Electric Vehicles News

ఎలక్ట్రిక్ కారు (ఈవీ) కొన్నవారికి ఛార్జింగ్ స్టేషన్ వెతుక్కోవడం పెద్ద తలనొప్పి అనుకుంటే పొరపాటే. అసలు సమస్య తమ సొంత ఇల్లు లేదా అపార్ట్‌మెంట్‌లోని ఎలక్ట్రికల్ వ్యవస్థ దానిని తట్టుకోలేకపోవడమే కావచ్చు. సొంత ఇల్లు ఉన్నవారికి ఛార్జర్ ఏర్పాటు చేసుకోవడం సులభంగా అనిపించినా, అపార్ట్‌మెంట్లలో నివసించే వారికి పరిస్థితి పూర్తిగా భిన్నంగా ఉంటుంది. ఇక్కడ ఛార్జర్ ఒక్కటే కాదు, భవనం వైరింగ్, ట్రాన్స్‌ఫార్మర్, మొత్తం సొసైటీ విద్యుత్ వ్యవస్థ అదనపు లోడ్‌ను మోయగలదా అన్నదే అసలు ప్రశ్న. అందుకే, ఈవీ కొనేముందే ఈ విషయాలు తెలుసుకోవడం చాలా ముఖ్యం.ఇంటికి తగినంత సాంక్షన్డ్ లోడ్ ఉందా?సాధారణంగా ఇళ్లకు 3-4 కిలోవాట్ల (కేడ‌బ్ల్యూ) సాంక్షన్డ్ లోడ్ ఉంటుంది. కానీ, ఒక ఈవీ ఛార్జర్ కారు, ఛార్జర్ రకాన్ని బట్టి అదనంగా 7.5 కేడ‌బ్ల్యూ లేదా అంతకంటే ఎక్కువ లోడ్‌ను జోడిస్తుంది. "ఈవీ యజమానులు ఇంట్లో ఛార్జింగ్ గురించి భయపడాల్సిన అవసరం లేదు, కానీ ఇది ఇంట్లోని ఇతర ఉపకరణాల కంటే చాలా భిన్నమైన లోడ్ అని అర్థం చేసుకోవాలి. ఒక కారును 8 నుంచి 10 గంటల పాటు ఛార్జ్ చేయడానికి కనీసం 7.5 కేడ‌బ్ల్యూ అదనపు లోడ్ అవసరం. ఫాస్ట్ ఛార్జర్లకు 22 కేడ‌బ్ల్యూ వరకు అవసరం పడొచ్చు" అని ఛార్జర్ ఆన్ వీల్స్ వ్యవస్థాపకుడు, సీఈఓ అనిల్ కుమార్ ఎన్డీటీవీకి తెలిపారు. దీనివల్ల ఇంటికి కేటాయించిన అసలు లోడ్ కంటే వినియోగం భారీగా పెరిగిపోతుంది. కాబట్టి, మొదటగా మీ విద్యుత్ కనెక్షన్ సాంక్షన్డ్ లోడ్ ఎంత ఉందో

హైదరాబాద్‌ను స్వచ్ఛమైన, పర్యావరణహిత ప్రజా రవాణా నగరంగా తీర్చిదిద్దే లక్ష్యంతో తెలంగాణ ప్రభుత్వం తీసుకొస్తున్న ఎలక్ట్రిక్‌ ఆటో మార్పిడి పథకంపై రవాణాశాఖ మంత్రి పొన్నం ప్రభాకర్‌ కీలక ప్రకటన చేశారు. కోర్‌ అర్బన్‌ రీజియన్‌ పరిధిలో సామాజిక వర్గాలతో సంబంధం లేకుండా అర్హత కలిగిన ప్రతి ఆటో యజమానికి రూ.1.50 లక్షల వరకు సబ్సిడీ అందిస్తామని ఆయన వెల్లడించారు. అర్హత ప్రమాణాలు పూర్తి చేసే ప్రతి లబ్ధిదారుడికి సమానంగా పథకం ప్రయోజనం అందేలా చర్యలు తీసుకుంటామని తెలిపారు.