Admission News

శామీర్‌పేట, సెప్టెంబర్‌ 1 : ఆర్టీసీ ట్రాన్స్‌స్పోర్ట్‌ అకాడమీ ఐటీఐలో ప్రవేశాలను విద్యార్థులు సద్వినియోగం చేసుకోవాలని కళాశాల ప్రిన్సిపల్‌ అపర్ణ కళ్యాణి మంగళవారం ప్రకటనలో కోరారు. టీజీఎస్‌ ఆర్టీసీ హకీంపేంట ట్రాన్స్‌స్పోర్ట్‌ అకాడమీ ఐటీఐలో డీజిల్‌ మెకానిక్‌(1 సంవత్సరం), మోటాల్‌ మెకానిక్‌(2 సంవత్సరాలు) కోర్సులకు 10వ తరగతి ఉత్తీర్ణత పొందిన విద్యార్థులు, అభ్యర్థుల నుంచి దరఖాస్తులు కోరుతున్నట్లు తెలిపారు. సెప్టెంబర్‌ 7 దరఖాస్తులకు చివరి తేది అని పూర్తి వివరాల కోసం 9391072283 నెంబర్‌కు సంప్రదించాలని సూచించారు. Beetroot Supplements | మార్కెట్‌లో అందుబాటులో ఉన్న బీట్ రూట్ స‌ప్లిమెంట్లు.. ఇవి శ‌రీరానికి ఏ మేర మేలు చేస్తాయి, వీటిని తీసుకోవ్చా..? BCCI | బుమ్రా వచ్చేశాడు.. మళ్లీ భారత టీ20 స్క్వాడ్‌లో ఆ ముగ్గరు..! ENE Repeat | గెట్‌ రెడీ ఫర్ సీక్వెల్‌.. తరుణ్‌ భాస్కర్ ENE Repeat టీం క్రేజీ వీడియో

2022-26 మధ్య 1,04,046 మంది విద్యార్థులకు అవకాశం కలిగింది శాసనమండలిలో విద్య, ఐటీ శాఖల మంత్రి నారా లోకేష్ అమరావతి: ప్రజాప్రభుత్వ పాలనలో విద్యాహక్కు చట్టం కింద ప్రైవేట్ అన్ ఎయిడెడ్ పాఠశాలల్లో విద్యార్థుల ప్రవేశాలు పెరిగాయని విద్య, ఐటీ శాఖల మంత్రి నారా లోకేష్ పేర్కొన్నారు. ప్రైవేటు పాఠశాలల్లో విద్యాహక్కు చట్టం(ఆర్టీఈ) కింద ప్రవేశాలు పొందిన విద్యార్థుల సంఖ్యపై శాసనమండలిలో సభ్యులు కావలి గ్రీష్మ, భూమిరెడ్డి రాంగోపాల్ రెడ్డి, పేరాబత్తుల రాజశేఖర్ అడిగిన ప్రశ్నకు మంత్రి సమాధానం ఇచ్చారు. ఈ సందర్భంగా మంత్రి మాట్లాడుతూ.. 2022-23 నుంచి 2026-27 వరకు విద్యాహక్కు చట్టం కింద ప్రైవేట్ అన్ఎయిడెడ్ పాఠశాలల్లో 1,04,046 మంది విద్యార్థులు ప్రవేశాలు పొందారు. 12(1)(సి) సెక్షన్ కింద ప్రవేశాలు పారదర్శక ఆన్ లైన్ ప్రక్రియ ద్వారా చేపట్టాం. 12(1)(సి) సెక్షన్ ను సమర్థంగా అమలుచేయడానికి ప్రభుత్వం అనేక చర్యలు చేపట్టింది. ప్రజాప్రభుత్వం అధికారంలోకి వచ్చిన తర్వాత విద్యాహక్కు చట్టం కింద విద్యార్థుల ప్రవేశాలు పెరిగాయి. 2022-23 ఏడాదిలో విద్యాహక్కు చట్టం కింద ప్రైవేట్ అన్ ఎయిడెడ్ పాఠశాలల్లో కేవలం 2,203 మంది విద్యార్థులు మాత్రమే ప్రవేశాలు పొందారు. ప్రజాప్రభుత్వం అధికారంలోకి వచ్చిన తర్వాత మొదటి ఏడాదే 2024-25లో సుమారు 29వేల మంది విద్యార్థులు ప్రవేశాలు పొందగా.. 2026-27 ఏడాదిలో 28,742 మంది విద్యార్థులకు విద్యాహక్కు చట్టం కింద అడ్మిష‌న్లు ల‌భించాయి. ప్రజాప్రభుత్వం వచ్చిన తర్వాత విద్యాహక్కు చట్టంపై సమాజంలో అవగాహన పెరిగిందని, దీనిపై పెద్దఎత్తున ప్రచారం చేస్తున్నామని ఈ సందర్భంగా మంత్రి చెప్పారు

