పాత ప్రచారాలు వర్సెస్ శాస్త్రీయ నిజాలు, ఎథనాల్

భారతదేశంలో పెట్రోల్‌లో ఇరవై శాతం ఎథనాల్ మిశ్రమాన్ని కలిపే ఈ20 ఇంధనపై సామాజిక మాధ్యమాల్లో వస్తున్న అపోహలను కేంద్ర పెట్రోలియం మంత్రిత్వ శాఖ తీవ్రంగా ఖండించింది. ఈ ప్రతిష్టాత్మక ఇంధన విధానం వల్ల దేశ ఆర్థిక భద్రత ఎంతో బలపడుతుందని, పర్యావరణ పారిరక్షణతో పాటు దేశంలోని రైతుల ఆదాయం కూడా ఎంతగానో పెరుగుతుందని ఉన్నతాధికారులు స్పష్టంగా ప్రకటించారు. కొంతకాలంగా ఈ కొత్త ఇంధన వినియోగంపై ప్రజల్లో రకరకాల తప్పుడు ప్రచారాలు జరుగుతున్నాయని, వాటన్నింటినీ శాస్త్రీయ ఆధారాలతో తిరస్కరిస్తున్నామని కేంద్ర ప్రభుత్వం అధికారికంగా వెల్లడించింది. దేశంలో ఎథనాల్ బ్లెండింగ్ కార్యక్రమం గత 2013-14 ఆర్థిక సంవత్సరంలో కేవలం 1.5 శాతం అంత్యల్ప స్థాయి నుంచి ప్రారంభమైందని అధికారులు గుర్తు చేశారు. అయితే ప్రభుత్వం తీసుకున్న ప్రత్యేక వ్యూహాత్మక చర్యల వల్ల 2025 డిసెంబర్ నాటికి ఈ20 ఇంధన లక్ష్యాన్ని నిర్దేశిత సమయం కంటే ఐదేళ్ల ముందే సాధించడం విశేషం. ప్రస్తుతం దేశంలో ఎథనాల్ ఉత్పత్తి సామర్థ్యం సుమారు 2,000 కోట్ల లీటర్లకు చేరుకుందని, ఇది దేశీయ ఇంధన రంగంలో ఒక పెద్ద చారిత్రాత్మక మార్పు అని పెట్రోలియం శాఖ స్పష్టం చేసింది. గడిచిన పదేళ్ల కాలంలో ఈ ఇంధన మిశ్రమం ద్వారా 1.9 లక్షల కోట్ల రూపాయలకు పైగా విలువైన విదేశీ మారక ద్రవ్యం దేశానికి ఆదా అయింది. ఇదిలా ఉండగా ఈ పర్యావరణ స్నేహపూర్వక కార్యక్రమం వల్ల దేశంలోని అన్నదాతలకు 1.6 లక్షల కోట్ల రూపాయలకు పైగా భారీ చెల్లింపులు నేరుగా జరిగాయని ప్రభుత్వం తెలిపింది. దీంతో పర్యావరణానికి హాని చేసే 930 లక్షల మెట్రిక్ టన్నుల కార్బన్ ఉద్గారాలు విజయవంతంగా తగ్గడమే కాకుండా, 310 లక్షల మెట్రిక్ టన్నుల క్రూడ్ ఆయిల్ దిగుమతులు కూడా తగ్గాయి. సామాజిక మాధ్యమాల్లో వ్యాప్తి చెందుతున్న పది ముఖ్యమైన అపోహలపై ప్రభుత్వం పాయింట్ల వారీగా పూర్తి స్పష్టతను ఇస్తూ ఒక పెద్ద నివేదికను విడుదల చేసింది. ఈ

నిన్న చమురు సంస్థ బీపీసీఎల్ కు ఇథనాల్ కేటాయింపు విషయంలో హైకోర్టు ఆదేశాలపై సుప్రీంకోర్టులో జరిగిన విచారణ సందర్భంగా కేంద్ర ప్రభుత్వం తరఫున అటార్నీ జనరల్ ఆర్. వెంకటరమణి వినిపించిన వాదనల్లో ట్విస్ట్