బాలీవుడ్ సీనియర్ నటుడు గోవింద, ఆయన భార్య సునీత అహుజా మధ్య జరుగుతున్న బహిరంగ మాటల యుద్ధంలో కీలక పరిణామం చోటుచేసుకుంది. ఈ వివాదంలో గోవిందకు మద్దతుగా ఆయన మాజీ సహనటి, పాకిస్థానీ నటి సోమీ అలీ ముందుకొచ్చారు. ఈ విషయంలో గోవిందకు అండగా నిలిచిన తొలి సహనటి ఈమే కావడం గమనార్హం.ఇటీవల గోవింద, నటి కోమల్తో కలిసి కనిపించడంతో ఆయన భార్య సునీత తీవ్రంగా విరుచుకుపడ్డారు. తన కూతురి వయసున్న అమ్మాయితో తిరగడానికి సిగ్గుండాలని, గోవింద ఆమెకు "షుగర్ డాడీ" అంటూ సునీత తీవ్ర వ్యాఖ్యలు చేశారు. గతంలో కూడా కోమల్తో గోవిందకు ఎఫైర్ ఉందని ఆమె ఆరోపించారు. ఈ నేపథ్యంలో సోమీ అలీ.. గోవిందకు మద్దతుగా ఇన్స్టాగ్రామ్లో ఒక సుదీర్ఘ పోస్ట్ పెట్టారు.గోవిందతో తాను కలిసి పనిచేసిన పాత ఫొటోలను షేర్ చేస్తూ "ఈ విషయంలో నేను స్పందిస్తున్నాను, ఎందుకంటే అవసరమైనప్పుడు మద్దతు చూపించాలి. గోవింద నాకు వ్యక్తిగతంగా, వృత్తిపరంగా తెలుసు. ఆయన హిందీ సినీ పరిశ్రమలోని గొప్ప నటులలో ఒకరు, అత్యంత వినయశీలి" అని సోమీ అలీ పేర్కొన్నారు."గోవింద (చిచ్చీ), సునీత ఇద్దరిపైనా నాకు గౌరవం ఉంది. అయితే, ఒక నటుడు తనకంటే చిన్న వయసు నటితో సినిమా ఒప్పుకోవడంలో తప్పు లేదు. ప్రతిభకు గడువు తేదీ ఉండదు. అవకాశాలు దొరకడం కష్టంగా ఉన్న సమయంలో పనిని ఎంచుకోవడాన్ని గౌరవించాలి కానీ, ఎగతాళి చేయకూడదు. ఒక నటుడి విలువ అతని వయసు లేదా సహనటి వయసుతో కాకుండా, అతడి ప్రతిభ, సంకల్పంతో నిర్ణయించాలి"