ఈఏపీసెట్ మూడో విడత కౌన్సెలింగ్ ముగిసిన నేపథ్యంలో, జేఎన్టీయూ పరిధిలోని అనుబంధ ఇంజినీరింగ్ కళాశాలల్లో ఖాళీగా ఉన్న సీట్ల భర్తీకి స్పాట్ అడ్మిషన్ల ప్రక్రియ ప్రారంభమైంది. విద్యార్థుల నుంచి భారీ స్పందన లభిస్తుండటంతో ఈ సీట్లు వేగంగా భర్తీ అవుతున్నాయి.బుధవారం హైదరాబాద్‌లోని యూనివర్సిటీ అడ్మిషన్ల కార్యాలయంలో నిర్వహించిన కౌన్సెలింగ్‌కు సుమారు 200 మంది విద్యార్థులు తమ తల్లిదండ్రులతో కలిసి హాజరయ్యారు. దీంతో క్యాంపస్ ప్రాంగణమంతా విద్యార్థులు, వారి తల్లిదండ్రులతో సందడిగా మారింది.కౌన్సెలింగ్ ప్రారంభమైన కొద్దిసేపటికే జేఎన్టీయూ హైదరాబాద్‌లోని 26 సీట్లు, సుల్తాన్‌పూర్‌లోని 8 సీట్లు పూర్తిగా భర్తీ అయ్యాయి. ఇక జగిత్యాల కళాశాలలోని రెండు సీట్లలో ఒకటి భర్తీ అయింది. సీట్లు శరవేగంగా భర్తీ అవుతున్నాయని అడ్మిషన్ల డైరెక్టర్ బాలునాయక్ వెల్లడించారు.ఈ ప్రక్రియలో భాగంగా నేడు (గురువారం) మంథని, సిరిసిల్ల, పాలేరు కళాశాలలకు స్పాట్ కౌన్సెలింగ్ నిర్వహించనున్నారు. రేపు (శుక్రవారం) వనపర్తి, కోస్గి, మహబూబాబాద్ కళాశాలలకు అడ్మిషన్ల ప్రక్రియ ఉంటుంది. ఈ కౌన్సెలింగ్ మొత్తం హైదరాబాద్ క్యాంపస్‌లోనే జరుగుతుందని అధికారులు తెలిపారు.సీట్ల కేటాయింపును ఈఏపీసెట్ ర్యాంకు, రిజర్వేషన్ కేటగిరీ మరియు ఇంటర్మీడియట్ మార్కుల మెరిట్ ఆధారంగా చేపడుతున్నారు. ఉదయం 10 గంటల తర్వాత వచ్చిన అభ్యర్థులకు 'ముందు వచ్చిన వారికి మొదటి ప్రాధాన్యత' ప్రాతిపదికన అవకాశం కల్పిస్తారు. విద్యార్థులు తమ ఒరిజినల్ సర్టిఫికేట్లు, అవసరమైన ఫీజుతో కౌన్సెలింగ్‌కు హాజరుకావాలని అధికారులు సూచించారు

ఎప్‌సెట్‌ మూడో విడత కౌన్సెలింగ్‌ అనంతరం జేఎన్‌టీయూ అనుబంధ కళాశాలల్లో మిగిలిపోయిన సీట్ల భర్తీ నిమిత్తం స్పాట్‌ అడ్మిషన్ల ప్రక్రియను నిర్వహించారు. హైదరాబాద్‌, సుల్తాన్‌పూర్‌, జగిత్యాల కాలేజీల్లో హాట్‌కేకుల్లా సీట్ల భర్తీ నేడు మంథని, సిరిసిల్ల, పాలేరు కాలేజీల్లో.. రేపు వనపర్తి, కోస్గి, మహబూబాద్‌ కాలేజీల్లో.. హైదరాబాద్‌ సిటీ: ఎప్‌సెట్‌ మూడో విడత కౌన్సెలింగ్‌ అనంతరం జేఎన్‌టీయూ అనుబంధ కళాశాలల్లో మిగిలిపోయిన సీట్ల భర్తీ నిమిత్తం స్పాట్‌ అడ్మిషన్ల ప్రక్రియను నిర్వహించారు. బుధవారం ఉదయం వర్సిటీ అడ్మిషన్ల విభాగంలో జరిగిన కౌన్సెలింగ్‌కు సుమారు 200మంది అభ్యర్థులతోపాటు, వారి తల్లిదండ్రులు తోడు రావ డంతో క్యాంపస్‌లో సందడి వాతావరణం నెలకొంది. హైదరాబాద్‌ జేఎన్‌టీయూ కాలేజీలోని వివిధ ఇంజనీరింగ్‌ బ్రాంచ్‌లలో 26, సుల్తాన్‌పూర్‌లో 8, జగిత్యాలలో 2 సీట్లు ఖాళీగా ఉండగా జగిత్యాలలో ఒక సీటు మినహా మిగిలిన సీట్లన్నీ హాట్‌ కేకేల్లా భర్తీ అయ్యాయని అడ్మిషన్ల విభాగం డైరెక్టర్‌ బాలునాయక్‌ తెలిపారు. గురువారం మంథని, సిరిసిల్ల, పాలేరు కాలేజీల్లో, శుక్రవారం మహబూబాబాద్‌, వనపర్తి, కోస్గి జేఎన్‌టీయూ కాలేజీల్లో మిగిలిపోయిన సీట్లకు స్పాట్‌ కౌన్సెలింగ్‌ను హైదరాబాద్‌ క్యాంపస్‏లోనే నిర్వహిస్తామని చెప్పారు. స్పాట్‌ కౌన్సెలింగ్‌లో అభ్యర్థుల ఎప్‌సెట్‌ ర్యాంకు, రిజర్వేషన్‌ కేటగిరి, ఇంటర్‌మీడియట్‌ మార్కుల్లో మెరిట్‌ ఆధారంగా సీట్ల భర్తీ ఉంటుందని ఆయన స్పష్టం చేశారు. ఉదయం 10 గంటల తర్వాత మొదట వచ్చిన అభ్యర్థులకు ప్రాధాన్యం ఇస్తామన్నారు. అభ్యర్థులు అన్ని సర్టిఫిక్టెలతోపాటు ఫీజు డబ్బులు వెంట తెచ్చుకోవాలని సూచించారు. స్వల్పంగా తగ్గిన బంగారం ధరలు.. ఈ రోజు మీ నగరంలో పసిడి ధరలు ఎలా ఉన్నాయంటే.. రూ.20 లంచం కేసులో 30 ఏళ్ల న్యాయ పోరాటం.. సుప్రీంకోర్టు కీలక తీర్పు

