Kalvakuntla Kavitha on BRS : తెలంగాణ రాజకీయాల్లో సరికొత్త సమీకరణాలకు తెరతీస్తూ తెలంగాణ రక్షణసేన అధ్యక్షురాలు కల్వకుంట్ల కవిత భారత రాష్ట్ర సమితిపై నిప్పులు చెరిగారు. ఆమె మళ్లీ భారాస గూటికి చేరుకోబోతున్నానంటూ జరుగుతున్న ప్రచారాలను ఆమె తీవ్రంగా ఖండించారు. కోల్బెల్ట్ ప్రాంతాల పర్యటనలో భాగంగా భద్రాద్రి కొత్తగూడెం జిల్లా కేంద్రానికి చేరుకున్న ఆమె.. గురువారం ఏర్పాటు చేసిన విలేకర్ల సమావేశంలో తీవ్ర భావోద్వేగానికి లోనయ్యారు. "నా కంఠంలో ప్రాణం ఉన్నంతవరకు మళ్లీ ఆ పార్టీ ముఖం చూసే ప్రసక్తే లేదు" అని తెగేసి చెప్పారు. భారాసను టార్గెట్ చేస్తూనే.. ప్రస్తుత కాంగ్రెస్ ప్రభుత్వం అవలంబిస్తున్న ప్రజావ్యతిరేక విధానాలపై కూడా ఆమె గళమెత్తారు.అమరవీరుల నిధులపై డిమాండ్.. ప్రస్తుతం బీఆర్ఎస్ పార్టీ బ్యాంకు ఖాతాలో ఉన్న రూ. 1,400 కోట్ల భారీ నిధులను వెంటనే తెలంగాణ అమరవీరుల కుటుంబాలకు పంచి ఇవ్వాలని కవిత గట్టిగా డిమాండ్ చేశారు. ఆ నిధులపై అమరవీరుల కుటుంబాలకే పూర్తి హక్కు ఉందన్నారు. "టీఆర్ఎస్ అనే పేరు నాకు దక్కకుండా చేయాలని భారాస అగ్రనాయకత్వం తెరవెనుక నీచమైన కుట్రలు పన్నుతోంది" అని మండిపడ్డారు. తెలంగాణ సెంటిమెంట్ను, పార్టీ మూలాలను కాలరాసేందుకు కొందరు ప్రయత్నిస్తున్నారని ఆరోపించారు.కేటీఆర్ క్విడ్ప్రోకో, హరీశ్రావు అనకొండ..!మాజీ మంత్రి కేటీఆర్పై కల్వకుంట్ల కవిత అత్యంత తీవ్రమైన అవినీతి ఆరోపణలు చేశారు. క్విడ్ప్రోకోలో భాగంగా కేటీఆర్ తన పరమ మిత్రుడికి చెందిన 'ప్రదీప్ కన్స్ట్రక్షన్స్' కంపెనీకి నిబంధనలకు విరుద్ధంగా భారీ భవనాల నిర్మాణ అనుమతులు కట్టబెట్టారని ఆరోపించారు. అలాగే ఫీనిక్స్ సంస్థకు రూ. 80,000 కోట్ల విలువైన ప్రభుత్వ భూములను అప్పనంగా అప్పగించారని ధ్వజమెత్తారు. సదరు సంస్థ ఏకంగా 33 లక్షల టన్నుల కలపను అక్రమంగా కొట్టేసినా చర్యలు తీసుకోలేదన్నారు. గత ప్రభుత్వం ఇచ్చిన భూమికి తోడుగా ప్రస్తుత కాంగ్రెస్ ప్రభుత్వం కూడా అదనపు భూములు కేటాయించడం దారుణమన్నారు. "కాళేశ్వరం ప్రాజెక్టు అవినీతిలో అసలైన అనకొండ మాజీ మంత్రి హరీశ్రావు"