హైదరాబాద్‌లో పెట్రోల్‌, డీజిల్‌ ఆటోల స్థానంలో ఎలక్ట్రిక్‌ వాహనాలను ప్రోత్సహించేందుకు ‘తెలంగాణ ఆటో రిక్షా ఎలక్ట్రిక్‌ మార్పిడి పథకం–2026’ను రూపొందిస్తున్నట్లు మంత్రి పేర్కొన్నారు. నగరంలో వాయు, శబ్ద కాలుష్యాన్ని తగ్గించడంతో పాటు ప్రజా రవాణాను పర్యావరణహితంగా మార్చడం ఈ పథకం ప్రధాన ఉద్దేశమని తెలిపారు. తెలంగాణ రైజింగ్‌ విజన్‌–2047 లక్ష్యాలకు అనుగుణంగా దీర్ఘకాలిక రవాణా ప్రణాళికలో భాగంగా ఈ పథకాన్ని అమలు చేయనున్నట్లు చెప్పారు.పెట్రోల్‌, డీజిల్‌ ఆటోలను ఎలక్ట్రిక్‌ వాహనాలుగా మార్చేందుకు ప్రభుత్వం సుమారు రూ.200 కోట్లతో ఈ పథకాన్ని అమలు చేయనుంది. ఇందుకు రాష్ట్ర కేబినెట్‌ ఇటీవల ఆమోదం తెలిపిన విషయం తెలిసిందే. పథకం ద్వారా పాత ఇంధన వాహనాల సంఖ్యను క్రమంగా తగ్గించి, నగర రవాణా వ్యవస్థలో ఎలక్ట్రిక్‌ ఆటోల వాటాను పెంచాలని ప్రభుత్వం లక్ష్యంగా పెట్టుకుంది. ఎలక్ట్రిక్‌ ఆటోగా మారాలనుకునే అర్హత కలిగిన యజమానులకు ప్రభుత్వం రెండు ఆప్షన్లు కల్పించనుంది. మొదటి అవకాశంలో ప్రస్తుతం వినియోగిస్తున్న పెట్రోల్‌ లేదా డీజిల్‌ ఆటోను AIS–123 ప్రమాణాలకు అనుగుణంగా ఆమోదం పొందిన ఎలక్ట్రిక్‌ కిట్‌తో రెట్రోఫిట్‌ చేసుకోవచ్చు. అంటే ప్రస్తుత వాహనాన్ని పూర్తిగా మార్చకుండా, అనుమతించిన సాంకేతిక విధానంలో ఎలక్ట్రిక్‌ వ్యవస్థను అమర్చుకునే అవకాశం ఉంటుంది.రెండో అవకాశంలో పాత ఆటోను ప్రభుత్వ నిర్దేశిత విధానంలో అప్పగించి, దాని స్థానంలో కొత్త ఎలక్ట్రిక్‌ ఆటోను కొనుగోలు చేసుకోవచ్చు. ఈ రెండు మార్గాల్లో ఏదైనా ఎంచుకున్నా అర్హత కలిగిన

మహీంద్రా నుంచి మరో కొత్త ఎలక్ట్రిక్‌ ఎస్‌యూవీ భారత మార్కెట్లోకి వచ్చింది. బీఈ6 స్పోర్టెక్‌ పేరుతో విడుదలైన ఈ మోడల్‌ ప్రారంభ ధర రూ.11.45 లక్షలు. ఇది బ్యాటరీ యాజ్‌ ఏ సర్వీస్‌ (BaaS) పథకం ధర. బీఏఏఎస్‌ లేకుండా ప్రారంభ ధర రూ.19.45 లక్షలుగా ఉంది. కొత్త మోడల్‌లో డిజైన్‌ మార్పులతో పాటు టెక్నాలజీ, డ్యాష్‌బోర్డ్‌లోనూ కీలక మార్పులు చేశారు. లాంచ్‌ ఎడిషన్‌, ఫోర్‌, ఎఫ్‌ఈ, ఎఫ్‌ఈ ఫోర్‌ వంటి ప్రత్యేక వేరియంట్లను అందుబాటులోకి తెచ్చారు.బీఈ6 స్పోర్టెక్‌ మొత్తం ఎనిమిది వేరియంట్లలో లభిస్తుంది. ‘వన్‌’ వేరియంట్‌ 59kWh బ్యాటరీతో బీఏఏఎస్‌ ధర రూ.11.45 లక్షలు కాగా.. సాధారణ ధర రూ.19.45 లక్షలు. ‘టూ’ ధరలు వరుసగా రూ.12.95 లక్షలు, రూ.20.95 లక్షలు. ‘త్రీ’ ధర రూ.21.95 లక్షల నుంచి ప్రారంభమవుతుంది. ‘త్రీ+’ ధర రూ.23.95 లక్షల నుంచి ఉంది. ఫోర్‌, లాంచ్‌ ఎడిషన్‌, ఎఫ్‌ఈ ఫోర్‌ ధర రూ.26.95 లక్షలు కాగా.. ఎఫ్‌ఈ వేరియంట్‌ ధర రూ.24.45 లక్షలుగా ఉంది. ఇవన్నీ ఎక్స్‌షోరూమ్‌ ధరలు.