బధిర విద్యార్థులకు రాష్ట్రంలో తొలిసారిగా డిగ్రీ కళాశాలను ప్రభుత్వం ఏర్పాటు చేసింది. ఇప్పటి వరకు బధిర విద్యార్థులకు ఇంటర్మీడియట్ వరకు మాత్రమే మన దగ్గర కోర్సులు ఉన్నాయి. తొలిసారి డిగ్రీ కోర్సులు కూడా బోధించాలని విద్యాశాఖ కీలక నిర్ణయం తీసుకుంది. బాపట్ల జిల్లా వెదుళ్లపల్లిలో ఉన్న బధిరుల ఆశ్రమ పాఠశాల, జూనియర్ కళాశాలలోనే ఇకపై డిగ్రీ కళాశాలను కూడా ఏర్పాటు చేస్తున్నట్లు జూలై 22న రాష్ట్ర మంత్రివర్గం ఆమోదం తెలిపింది.ఆశ్రమ పాఠశాల, జూనియర్ కళాశాలలోని తాత్కాలిక భవనాల్లోనే ప్రస్తుతం డిగ్రీ కళాశాలను ప్రారంభించారు. తొలి ఏడాది బీకాం కంప్యూటర్ సైన్స్‌లో 30 సీట్లతో ప్రవేశాలకు శ్రీకారం చుడుతున్నారు. ఈ మేరకు అధ్యాపకుల నియామకం, వసతుల కల్పనకు చర్యలు తీసుకుంటున్నారు. కళాశాల ప్రిన్సిపల్ రజియా మాట్లాడుతూ బీకాం కంప్యూటర్స్‌లో చేరిన విద్యార్థులకు ఉచిత వసతి, భోజన సౌకర్యం, పాఠ్య, రాత పుసక్తాలు, కాస్మొటిక్స్ ఖర్చులకు నగదు, వినికిడి పరకాలు అందజేస్తున్నట్లు ఆమె తెలిపారు.అర్హత ఉన్న బధిర విద్యార్థులు ఈ అవకాశాన్ని సద్వినియోగం చేసుకోవాలని ప్రిన్సిపల్ రజియా తెలిపారు. అర్హులు సంబంధిత సర్టిఫికెట్లతో కాలేజీ దగ్గరకు వచ్చి అడ్మిషన్స్ పొందాలని సూచించారు. సందేహాలు ఉంటే 9000013633 నెంబర్‌లో సంప్రదించాలని కోరారు. ప్రభుత్వం కల్పిస్తున్న ఈ అవకాశాన్ని బధిర విద్యార్థులు సద్వినియోగం చేసుకోవాలని కోరారు.ఉమ్మడి ఆంధ్రప్రదేశ్‌లో తొలిసారి 1987లో అప్పటి ముఖ్యమంత్రి నందమూరి తారకరామారావు బధిరుల కోసం ఆశ్రమ పాఠశాలను ఏర్పాటు చేశారు. 14 ఎకరాల విస్తీర్ణంలో బధిరుల భవిష్యత్‌ను దృష్టిలో ఉంచుకుని వెదుళ్లపల్లిలో ఈ పాఠశాలను ఏర్పాటు చేశారు. 1987లో ఎన్టీఆర్ బధిరుల ఆశ్రమ పాఠశాలను ప్రారంభించగా.. 1990లో చంద్రబాబు నాయుడు హయాంలో ఆశ్రమ పాఠశాలకు జూనియర్ కళాశాల హోదా కల్పించారు. మళ్లీ 2026లో చంద్రబాబు నాయుడు ముఖ్యమంత్రిగా ఉన్న సమయంలోనే డిగ్రీ కళాశాలగా చేయడం విశేషం. బధిర విద్యార్థులు ఈ అవకాశాన్ని సద్వినియోగం చేసుకుని భవిష్యత్తులో మరింత ఎత్తుకు ఎదగాలనేదే ప్రభుత్వం ఆకాంక్ష

మెడికల్ సీట్ల కోసం ఎదురుచూస్తున్నారా? ఎంబీబీఎస్, బీడీఎస్ ఆన్‌లైన్ అడ్మిషన్లు మళ్లీ ఓపెన్ ఆన్‌లైన్ రిజిస్ట్రేషన్‌ ప్రాసెస్ మళ్లీ మొదలైంది ఆగస్టు 20 సాయంత్రం 6 గంటల్లోపు రిజిస్ట్రేషన్ NEET UG 2026 Students Alert : నీట్ యూజీ అర్హత సాధించిన విద్యార్థులకు గుడ్ న్యూస్.. తెలంగాణలో MBBS, BDS కోర్సుల్లో అడ్మిషన్ల కోసం ఆన్ లైన్ రిజిస్ట్రేషన్లు మళ్లీ ప్రారంభమయ్యాయి. విద్యార్థులకు ఇదే ఛాన్స్.. రాష్ట్రంలోని ప్రభుత్వ, ప్రైవేట్ మెడికల్, డెంటల్ కాలేజీల్లో కన్వీనర్ కోటా ప్రవేశాల కోసం కాళోజీ నారాయణరావు హెల్త్ యూనివర్శిటీ (KNRUHS) ఆన్‌లైన్ రిజిస్ట్రేషన్ ప్రాసెస్ మళ్లీ ప్రారంభించింది. అభ్యర్థుల అభ్యర్థనలు వెల్లువెత్తడంతో యూనివర్సిటీ, రిజిస్ట్రేషన్‌కు అదనపు అవకాశం కల్పించింది. ఈ మేరకు యూనివర్శిటీ రిజిస్ట్రార్ తెలిపింది. నీట్ యూజీ-2026లో నిర్ణీత కటాఫ్ స్కోర్ ఆపై ఎక్కువ మార్కులు పొందిన విద్యార్థులకు అవకాశం ఉంటుంది. Read Also : BC Reservations : బీసీలకు 34శాతం కోటా.. ప్రత్యక్ష మేయర్ ఎన్నికలు.. రిజర్వేషన్లపై చంద్రబాబు కీలక