అక్కినేని అఖిల్ కథానాయకుడిగా నటించిన తాజా చిత్రం 'లెనిన్' బాక్సాఫీస్ వద్ద భారీ విజయాన్ని నమోదు చేసింది. గ్రామీణ ప్రతీకార యాక్షన్ డ్రామాగా తెరకెక్కిన ఈ సినిమాకు ప్రేక్షకుల నుంచి అద్భుతమైన స్పందన లభిస్తోంది. జూలై 10న విడుదలైన ఈ చిత్రం అన్ని వర్గాల వారిని ఆకట్టుకుంటూ విజయవంతంగా ప్రదర్శించబడుతోంది. ఈ నేపథ్యంలో చిత్ర దర్శకుడు మురళీ కిశోర్ అబ్బూరిపై ప్రశంసల వర్షం కురుస్తోంది. తాజాగా, చంద్రగిరి ఎమ్మెల్యే పులివర్తి నాని దర్శకుడు కిశోర్ను ప్రత్యేకంగా అభినందించారు.సినిమా ఘన విజయం సాధించినందుకు గాను పులివర్తి నాని, దర్శకుడు కిశోర్ అబ్బూరిని తన నివాసంలో శాలువాతో సత్కరించారు. ఒక మంచి చిత్రాన్ని తెలుగు ప్రేక్షకులకు అందించారని కొనియాడారు. ఈ భేటీకి సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.'లెనిన్' చిత్రంలో అఖిల్ అక్కినేని టైటిల్ రోల్లో కనిపించగా, ఆయన సరసన భాగ్యశ్రీ బోర్సే కథానాయికగా నటించింది. ఈశ్వరీరావు, ప్రమోద్ పంజు, శివాజీ, బ్రహ్మాజీ, సునీల్, గెటప్ శ్రీను, శత్రు, రాంకీ వంటి ప్రముఖ నటీనటులు కీలక పాత్రలలో అద్భుతమైన నటనను ప్రదర్శించారు. మురళీ కిశోర్ అబ్బూరి తన దర్శకత్వ ప్రతిభతో ఒక పక్కా కమర్షియల్ ఎంటర్టైనర్ను రూపొందించడంలో పూర్తిగా సఫలమయ్యారు.అన్నపూర్ణ స్టూడియోస్, సితార ఎంటర్టైన్మెంట్స్ పతాకాలపై అక్కినేని నాగార్జున, సూర్యదేవర నాగవంశీ ఈ చిత్రాన్ని ప్రతిష్ఠాత్మకంగా నిర్మించారు. తమన్ అందించిన సంగీతం, నేపథ్య సంగీతం సినిమా విజయంలో కీలక పాత్ర పోషించాయి. ముఖ్యంగా, జూనియర్ ఎన్టీఆర్ వాయిస్ ఓవర్ అందించడం సినిమాకు అదనపు ఆకర్షణగా నిలిచింది. విడుదలైన