Jailar 2 : కాంట్రవర్సీ టెన్షన్.. జైలర్-2పై పొలిటికల్ ఎఫెక్ట్.!

Jailar 2 : సూపర్‌ స్టార్ రజనీకాంత్ హీరోగా తెరకెక్కుతున్న జైలర్-2పై ఆసక్తికరమైన గాసిప్ ఇండస్ట్రీలో వినిపిస్తోంది. 2026 అక్టోబర్ 15న ప్రేక్షకుల ముందుకు రానున్న ఈ సినిమాకు దర్శకుడు నెల్సన్ దిలీప్‌కుమార్ కొన్ని కీలక మార్పులు చేస్తున్నట్లు టాక్.

తమిళనాడులో మారుతున్న రాజకీయ పరిస్థితులను దృష్టిలో పెట్టుకుని, భవిష్యత్‌లో ఎలాంటి వివాదాలు తలెత్తకుండా కొన్ని సన్నివేశాలను తొలగించి, అవసరమైన చోట కొత్తగా సన్నివేశాలను చిత్రీకరించినట్లు ప్రచారం జరుగుతోంది. అయితే జైలర్-2లో అసలు ఏ సన్నివేశాలను తొలగించారు.? ఏ సీన్లను రీ-షూట్ చేశారు.? వాటి వెనుక ఉన్న కారణం ఏంటన్నది మాత్రం పూర్తిగా సీక్రెట్‌గా ఉంచుతున్నారట.

జైలర్‌-2లో పొలిటికల్ అంశాలు ఉన్నాయా లేవా దానిపై కూడా క్లారిటీ లేదు. రజనీకాంత్ ఇమేజ్, తమిళనాడు రాజకీయాలపై ఉన్న ఆసక్తి నేపథ్యంలో చిన్న సన్నివేశం కూడా పెద్ద చర్చకు దారితీసే అవకాశం ఉండటంతోనే నెల్సన్ ఈ మార్పులు చేస్తున్నారనే గుసగుసలు వినిపిస్తున్నాయి. అయితే ఇవన్నీ ప్రస్తుతం ఇండస్ట్రీ వర్గాల్లో వినిపిస్తున్న వార్తలు మాత్రమే.. మేకర్స్ నుంచి అధికారికంగా ఎలాంటి ప్రకటన రాలేదు.

Raashii Khanna : బ్లాక్ డ్రెస్‌లో రాఖి ఖ‌న్నా మెరుపులు.. క్యూట్ ఫోటోలు..