ప్రకటన! ఆన్‌లైన్ రిజిస్ట్రేషన్‌తో పాటు అవసరమైన సర్టిఫికెట్లను అప్‌లోడ్ చేసే ప్రాసెస్ ఆగస్టు 18, 2026 మధ్యాహ్నం 2 గంటలకు ప్రారంభమైంది. ఆగస్టు 20, 2026 సాయంత్రం 6 గంటలకు అవకాశం ఉంటుంది. ఇప్పటికే అప్లయ్ చేసిన అభ్యర్థులు మళ్లీ రిజిస్ట్రేషన్ అవసరం లేదని కేఎన్ఆర్‌యూహెచ్ఎస్ స్పష్టం చేసింది. అర్హత, అవసరమైన సర్టిఫికేట్లు, ఇతర రూల్స్ సంబంధించి పూర్తి వివరాలను అభ్యర్థులు గత నోటిఫికేషన్, ప్రాస్పెక్టస్‌లో చెక్ చేసుకోవాలి. అర్హులైన విద్యార్థులు నిర్ణీత గడువులోపు అధికారిక అడ్మిషన్ పోర్టల్ (tsmedadm.tsche.in) ద్వారా రిజిస్ట్రేషన్ పూర్తి చేసుకోవాలి

ఆంధ్రప్రదేశ్‌లో ఎయిడెడ్ పాఠశాలలను మూసివేసే ప్రసక్తే లేదని రాష్ట్ర విద్యాశాఖ మంత్రి నారా లోకేష్(Nara Lokesh) శాసనమండలిలో స్పష్టం చేశారు. ఎయిడెడ్ విద్యాసంస్థల భవిష్యత్తుపై వస్తున్న ఊహాగానాలకు బ్రేక్ వేస్తూ.. ఈ పాఠశాలల నిర్వహణపై ప్రభుత్వం సానుకూలంగా ఉందనే సంకేతాలు ఇచ్చారు. మండలిలో సభ్యులు అడిగిన ప్రశ్నలకు సమాధానమిస్తూ.. ప్రభుత్వ విద్యావ్యవస్థను బలోపేతం చేసేందుకు కూటమి ప్రభుత్వం కట్టుబడి ఉందని ఆయన పునరుద్ఘాటించారు. ప్రభుత్వ పాఠశాలల్లో ప్రవేశాలు (అడ్మిషన్లు) తగ్గడంపై వచ్చిన ప్రశ్నలకూ మంత్రి లోకేష్ పూర్తి గణాంకాలతో సమాధానమిచ్చారు. కూటమి ప్రభుత్వం అధికారంలోకి వచ్చిన తర్వాత, 2025-26 విద్యా సంవత్సరంలో ప్రభుత్వ పాఠశాలల్లో ప్రవేశాలు 1.69 శాతం తగ్గినట్లు ఆయన అంగీకరించారు. అయితే, ఆ తర్వాతి విద్యా సంవత్సరం లోనే లోపాలను సరిదిద్ది మౌలిక వసతులు మెరుగుపరచడంతో.. ప్రస్తుత 2026-27 విద్యా సంవత్సరంలో అడ్మిషన్లు 0.94 శాతం పెరిగాయని మంత్రి సభకు వెల్లడించారు. ప్రభుత్వ పాఠశాలల రూపురేఖలను మారుస్తూ, నాణ్యమైన విద్యను అందిస్తుండటం వల్లే మళ్లీ విద్యార్థులు ప్రభుత్వ బడుల వైపు మొగ్గు చూపుతున్నారని లోకేష్ ఈ సందర్భంగా పేర్కొన్నారు. రాబోయే రోజుల్లో అడ్మిషన్ల శాతాన్ని మరింతగా పెంచేలా ప్రణాళికలు సిద్ధం చేస్తున్నామని, తల్లిదండ్రుల్లో నమ్మకం పెంచేలా ప్రభుత్వ విద్యా ప్రమాణాలను మరింత ఉన్నతీకరిస్తామని సభ సాక్షిగా హామీ ఇచ్చారు

ఇంజనీరింగ్‌, సైన్స్‌ అండ్‌ టెక్నాలజీ ఎడ్యుకేషన్‌కు చిరునామాగా నిలిచిన జేఎన్‌టీయూలో పరిశోధనలకు తగినంత ప్రాధాన్యం లభిస్తుందా అంటే.. విద్యార్థి వర్గాల నుంచి లేదనే జవాబు వస్తోంది. ఏడాదిన్నరగా పీహెచ్‌డీ నోటిఫికేషన్‌ వేయని జేఎన్‌టీయూ హైదరాబాద్‌ సిటీ: ఇంజనీరింగ్‌, సైన్స్‌ అండ్‌ టెక్నాలజీ ఎడ్యుకేషన్‌కు చిరునామాగా నిలిచిన జేఎన్‌టీయూలో పరిశోధనలకు తగినంత ప్రాధాన్యం లభిస్తుందా అంటే.. విద్యార్థి వర్గాల నుంచి లేదనే జవాబు వస్తోంది. ప్రతియేటా రెండు పీహెచ్‌డీ నోటిఫికేషన్లను జారీ చేస్తామని వివిధ సందర్భాల్లో వైస్‌ చాన్స్‌లర్‌ చేసిన ప్రకటనలు అధికారుల అలసత్వం కారణంగా అమలుకు నోచుకోవడం లేదని ఆయా సంఘాల ప్రతినిధులు ఆరోపిస్తున్నారు. ఈ ఏడాది ఫిబ్రవరి రెండో వారంలో నోటిఫికేషన్‌ జారీ చేస్తామని చెప్పిన వర్సిటీ ఉన్నతాధికారులు ఆర్నెల్లు గడిచినా ఆ ఊసే ఎత్తడం లేదని ఆశావహ అభ్యర్థులు వాపోతున్నారు. ఇప్పటికిప్పుడు నోటిఫికేషన్‌ జారీచేసినా దరఖాస్తుల