తెలుగు ఫిల్మ్ అండ్ టీవీ డ్యాన్సర్స్, డ్యాన్స్ డైరెక్టర్స్ అసోసియేషన్ ( TFTDDA ) నూతన కార్యవర్గ సభ్యుల ప్రమాణ స్వీకార మహోత్సవం హైదరాబాద్లో మంగళవారం ఘనంగా జరిగింది. అసోసియేషన్ నూతన అధ్యక్షురాలు సుమలత నేతృత్వంలో నిర్వహించిన ఈ వేడుకకు సినీ, టీవీ రంగానికి చెందిన ప్రముఖ కొరియోగ్రాఫర్లు, డ్యాన్సర్లు, యూనియన్ నాయకులు, ప్రముఖ నిర్మాత, పీపుల్ మీడియా ఫ్యాక్టరీ అధినేత టీజీ విశ్వప్రసాద్, నటుడు తాగుబోతు రమేష్ తదితరులు హాజరయ్యారు. ఈ సందర్భంగా TFTDDA అభివృద్ధికి పునాది వేసిన వ్యవస్థాపకుల సేవలను సభ ప్రత్యేకంగా గుర్తుచేసుకుంది. వ్యవస్థాపక అధ్యక్షులు ముక్కురాజు మాస్టర్, వ్యవస్థాపక ప్రధాన కార్యదర్శి సోమరాజు, వ్యవస్థాపక కోశాధికారి ఎల్. వెంకటేశ్వరరావు అందించిన సేవలు, మార్గదర్శకత్వాన్ని సభ్యులు స్మరించుకున్నారు. అనంతరం అసోసియేషన్ అధ్యక్షురాలు సుమలత మాట్లాడుతూ... నిబంధనలు, బైలా ప్రకారమే నూతన కార్యవర్గాన్ని పారదర్శకంగా ఎన్నుకున్నామని, సభ్యులందరి సంక్షేమానికి తాము కట్టుబడి ఉంటామని వెల్లడించారు.చిరంజీవి, రామ్ చరణ్లకు కృతజ్ఞతలుఅసోసియేషన్ ప్రధాన కార్యదర్శి జి. బాలకృష్ణ మాట్లాడుతూ.. మెగాస్టార్ చిరంజీవికి తమ అసోసియేషన్ వ్యతిరేకమంటూ గతంలో ప్రచారంలోకి వచ్చిన వార్తల్లో ఎలాంటి నిజం లేదని తేల్చిచెప్పారు. తమ యూనియన్ సభ్యుల హెల్త్ ఇన్సూరెన్స్ కోసం ఆర్థికంగా కొండంత అండగా నిలిచిన మెగాస్టార్ చిరంజీవికి, గ్లోబల్ స్టార్ రామ్ చరణ్కు ఆయన ప్రత్యేక ధన్యవాదాలు తెలిపారు. వారి ఉదారత, సహాయాన్ని యూనియన్ సభ్యులందరూ జీవితాంతం గుర్తుంచుకుంటారని పేర్కొన్నారు. ప్రైవేట్ హెల్త్ ఇన్సూరెన్స్ ద్వారా ప్రతి సభ్యుడి కుటుంబానికి భద్రత కల్పించడమే తమ నూతన కార్యవర్గం ప్రథమ కర్తవ్యమని స్పష్టం చేశారు. అలాగే, అసోసియేషన్ స్థాపకులు ముక్కురాజు మాస్టర్, సోమరాజు, ఎల్. వెంకటేశ్వరరావు అందించిన సేవామార్గదర్శకాలను ఈ సందర్భంగా స్మరించుకున్నారు.* టికెట్ రేట్లు తగ్గితేనే థియేటర్లు హౌస్ఫుల్... నిర్మాతలకు కనువిప్పు కలిగించిన ప్రేక్షకుడు జానీ మాస్టర్ క్షమాపణలుఈ కార్యక్రమంలో ప్రముఖ కొరియోగ్రాఫర్ షేక్ జానీ బాషా (జానీ మాస్టర్) పాల్గొని నూతన కార్యవర్గానికి శుభాకాంక్షలు తెలిపారు. అయితే ఈ వేదికగా జానీ మాస్టర్ చేసిన వ్యాఖ్యలు హాట్ టాపిక్గా మారాయి. గతంలో ఫిల్మ్ ఛాంబర్ , ఫెడరేషన్తో ఏర్పడిన