనిచేయగలవు. ప్రాజెక్ట్‌పై చర్చలు చాలా కాలంగా కొనసాగుతున్నప్పటికీ పలు కారణాలతో ఆలస్యమవుతోంది. తాజాగా ప్రతిపాదనను తుది నిర్ణయం కోసం కేబినెట్ కమిటీ ఆన్ సెక్యూరిటీ ముందు ఉంచే ప్రక్రియ వేగవంతమైనట్లు సమాచారం. ఈ రోజు మీ నగరంలో పసిడి ధరలు ఎలా ఉన్నాయంటే

అమెరికాలో తన 19 ఏళ్ల ప్రియురాలిని హత్య చేసినట్లు ఆరోపణలు ఎదుర్కొంటున్న 20 ఏళ్ల భారతీయ యువకుడిని జర్మనీలో పోలీసులు అరెస్ట్ చేశారు. ఇంటర్నెట్ డెస్క్: అమెరికాలో తన 19 ఏళ్ల ప్రియురాలిని హత్య చేసినట్లు ఆరోపణలు ఎదుర్కొంటున్న 20 ఏళ్ల భారతీయ యువకుడిని జర్మనీలో పోలీసులు అరెస్ట్ చేశారు. అరిజోనా రాష్ట్రంలోని టక్సన్‌లో ఈ హత్య జరిగింది. ఈ ఘటన అనంతరం నిందితుడు అమెరికా నుంచి పారిపోయి జర్మనీ చేరుకున్నట్లు అధికారులు తెలిపారు. అతడిని తిరిగి అమెరికాకు తీసుకెళ్లే ప్రక్రియ కొనసాగుతోంది (Indian Man Germany Arrest). టక్సన్‌లోని ఓ అపార్ట్‌మెంట్‌లో 19 ఏళ్ల కళాశాల విద్యార్థిని జులిస్సా రూబీ సలాజర్ మృతదేహాన్ని పోలీసులు గుర్తించారు. కుటుంబ సభ్యుల ఫిర్యాదు ఆధారంగా పోలీసులు తనిఖీకి వెళ్లగా ఆమె అపస్మారక స్థితిలో కనిపించింది. వైద్య సిబ్బంది ఆమె మృతి చెందినట్లు నిర్ధారించారు. ఆమె శరీరంపై తీవ్ర గాయాల గుర్తులు ఉన్నాయి. నిందితుడు ఆమెను గొంతు నులిమి హత్య చేసినట్లు అధికారులు ఆరోపిస్తున్నారు (American Girlfriend killed). మృతురాలికి ప్రియుడైన వరుణ్ బట్చిగారిపై పోలీసులు అనుమానం వ్యక్తం చేశారు. ఆమె ఫోన్, క్రెడిట్ కార్డులు అతడు తీసుకున్నట్లు అధికారులు గుర్తించారు. తర్వాత వరుణ్ టక్సన్ నుంచి జర్మనీలోని బెర్లిన్‌కు వెళ్లినట్లు అధికారులు తెలిపారు (Germany Extradition). బెర్లిన్ నుంచి భారత్‌కు వెళ్లాలని వరుణ్ భావించినట్టు పోలీసులు అనుమానించారు. అమెరికా అధికారులు వరుణ్‌పై ఫస్ట్-డిగ్రీ హత్య, కిడ్నాప్ ఆరోపణలతో అరెస్ట్ వారెంట్ జారీ చేశారు. అనంతరం జర్మనీ అధికారులతో సమన్వయం చేసి అతడిని అదుపులోకి తీసుకున్నారు. ప్రస్తుతం వరుణ్ జర్మనీలో పోలీసుల అదుపులో ఉన్నాడు. అతడిని అరిజోనాకు అప్పగించే ప్రక్రియ కొనసాగుతోంది. మక్కా ఒప్పందంలో చేరనున్న ఈజిప్ట్.. టర్కీ కీలక ప్రకటన.. సౌదీ అరామ్‌కోపై డ్రోన్ దాడి.. హౌతీల కీలక ప్రకటన