పరిశీలన, పరీక్షల నిర్వహణ, ఇంటర్వ్యూల పేరిట అడ్మిషన్ల ప్రక్రియ పూర్తి కావడానికి కనీసం ఏడాదికిపైగా అధికారులు సమయం తీసుకుంటుండడం ఆశావహ అభ్యర్థులను తీవ్రమైన నిరాశ, నిస్పృహలకు గురిచేస్తోంది. పీహెచ్‌డీ ప్రవేశాల నిమిత్తం ఈ ఏడాది (2026) నోటిఫికేషన్‌ ఎప్పుడు విడుదల చేస్తారో ఎవరికీ అంతుబట్టడం లేదని విద్యార్థి సంఘాలు ఆరోపిస్తున్నాయి. పోస్టు గ్రాడ్యుయేషన్‌ పూర్తి చేసుకొని పార్ట్‌టైమ్‌, ఫుల్‌టైమ్‌ అడ్మిషన్ల కోసం ఎదురుచూస్తున్న పలువురు అభ్యర్థులు నోటిఫికేషన్‌ కోసం అడ్మిషన్ల విభాగం చుట్టూ ప్రదక్షిణలు చేస్తున్నారు. మరోవైపు యూనివర్సిటీ అఫిలియేటెడ్‌ (ప్రైవేటు) ఇంజనీరింగ్‌ కళాశాలల్లో మూడేళ్ల క్రితమే రీసెర్చ్‌ సెంటర్లు ఏర్పాటు చేసినప్పటికీ ఆయా కేంద్రాలకు అడ్మిషన్లలో ప్రాధాన్యతను ఇవ్వక పోవడంపై విమర్శలు వ్యక్తమవుతున్నాయి. వైస్‌ చాన్స్‌లర్‌ కిషన్‌కుమార్‌రెడ్డి.. ఈ ఏడాది ప్రారంభంలో ప్రైవేటు కాలేజీల ప్రిన్సిపాల్స్‌తో జరిపిన భేటీలో రానున్న నోటిఫికేషన్‌లో ప్రిన్సిపాల్స్‌కు సైతం స్కాలర్స్‌ను కేటాయిస్తామని హామీ ఇచ్చారు. అయినప్పటికీ, నోటిఫికేషన్‌ జారీపై అటు అర్‌అండ్‌డీ విభాగం నుంచి గానీ, ఇటు అడ్మిషన్ల విభాగం నుంచి గానీ స్పష్టమైన సమాచారం లేకపోవడంతో

మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. BEd Admission: తెలంగాణ రాష్ట్రంలో ఉపాధ్యాయ వృత్తి శిక్షణ కోర్సు అయిన బీఈడీకి మళ్లీ డిమాండ్ భారీగా పెరుగుతోంది. గత కొంతకాలంగా ఈ కోర్సులో చేరిన వారి సంఖ్య గణనీయంగా పెరుగుతోంది. ఈసారి 13,695 సీట్లకు గాను.. మొదటి విడతలోనే 9,407 మంది అభ్యర్థులు సీట్లు దక్కించుకున్నారు. ఎడ్ సెట్ మొదటి విడత సీట్లను ఆదివారం కేటాయించగా.. మొత్తం కన్వీనర్ కోటాలో 13,695 సీట్లు ఉన్నాయి. అందులో ఈసారి 15,009 మంది వెబ్ ఆప్షన్స్ ఎంచుకున్నారు. వీరిలో 9,407 మది సీట్లను దక్కించుకున్నారు. సీట్లు దక్కించుకున్నవారు ఈనెల 20 వరకు ఫీజు చెల్లించి రిపోర్టు చేయాలని ప్రవేశాల కమిటీ కన్వీనర్ ప్రొఫెసర్ పాండురంగారెడ్డి తెలిపారు. కాగా 2025లో మొదటి విడతలో 4,474 మంది రిపోర్టు చేశారు. రెండో విడతలో 7,441 మంది సీట్లు దక్కించుకున్నారు. అంటే ఈ రెండు విడతల్లో 11వేలకు పైగా సీట్లు నిండిపోయాయి. ఈ సారి మొదటి విడతలోనే 9వేలకు పైగా సీట్లు భర్తీ అయ్యాయి. అంటే ఈ సారి 81.85 శాతం సీట్లను మహిళలే దక్కించుకున్నారు. కాగా జాతీయ విద్యా విధానంలో భాగంగా 2026-27 విద్యా సంవత్సరం నుంచి దేశవ్యాప్తంగా ఏడాది కాలపరిమితి గల బీఈడీ కోర్సును పున ప్రారంభించేందుకు జాతీయ ఉపాధ్యాయ విద్యా మండలి ఆమోదం తెలిపిన సంగతి తెలిసిందే. మాస్టర్స్ డిగ్రీ లేదా నాలుగేళ్ల అండర్ గ్రాడ్యుయేట్ డిగ్రీ పూర్తి చేసిన అభ్యర్థులు ఈ కోర్సుకు అర్హులు అవుతారు. సాధారణ మూడేళ్ల డిగ్రీ చదివిన వారికి ప్రస్తుతం ఉన్న రెండేళ్ల బీఈడీ కోర్సు యథాతథంగా కొనసాగనుంది. కాగా ఈ నూతన కోర్సుపై అభ్యర్థుల్లో భారీగా ఆసక్తి నెలకొంది