వివాదాలు, విభేదాల పట్ల జానీ మాస్టర్ బహిరంగంగా క్షమాపణలు తెలిపారు. "గతంలో జరిగిన కొన్ని పొరపాట్లను పక్కనపెట్టి మనం మళ్లీ ప్రజాస్వామ్యయుతంగా ఎన్నికలకు వెళ్ళాం. నేను కొంతకాలం అసోసియేషన్కు దూరంగా ఉన్నప్పటికీ, మళ్లీ అందరితో కలిసి పనిచేయడానికి వచ్చాను. ఇకపై మనమంతా ఒకే కుటుంబంలా ముందుకు సాగాలి" అని ఆయన పిలుపునిచ్చారు. ఫిల్మ్ ఛాంబర్, నిర్మాతల మండలి, సినీ పరిశ్రమలోని అన్ని విభాగాలు డ్యాన్సర్ల అసోసియేషన్ను కలుపుకొని ప్రోత్సహించాలని కోరారు.* రితికా గ్లామర్కు మెగాస్టార్ ఫిదా‘తండ్రి కోప్పడినా చివరికి పిల్లలను దగ్గరకు తీసుకుంటాడు. అలాగే ఇండస్ట్రీ పెద్దలు డ్యాన్సర్ల అసోసియేషన్ను ఆదరించాలి. నిర్మాతలు ఇచ్చే పారితోషికం డ్యాన్సర్లకు పూర్తిగా అందడం లేదనే ఆవేదనతోనే నేను గతంలో మాట్లాడాను. ఇదే విషయంపై మెగాస్టార్ చిరంజీవి గారితో మాట్లాడినప్పుడు, ఆయన ఎంతో సానుకూలంగా స్పందించి సమస్యను సామరస్యపూర్వకంగా పరిష్కరించుకోవాలని సూచించారు. ఆ క్రమంలో తెలిసీ తెలియక ఏవైనా తప్పిదాలు జరిగి ఉంటే, నేనేమైనా తప్పుగా మాట్లాడి ఉంటే పెద్ద మనసుతో నన్ను క్షమించండి’ అంటూ జానీ మాస్టర్ ఆవేదనతో వేడుకున్నారు. గత విభేదాలను మర్చిపోయి, నూతన కార్యవర్గం నాయకత్వంలో డ్యాన్స్ కళాకారుల సంక్షేమం కోసం అందరూ ఐక్యంగా ముందడుగు వేయాలని ఆయన పిలుపునిచ్చారు.పీపుల్స్ మీడియా అధినేత టీజీ విశ్వ ప్రసాద్ మాట్లాడుతూ... తమ నిర్మాణ సంస్థ నుంచి తెలుగు డ్యాన్సర్లకు నేరుగా అవకాశాలు కల్పిస్తామని హామీ ఇచ్చారు. తమ సంస్థలో దళారుల ద్వారా కాకుండా కళాకారులకు నేరుగా చెల్లింపులు చేస్తున్నామని తెలిపారు. నటుడు తాగుబోతు రమేష్ మాట్లాడుతూ.. నూతన కార్యవర్గానికి అభినందనలు తెలిపారు. యూనియన్ సభ్యుల సంక్షేమం కోసం నూతన కార్యవర్గం సమష్టిగా పనిచేయాలని ఆకాంక్షించారు. డ్యాన్స్ కళాకారులు, డ్యాన్స్ డైరెక్టర్లు, టీవీ, సినీ రంగానికి చెందిన డ్యాన్సర్ల సంక్షేమం కోసం TFTDDA నిరంతరం కృషి చేస్తోందని ప్రతినిధులు తెలిపారు. సభ్యుల సమస్యల పరిష్కారం, హక్కుల పరిరక్షణ, సంక్షేమ కార్యక్రమాలకు నూతన కార్యవర్గం ప్రాధాన్యత ఇస్తుందని పేర్కొన్నారు. తెలుగు సినీ, టీవీ రంగంలో డ్యాన్స్ కళాకారుల పాత్రకు మరింత గుర్తింపు తీసుకురావడంతో పాటు, వారి సమస్యల పరిష్కారం, సంక్షేమం, హక్కుల పరిరక్షణ కోసం సమష్టిగా పనిచేయాలని నూతన కార్యవర్గం సంకల్పించింది.