కొత్త బీఈ6 స్పోర్టెక్‌లో బయట డిజైన్‌ పెద్దగా మారలేదు. లాంచ్‌ ఎడిషన్‌లో ప్రత్యేక పెయింట్‌ స్కీమ్‌ ఇచ్చారు. వెనుక భాగంలో లాంచ్‌ ఎడిషన్‌ బ్యాడ్జ్‌, బీఈ6 లెటరింగ్‌ ఉన్నాయి. వెనుక లైట్ల సాయంతో టెయిల్‌గేట్‌పై సందేశాలను ప్రదర్శించే సదుపాయం కూడా ఉంది. మొత్తం 12 రంగుల్లో ఈ ఎస్‌యూవీ లభిస్తుంది. వీటిలో రోసో ఇంపల్సో, రూబీ వెల్వెట్‌, గ్రాఫైట్‌ స్టోర్మ్‌, ఫైర్‌స్టార్మ్‌ ఆరెంజ్‌ సాటిన్‌ అనే నాలుగు కొత్త రంగులు ఉన్నాయి

విద్యుత్‌ వాహనాల (ఈవీ) రంగం దేశంలో భారీగా ఉద్యోగాలు కల్పించనుంది. 2030 నాటికి ఈ రంగంలో 3 కోట్ల నుంచి 4 కోట్ల వరకు కొత్త ఉద్యోగాలు వచ్చే అవకాశం ఉందని అడ్‌కో ఇండియా నివేదిక తెలిపింది. బ్యాటరీ తయారీ, ఛార్జింగ్‌ కేంద్రాలు, వాహనాల సర్వీసింగ్‌, సాఫ్ట్‌వేర్‌, ఫ్లీట్‌ నిర్వహణ, బ్యాటరీ రీసైక్లింగ్‌ వంటి రంగాల్లో అవకాశాలు పెరగనున్నాయి.ఈ ఉద్యోగాల్లో కేవలం 10-15 శాతం మాత్రమే నేరుగా వాహనాల తయారీకి సంబంధించినవి ఉంటాయని అడ్‌కో అంచనా వేసింది. మిగతా 85-90 శాతం ఉద్యోగాలు ఈవీల చుట్టూ ఏర్పడే ఇతర రంగాల్లో వస్తాయని పేర్కొంది. దీంతో సంప్రదాయ కార్ల తయారీ కేంద్రాలకే ఉద్యోగాలు పరిమితం కావని స్పష్టం చేసింది.ఈవీ రంగంలో నియామకాలు ఏటా 15-20 శాతం పెరగొచ్చని నివేదిక తెలిపింది. ప్రత్యేక నైపుణ్యాలున్న ఉద్యోగులకు డిమాండ్‌ 35 శాతం వరకు పెరగవచ్చని అంచనా వేసింది. ఈవీ రంగంలో అవసరమైన నైపుణ్యాలు ఉన్నవారికి సంప్రదాయ ఇంజిన్‌ వాహనాల ఉద్యోగాలతో పోలిస్తే 45 శాతం వరకు ఎక్కువ జీతాలు లభించే అవకాశం ఉందని పేర్కొంది.ఈవీ రంగంలో ఉద్యోగాల్లో వాహనాల తయారీ వాటా 50-55 శాతం ఉండొచ్చని అడ్‌కో తెలిపింది. బ్యాటరీ తయారీ, ఛార్జింగ్‌ సదుపాయాలు, బ్యాటరీల రీసైక్లింగ్‌ రంగాల్లో వేగంగా ఉద్యోగాలు పెరగనున్నాయి.దేశంలో ఈవీల సంఖ్య పెరుగుతున్న కొద్దీ ఛార్జింగ్‌ కేంద్రాలు, సర్వీసింగ్‌ కేంద్రాలు, ఫ్లీట్‌ నిర్వహణకు సిబ్బంది అవసరం పెరుగుతుంది. ఢిల్లీలో జులై 1 నుంచి అమల్లోకి వచ్చిన కొత్త ఈవీ పాలసీ కింద దాదాపు 30 వేల ఛార్జింగ్‌