ఆంధ్రప్రదేశ్‌ డిప్లమా ఇన్‌ ఎలిమెంటరీ ఎడ్యుకేషన్‌ కామన్‌ ఎంట్రెన్స్‌ టెస్ట్‌ (ఏపీడీఈఈసెట్‌)లో అర్హత సాధించిన అభ్యర్థులకు నేటి నుంచి రెండో విడత కౌన్సెలింగ్‌ నిర్వహిస్తున్నట్టు రాష్ట్ర కన్వీనర్‌, పాఠశాల విద్య సంయుక్త సంచాలకులు వెల్లడించారు. గుంటూరు: ఆంధ్రప్రదేశ్‌ డిప్లమా ఇన్‌ ఎలిమెంటరీ ఎడ్యుకేషన్‌ కామన్‌ ఎంట్రెన్స్‌ టెస్ట్‌ (ఏపీడీఈఈసెట్‌)లో అర్హత సాధించిన అభ్యర్థులకు ఈ నెల 13 నుంచి 16వ తేదీ వరకు రెండో విడత కౌన్సెలింగ్‌ నిర్వహిస్తున్నట్టు రాష్ట్ర కన్వీనర్‌, పాఠశాల విద్య సంయుక్త సంచాలకులు (గుంటూరు) బి.లింగేశ్వర రెడ్డి బుధవారం ఒక ప్రకటనలో తెలిపారు. రాష్ట్రంలోని ప్రభుత్వ, ప్రైవేటు డీఈడీ కళాశాలలో మిగిలిపోయిన సీట్ల భర్తీ కోసం కౌన్సెలింగ్‌ నిర్వహిస్తున్నామని వివరించారు. వెబ్‌ ఆప్షన్‌లో నమోదు చేసుకున్న అభ్యర్థులకు 17 నుంచి 20 లోపు సీట్లు కేటాయిస్తామని తెలిపారు. సీట్లు పొందిన అభ్యర్థులు ఈ నెల 21 నుంచి 24 తేదీ వరకు సంబంధిత డైట్‌ కళాశాలలో ఒరిజినల్‌ సర్టిఫికెట్లు సమర్పించి అడ్మిషన్‌ లెటర్‌ తీసుకోవాలని సూచించారు. డీఈడీ మొదటి సంవత్సరం తరగతులు ఈ నెల 27 నుంచి ప్రారంభం కానున్నట్టు వివరించారు

కోర్‌ కంటే ఏఐఎంఎల్‌కే డిమాండ్‌ సీఎ్‌సఈలో 70, సీఎస్‌ఈ-ఏఐలో 84% భర్తీ ఈసీఈలో 18,286, మెకానికల్‌లో 4,865 సీఎస్‌ఈ, అనుబంధ కోర్సుల్లో 60,757 సీట్లు భర్తీ ఐదు బ్రాంచ్‌ల్లో నిండిన సీట్లు పది లోపే అమరావతి, ఆగస్టు 11(ఆంధ్రజ్యోతి): ఇంజనీరింగ్‌ విద్యలో ట్రెండ్‌ మారుతోంది. గతేడాది వరకు కోర్‌ కంప్యూటర్‌ సైన్స్‌ ఇంజనీరింగ్‌కు డిమాండ్‌ ఉంటే ఈ ఏడాది అనూహ్యంగా సీఎ్‌సఈ-ఆర్టిఫిషియల్‌ ఇంటెలిజెన్స్‌ అండ్‌ మెషీన్‌ లెర్నింగ్‌(ఏఐఎంఎల్‌)వైపు విద్యార్థులు మొగ్గు చూపుతున్నారు. ఆదివారం ఈఏపీసెట్‌ అడ్మిషన్ల తొలిదశ కౌన్సెలింగ్‌ పూర్తిచేసిన ఉన్నత విద్యాశాఖ.. విద్యార్థులకు సీట్లు కేటాయించింది. రాష్ట్రవ్యాప్తంగా 247 కాలేజీల్లో 1,51,312 సీట్లు కన్వీనర్‌ కోటాలో ఉండగా 1,07,239 సీట్లు భర్తీ అయ్యాయి. 44,073 సీట్లు మిగిలిపోయాయి. దీనిలో సీఎస్‌ఈ కోర్‌లో 44,883 సీట్లు అందుబాటులో ఉండగా 31,416 (69.99శాతం)సీట్లు భర్తీ అయ్యాయి. సీఎ్‌సఈ-ఏఐఎంఎల్‌లో 18,873 సీట్లకుగాను 15,819(83.81శాతం) సీట్లలో విద్యార్థులు చేరారు. సాధారణంగా విద్యార్థులు సీఎ్‌సఈ కోర్‌ బ్రాంచ్‌కే మొగ్గుచూపుతారు. కానీ, ఈసారి మారుతున్న టెక్నాలజీకి అనుగుణంగా ఏఐఎంల్‌కు ఎక్కువ ఆసక్తి చూపినట్లు అర్థమవుతోంది. అలాగే, సీఎ్‌సఈ-ఏఐ అండ్‌ డేటా సైన్స్‌లో 2,339 సీట్లకుగాను 1,917(81.85శాతం) సీట్లు భర్తీ అయ్యాయి. ఐటీలో 3,219 సీట్లు ఉంటే 2,553(79శాతం) నిండాయి. సీఎ్‌సఈ కాకుండా కేవలం ఏఐఎంఎల్‌ సీట్లు 6,309 ఉంటే 4,782(75శాతం) భర్తీ అయ్యాయి. ఇంజనీరింగ్‌లో సీఎ్‌సఈ తర్వాత ఎక్కువ డిమాండ్‌ ఉండే ఈసీఈలో సీట్లు మెరుగ్గానే నిండాయి. ఆ కోర్సులో 24,577 సీట్లు ఉంటే 18,286(74శాతం) సీట్లు విద్యార్థులకు కేటాయించారు. మెకానికల్‌ ఇంజనీరింగ్‌లో 7,388 సీట్లకుగాను 4,865(66శాతం) భర్తీ అయ్యాయి. సీఎస్‌ఈ డేటాసైన్స్‌లో 65శాతం, ఈఈఈలో 62శాతం, సివిల్‌లో 60శాతం, ఏఐ అండ్‌ డేటా సైన్స్‌లో 58శాతం, సీఎ్‌సఈ ఏఐలో 54శాతం సీట్లు భర్తీ అయ్యాయి. ప్లానింగ్‌, ఐటీ అండ్‌ ఇంజనీరింగ్‌, సీఎస్‌ స్పెషల్‌ ఇన్‌ ఐఓటీ అండ్‌ ఆటోమేషిన్‌, కంప్యూటర్‌ సైన్స్‌ అండ్‌ టెక్నాలజీ, ఫెసిలిటీస్‌ అండ్‌ సర్వీసెస్‌ ప్లానింగ్‌

