ఆస్ట్రేలియాలోని మెల్బోర్న్ నగరంలో ఆంధ్రప్రదేశ్ నాన్-రెసిడెంట్ తెలుగు సొసైటీ (ఏపీఎన్ఆర్టీ) నూతన కో-ఆర్డినేటర్ల సమావేశం అత్యంత ఆత్మీయ, ఉత్సాహభరిత వాతావరణంలో జరిగింది. ఆంధ్రప్రదేశ్లో కొత్తగా ఏర్పడిన కూటమి ప్రభుత్వానికి సంపూర్ణ మద్దతు అందించాలని, రాష్ట్ర అభివృద్ధిలో క్రియాశీలక భాగస్వాములు కావాలని ఈ సమావేశంలో ప్రవాసాంధ్రులు ఏకగ్రీవంగా నిర్ణయించారు. రాష్ట్ర ప్రభుత్వానికి, ప్రవాసులకు మధ్య వారధులుగా పనిచేస్తామని వారు స్పష్టం చేశారు.ఈ సందర్భంగా, నూతనంగా బాధ్యతలు స్వీకరించిన కో-ఆర్డినేటర్లు అందరూ కలిసి కేక్ కట్ చేసి, ఒకరికొకరు శుభాకాంక్షలు తెలియజేసుకున్నారు. అనంతరం, పదవులు పొందిన ప్రతినిధులందరినీ శాలువాలతో ఘనంగా సత్కరించారు. తమకు ఈ కీలక బాధ్యతలు అప్పగించి, ప్రవాసాంధ్రుల సేవలో పాలుపంచుకునే అవకాశం కల్పించిన కూటమి ప్రభుత్వానికి వారు ప్రత్యేకంగా ధన్యవాదాలు తెలిపారు. తమపై ఉంచిన నమ్మకాన్ని నిలబెట్టుకుంటామని వారు పేర్కొన్నారు.ఈ సమావేశంలో పలు కీలక అంశాలపై సుదీర్ఘంగా చర్చించారు. రాష్ట్ర అభివృద్ధికి ఎన్ఆర్ఐల తరఫున ఏ విధంగా మద్దతు ఇవ్వాలనే దానిపై ప్రధానంగా దృష్టి సారించారు. కేవలం ఆర్థికంగానే కాకుండా, తమ నైపుణ్యాలు, అంతర్జాతీయ అనుభవాన్ని కూడా రాష్ట్ర ప్రగతికి అందించాలని నిర్ణయించారు. ప్రభుత్వం చేపట్టే ప్రజా సంక్షేమ, అభివృద్ధి కార్యక్రమాలను ప్రవాసాంధ్రుల్లోకి విస్తృతంగా తీసుకెళ్లి, వారిని చైతన్యవంతం చేయాలని తీర్మానించారు. రాష్ట్రంలో పెట్టుబడులకు ఉన్న అవకాశాలను, పారిశ్రామిక అనుకూల వాతావరణాన్ని ప్రపంచవ్యాప్తంగా ప్రచారం చేయడంలో తమ వంతు పాత్ర పోషిస్తామని కో-ఆర్డినేటర్లు స్పష్టం చేశారు. రాష్ట్ర ప్రగతికి శాయశక్తులా కృషి చేస్తామని వారు పునరుద్ఘాటించారు.ఈ విజయవంతమైన కార్యక్రమంలో ఏపీఎన్ఆర్టీ రీజినల్ కో-ఆర్డినేటర్ లగడపాటి సుబ్బారావు, ఎన్ఆర్ఐ