దిల్లీ: భారత్‌-యూకే స్వేచ్ఛా వాణిజ్య ఒప్పందంలోని ‘టారిఫ్‌ రేట్‌ కోటా’ నిబంధనల ప్రకారం, ఈ ఏడాది మిగిలిన కాలంలో బ్రిటన్‌ నుంచి 642 కార్లు దిగుమతి చేసుకునేందుకు 7 కంపెనీల దరఖాస్తులకు వాణిజ్య మంత్రిత్వ శాఖ విభాగమైన విదేశీ వాణిజ్య డైరెక్టరేట్‌ జనరల్‌ (డీజీఎఫ్‌టీ) ఆమోదం తెలిపింది. ఒప్పందంలోని సుంకం రాయితీ నిబంధనల కింద, పూర్తిగా తయారైన ప్రయాణికుల కార్లు, సరుకు రవాణా వాహనాల కోసం 2026 నాటి దిగుమతి కోటా కేటాయించేందుకు డీజీఎఫ్‌టీ జులైలో దరఖాస్తులు ఆహ్వానించింది. సుమారు 5,000 వాహనాల కోసం ఈ దరఖాస్తులు అందాయి. ‘డైరెక్టరేట్‌కు 8 కంపెనీల నుంచి దరఖాస్తులు అందాయి. వాటిలో ఏడు దరఖాస్తులను ఆమోదించాం. 642 కార్లకు కోటా మంజూరు చేశామ’ని డీజీఎఫ్‌టీ అధికారి వెల్లడించారు. .నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