TN Assembly Anti NEET Resolution : దేశవ్యాప్తంగా వైద్య కోర్సుల్లో ప్రవేశాల కోసం నిర్వహించే 'నీట్' ప్రవేశ పరీక్షపై తమిళనాడు ప్రభుత్వం మరోసారి తీవ్ర నిరసన స్వరం వినిపించింది. జాతీయ స్థాయి నీట్ పరీక్షను రద్దు చేయాలని డిమాండ్ చేస్తూ.. ముఖ్యమంత్రి విజయ్ నేతృత్వంలోని టీవీకే ప్రభుత్వం రాష్ట్ర శాసనసభలో సంచలన తీర్మానాన్ని ప్రవేశ పెట్టింది. రాష్ట్ర ఆరోగ్య శాఖ మంత్రి కె. అరుణ్‌రాజ్ మంగళవారం ఈ ప్రతిపాదిత తీర్మానాన్ని సభ ముందుకు తీసుకువచ్చారు. అయితే ఈ తీర్మానానికి ప్రధాన ప్రతిపక్షాలైన డీఎంకే, ఏఐఏడీఎంకేలతో పాటు టీవీకే మిత్రపక్షాలు సైతం పరిపూర్ణ మద్దతు ప్రకటించాయి. అయితే ఈ అంశంపై నిరసన తెలుపుతూ భారతీయ జనతా పార్టీ సభ్యులు మాత్రం అసెంబ్లీ నుంచి వాకౌట్ చేయడం గమనార్హం.కోచింగ్ సెంటర్ల వ్యాపారీకరణ.. పేద విద్యార్థులకు అన్యాయం!అసెంబ్లీలో తీర్మానాన్ని ప్రవేశ పెట్టిన సందర్భంగా ఆరోగ్య శాఖ మంత్రి కె. అరుణ్‌రాజ్ ప్రసంగిస్తూ నీట్ విధానం వల్ల కలుగుతున్న నష్టాలను ఎండగట్టారు. నీట్ పరీక్ష ప్రవేశ పెట్టిన నాటి నుంచి విద్యార్థుల దృష్టంతా సాధారణ చదువుల నుంచి ప్రైవేట్ కోచింగ్ సెంటర్ల వైపు మళ్లిందని ఆయన ఆవేదన వ్యక్తం చేశారు. విపరీతంగా ఫీజులు వసూలు చేసే కోచింగ్ సంస్థలు గల్లీ గల్లీకీ పెరిగిపోయాయని పేర్కొన్నారు. ఈ పరిస్థితి వల్ల గ్రామీణ ప్రాంతాలకు చెందిన, సామాజికంగా, ఆర్థికంగా వెనుకబడిన వర్గాల విద్యార్థులు వైద్య విద్య అవకాశాలను తీవ్రంగా కోల్పోతున్నారని విచారం వ్యక్తం చేశారు. నీట్ విధానం అనేది సామాజిక న్యాయం, సమానత్వం, రాష్ట్రాల రాజ్యాంగబద్ధ హక్కులకు సంపూర్ణంగా వ్యతిరేకమని.. ఈ విషయంలో తమిళనాడులో ఏ ప్రభుత్వం ఉన్నా ఇదే వైఖరితో పోరాడుతోందని మంత్రి గుర్తుచేశారు.ప్లస్ టు మార్కుల ఆధారంగానే మెడికల్ సీట్లు!రాష్ట్రంలోని విద్యార్థుల ప్రయోజనాలను కాపాడేందుకు 12వ తరగతి మార్కుల ఆధారంగానే వైద్య కోర్సుల్లో ప్రవేశాలు కల్పించాలని విజయ్ నేతృత్వంలోని ప్రభుత్వం కేంద్రానికి విజ్ఞప్తి చేసింది. గతంలో పాలించిన డీఎంకే

దేశవ్యాప్తంగా వైద్య విద్యా కోర్సుల్లో ప్రవేశాల కోసం నిర్వహిస్తున్న నీట్ ను రద్దు చేయాలని డిమాండ్ చేస్తూ తమిళనాడు శాసనసభ మంగళవారం ఓ తీర్మానాన్ని ఆమోదించింది. కేంద్ర ప్రభుత్వం వెంటనే ఈ ప్రవేశ పరీక్షను రద్దు చేయాలని కోరింది. అధికార కూటమితో పాటు ప్రతిపక్షాలు కూడా ఈ తీర్మానానికి పూర్తి మద్దతును తెలియజేశాయి. డీఎంకే, ఏఐఏడీఎంకే, వామపక్షాలు, పీఎంకే సభ్యులు ఈ తీర్మానానికి సానుకూలంగా ఓటు వేశారు. బీజేపీ ఎమ్మెల్యే మాత్రం వాకౌట్ చేశారు.ఈ తీర్మానాన్ని వైద్య, ఆరోగ్య శాఖ మంత్రి కేజీ అరుణ్‌రాజ్ సభలో ప్రవేశపెట్టారు. ఈ సందర్భంగా పలు అభ్యంతరాలను లేవనెత్తారు. ప్రస్తుతం అమలులో ఉన్న నీట్ పరీక్ష విధానం సామాజిక న్యాయానికి, సమానత్వానికి భంగం కలిగించేదిగా ఉందని పేర్కొన్నారు. రాష్ట్రాల విద్యా హక్కులను కాలరాస్తోందని ఆరోపించారు. గ్రామీణ ప్రాంతాలకు చెందిన పేద, సామాజికంగా వెనుకబడిన తరగతుల విద్యార్థులు వైద్య విద్యను అభ్యసించే సువర్ణ అవకాశాలను నీట్.. పూర్తిగా దెబ్బతీస్తోందని ఆవేదన వ్యక్తం చేశారు.