నందమూరి బాలకృష్ణ, స్టార్ డైరెక్టర్ కొరటాల శివ కాంబినేషన్లో పట్టాలెక్కనున్న భారీ యాక్షన్ చిత్రం (NBK 112) నిలిచిపోయిందంటూ సోషల్ మీడియాలో జరుగుతున్న ప్రచారాన్ని చిత్ర బృందం ఖండించింది. ఈ వార్తల్లో ఏమాత్రం వాస్తవం లేదని, అవన్నీ కేవలం నిరాధారమైన వదంతులేనని స్పష్టం చేసింది. అభిమానులు ఇలాంటి అసత్య ప్రచారాలను నమ్మవద్దని కోరింది.ప్రస్తుతం బాలకృష్ణ, దర్శకుడు గోపీచంద్ మలినేని కాంబినేషన్లో వస్తున్న ‘NBK 111’ షూటింగ్లో బిజీగా ఉన్నారు. ఈ చిత్రానికి సంబంధించిన తన భాగాన్ని పూర్తి చేసిన వెంటనే, కొరటాల శివ ప్రాజెక్ట్ సెట్స్పైకి వెళ్తుందని చిత్ర యూనిట్ వెల్లడించింది. ఈ సినిమా ఆగిపోలేదని, ముందస్తు ప్రణాళిక ప్రకారమే షూటింగ్ ప్రారంభమవుతుందని స్పష్టతనిచ్చింది.ఈ చిత్రాన్ని జూన్ 25న అమరావతిలో పూజా కార్యక్రమాలతో అట్టహాసంగా ప్రారంభించిన సంగతి తెలిసిందే. ఈ వేడుకకు మంత్రి నారా లోకేశ్ ముఖ్య అతిథిగా హాజరై ముహూర్తపు సన్నివేశానికి క్లాప్ కొట్టారు. సుమారు రూ. 150 కోట్ల భారీ బడ్జెట్తో తెరకెక్కుతున్న ఈ ప్రాజెక్ట్పై వస్తున్న ఊహాగానాలకు తాజా వివరణతో తెరపడింది.
