తెలంగాణ రాష్ట్రంలో రాజకీయాలు వేడెక్కుతున్నాయి. టీపీసీసీ అధ్యక్షుడు మహేశ్ కుమార్ గౌడ్, బీఆర్ఎస్ అధినేత కేసీఆర్పై తీవ్ర విమర్శలు గుప్పించారు. కేసీఆర్ దళితులను మ తెలంగాణ రాష్ట్రంలో రాజకీయాలు వేడెక్కుతున్నాయి. టీపీసీసీ అధ్యక్షుడు మహేశ్ కుమార్ గౌడ్, బీఆర్ఎస్ అధినేత కేసీఆర్పై తీవ్ర విమర్శలు గుప్పించారు. కేసీఆర్ దళితులను ముఖ్యమంత్రిగా చేస్తానని చెప్పి, మాట తప్పారని ఆయన ఆరోపించారు. దళిత సమాజం ఆయనను ఎప్పటికీ క్షమించదని గౌడ్ స్పష్టం చేశారు. ఓట్ల కోసం కేసీఆర్ దళిత కార్డును ఉపయోగిస్తున్నారని ఆయన విమర్శించారు. ఈ సందర్భంగా, తెలంగాణ భవన్లో మీడియాతో మాట్లాడుతూ, 2003లో బీఆర్ఎస్ దళితుల కోసం రూపొందించిన డాక్యుమెంట్ను ఎందుకు అమలు చేయలేదని ప్రశ్నించారు. దళితులకు మూడెకరాల భూమి, దళిత బంధు పథకాలను ఎందుకు పట్టించుకోలేదని ఆయన నిలదీశారు. అంబేద్కర్ విగ్రహాలను ఏర్పాటు చేయడం మాత్రమే కాకుండా, ఆయన సూచనలను పాటించాలని గౌడ్ హితవు పలికారు. దళితుల గురించి మాట్లాడే హక్కు కేసీఆర్కు లేదని ఆయన స్పష్టం చేశారు. దళితుల నడిచిన నేలను శుద్ధి చేసిన బీఆర్ఎస్ నేతలపై గౌడ్ మండిపడ్డారు. "నేలను కాదు.. మీ బుర్రను శుద్ధి చేయాలి" అంటూ ఆయన ఘాటు వ్యాఖ్యలు చేశారు. మహేశ్ కుమార్ గౌడ్, మాక్ అసెంబ్లీలో బీఆర్ఎస్ నేతలు బీసీ నేతకు ముఖ్యమంత్రి పదవి ఇచ్చారని గుర్తుచేశారు. కేసీఆర్కు నిజంగా చిత్తశుద్ధి ఉంటే, మాజీ మంత్రి తలసాని శ్రీనివాస్ యాదవ్ను ప్రతిపక్ష నేతగా చేయాలని సవాల్ విసిరారు. కేసీఆర్ అసెంబ్లీకి రావడం లేదని, తలసానికి ప్రతిపక్ష నేత హోదా ఇవ్వాలని డిమాండ్ చేశారు. బీసీ నేతకు ఆ హోదా ఇస్తే, సస్పెన్షన్ ఎత్తివేసే అంశాన్ని పరిశీలిస్తామని గౌడ్ తెలిపారు. ఈ సమయంలో, మంత్రి కొండా సురేఖను కాంగ్రెస్ హైకమాండ్ ఢిల్లీకి పిలిచిందన్న వార్తలపై తమకు ఎలాంటి సమాచారం లేదని గౌడ్ చెప్పారు. ప్రభుత్వ ఆస్తులను ఎవరైనా కబ్జా చేసి ఉంటే, ఆ వ్యవహారాలు బయటకు రావాల్సిందేనని ఆయన అన్నారు.