వైద్య విద్య ప్రవేశాల కోసం ఒక్క రోజులో రాసే పరీక్ష ఆధారంగా విద్యార్థుల భవిష్యత్, వారి అర్హతలను నిర్ణయించడం ఎంత మాత్రమూ సరైన పద్ధతి కాదని మంత్రి అరుణ్ రాజ్ స్పష్టం చేశారు. 12 సంవత్సరాల పాటు పాఠశాలల్లో విద్యార్థులు పడ్డ కష్టాన్ని ఈ విధానం పూర్తిగా తుడిచిపెట్టేస్తోందని అన్నారు. నీట్ ఆధారంగా మాత్రమే అడ్మిషన్లు ఇవ్వడం వల్ల విద్యార్థులు పాఠశాల చదువులపై శ్రద్ధ తగ్గించి, కోచింగ్ సెంటర్ల చుట్టూ తిరగాల్సిన దుస్థితి ఏర్పడిందని ఆయన ఆవేదన వ్యక్తం చేశారు.గురువాయురప్పా.. ఒక్కరోజే 377 పెళ్లిళ్లా: ఆ ముహూర్తం మళ్లీ రాదునీట్ పరీక్ష ప్రవేశపెట్టిన తర్వాత దేశవ్యాప్తంగా ప్రైవేటు కోచింగ్ సెంటర్లు విపరీతంగా పెరిగిపోయాయని, అవి అడ్డగోలుగా ఫీజులు వసూలు చేస్తూ విద్యార్థులను, తల్లిదండ్రులను లూటీ చేస్తున్నాయని అరుణ్ రాజ్ ఈ తీర్మానంలో ఆరోపించారు. సాధారణ, మధ్యతరగతి కుటుంబాలకు ఈ ఖర్చులు భారం కావడంతో ప్రతిభ ఉన్నా పేద

AP EAPCET 2026 Seat Allotment: ఆంధ్రప్రదేశ్‌లో EAPCET 2026 (ఎంసెట్) కౌన్సెలింగ్‌కు సంబంధించిన తొలి దశ సీట్ల కేటాయింపు ప్రక్రియ పూర్తయింది. ఈ మేరకు అధికారులు ఫలితాలను విడుదల చేశారు. కౌన్సెలింగ్‌లో పాల్గొన్న అభ్యర్థులు అధికారిక AP EAPCET Website ద్వారా తమ అలాట్‌మెంట్‌ వివరాలను సులభంగా చెక్ చేసుకోవచ్చు. మెరిట్ ర్యాంక్, వెబ్ ఆప్షన్లు, రిజర్వేషన్ నిబంధనల ఆధారంగా ఈ సీట్లు కేటాయించబడ్డాయి. సీట్లు పొందిన విద్యార్థులు నిర్దేశిత గడువులోగా తగిన ప్రక్రియను పూర్తి చేయాలని అధికారులు స్పష్టం చేశారు. విద్యార్థులు ఆన్‌లైన్ సెల్ఫ్‌ రిపోర్టింగ్‌తో పాటు కేటాయించిన కాలేజీలో నేరుగా ఫిజికల్ రిపోర్టింగ్‌ చేయడం తప్పనిసరి. ఈ రిపోర్టింగ్‌ ప్రక్రియకు సంబంధించిన పూర్తి వివరాలను అభ్యర్థులు AP SCHE Portal ద్వారా తెలుసుకోవచ్చు. ఫలితాలు చెక్ చేసుకునే విధానం.. 1) ముందుగా అధికారిక AP EAPCET Website ఓపెన్ చేయాలి. 2) హోమ్‌పేజీలో ఉండే 'Candidate Login' ఆప్షన్‌ను ఎంచుకోవాలి. 3) లాగిన్ వివరాలు నమోదు చేసి సబ్మిట్ చేయాలి. 4) స్క్రీన్‌పై కనిపించే సీట్ల కేటాయింపు ఫలితాన్ని పరిశీలించి, అలాట్‌మెంట్ ఆర్డర్‌ను డౌన్‌లోడ్ చేసుకోవాలి. ముఖ్యమైన తేదీలు, నిబంధనలు.. సీటు పొందిన అభ్యర్థులు ఆన్‌లైన్, ఫిజికల్ రిపోర్టింగ్‌లను పూర్తి చేయాలి. ఈ ప్రక్రియకు సంబంధించి విద్యార్థులు Andhra Pradesh State Council of Higher Education సూచనలను పాటించవలసి ఉంటుంది. ఒకవేళ గడువులోగా ఈ రెండు విధానాలను పూర్తి చేయకపోతే కేటాయించిన సీటు రద్దు కానుంది. అంతేకాకుండా, తదుపరి విడత కౌన్సెలింగ్‌లో పాల్గొనే అవకాశం కూడా కోల్పోవాల్సి వస్తుంది. తొలి దశలో సీట్లు సాధించిన విద్యార్థులకు తరగతులు ప్రారంభమయ్యాయి. కాబట్టి విద్యార్థులు ఎలాంటి ఆలస్యం చేయకుండా వెంటనే రిపోర్టింగ్‌ ప్రక్రియను పూర్తి చేయాలని అధికారులు సూచిస్తున్నారు. పరీక్షల నిర్వహణ, కౌన్సెలింగ్, ఇతర అధికారిక సమాచారం కోసం విద్యార్థులు ఎల్లప్పుడూ AP EAPCET Official Portalను మాత్రమే సందర్శించాలి. సోషల్