భారతీయ భాషల ప్రోత్సాహానికి సంబంధించి కేంద్ర హోంమంత్రి అమిత్ షా ఒక ముఖ్యమైన ప్రకటన చేశారు. ఆయన మాట్లాడుతూ, విద్యార్థులు తమ మాతృభాష ద్వారా మాత్రమే తమ దేశాన్ని పూర భారతీయ భాషల ప్రోత్సాహానికి సంబంధించి కేంద్ర హోంమంత్రి అమిత్ షా ఒక ముఖ్యమైన ప్రకటన చేశారు. ఆయన మాట్లాడుతూ, విద్యార్థులు తమ మాతృభాష ద్వారా మాత్రమే తమ దేశాన్ని పూర్తిగా అర్థం చేసుకోగలరని స్పష్టం చేశారు. నవీ ముంబయిలో జరిగిన 6వ అఖిల భారత రాజభాష సమ్మేళనంలో ఆయన ఈ వ్యాఖ్యలు చేశారు. నూతన జాతీయ విద్యా విధానం కింద ప్రాథమిక విద్యను మాతృభాషలో బోధించడం అనివార్యమని ఆయన పేర్కొన్నారు. ఈ విధానానికి వ్యతిరేకంగా ఉన్నవారు తమ చర్యలపై పునరాలోచన చేయాలని ఆయన సూచించారు. మాతృభాషలో విద్యను అందించడం ద్వారా విద్యార్థులు తమ సాంస్కృతిక వారసత్వాన్ని, చరిత్రను బాగా అర్థం చేసుకోవచ్చని ఆయన అభిప్రాయపడ్డారు. ఈ విధానం విద్యార్థుల వ్యక్తిత్వ వికాసానికి కూడా దోహదం చేస్తుందని ఆయన అన్నారు. అమిత్ షా మాట్లాడుతూ, దేశంలోని ఇతర భాషలకు హిందీ పోటీ కాదని, అన్ని భాషల మధ్య అవినాభావ సంబంధం ఉందని స్పష్టం చేశారు. వందేమాతరం గేయానికి పూర్వవైభవం తీసుకురావడానికి 80 ఏళ్లు పట్టిందని ఆయన తెలిపారు. వందేమాతరం కేవలం ఒక గేయం కాకుండా, స్వాతంత్ర్యం సాధించడానికి భారతీయులను మేల్కొల్పిన ఒక శక్తివంతమైన ప్రయత్నమని ఆయన వివరించారు. సాంస్కృతిక జాతీయవాదానికి బలమైన పునాది వేసిన ఈ గేయం ప్రజల్లో చైతన్యం తీసుకురావడమే లక్ష్యంగా ఉందని ఆయన చెప్పారు. ప్రధాని నరేంద్ర మోదీ వల్లే ఈ గేయానికి మళ్లీ పూర్వవైభవం దక్కిందని, ఇప్పుడు అన్ని ప్రభుత్వ కార్యక్రమాల్లో దాన్ని ఆలపించడం జరుగుతున్నదని ఆయన వెల్లడించారు.
