ఐకాన్ స్టార్ అల్లు అర్జున్ హీరోగా దర్శకుడు అట్లీ కాంబినేషన్లో వస్తున్న భారీ చిత్రం 'రాకా' తీవ్ర ఆలస్యం కానుందని ఇండస్ట్రీ వర్గాల్లో గట్టి ప్రచారం జరుగుతోంది. 'పుష్ప 2' లాంటి భారీ విజయం తర్వాత అల్లు అర్జున్ నటిస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఇటీవల ఈ చిత్రానికి సంబంధించిన టైటిల్ అధికారికంగా ప్రకటించినప్పటికీ, విడుదల తేదీపై మాత్రం చిత్ర యూనిట్ ఎలాంటి స్పష్టత ఇవ్వలేదు. ఇదిలా ఉండగా, ఈ సినిమాను సమాంతర విశ్వం (పారలల్ యూనివర్స్) నేపథ్యంలో సైన్స్ ఫిక్షన్ ఎంటర్టైనర్గా తెరకెక్కిస్తున్నట్లు సమాచారం. ఈ ప్రతిష్టాత్మక ప్రాజెక్ట్ కోసం దాదాపు 800 కోట్ల నుండి 1000 కోట్ల రూపాయల భారీ బడ్జెట్ను కేటాయించారు. అంతర్జాతీయ ప్రమాణాలకు అనుగుణంగా ఈ చిత్రాన్ని రూపొందించేందుకు దర్శకుడు అట్లీ హాలీవుడ్ గ్రాఫిక్స్ స్టూడియోల సేవలను వినియోగిస్తున్నారు. దర్శకుడు అట్లీ తన పర్ఫెక్షనిజంతో ప్రతి సన్నివేశాన్ని అద్భుతంగా చెక్కుతుండటం వల్ల గ్రాఫిక్స్ పనులకు ఊహించిన దానికంటే ఎక్కువ సమయం పడుతోంది. దీంతో సినిమా అనుకున్న సమయానికి పూర్తి కావడం కష్టంగా మారిందని చిత్ర బృందం భావిస్తోంది. మరోవైపు ముఖ్య పాత్ర పోషిస్తున్న కథానాయిక దీపికా పదుకొణె గర్భవతి కావడం వల్ల ఆమెకు సంబంధించిన కొన్ని కీలకమైన షూటింగ్ షెడ్యూల్స్ పెండింగ్లో పడ్డాయి ఈ ఆలస్యం కారణంగా అల్లు అర్జున్ తన తదుపరి ప్రాజెక్టులపై దృష్టి సారించాలని నిర్ణయించుకున్నట్లు తెలుస్తోంది. టాలెంటెడ్ డైరెక్టర్ లోకేష్ కనగరాజ్ దర్శకత్వంలో తెరకెక్కనున్న తన 23వ సినిమా షూటింగ్ను అక్టోబర్ నెల నుండి ప్రారంభించేందుకు బన్నీ సన్నాహాలు చేస్తున్నారు. రాకా పనులు సాగుతున్న సమయంలోనే ఈ కొత్త ప్రాజెక్ట్ను వేగంగా పూర్తి చేయాలని బన్నీ భావిస్తున్నారు. సినిమా ఆలస్యం అవుతుందనే వార్తలు నిరాశ పరిచినప్పటికీ, అవుట్పుట్ మాత్రం అద్భుతంగా వస్తుందని సినీ విశ్లేషకులు నమ్ముతున్నారు. హాలీవుడ్ స్థాయి విజువల్స్ కోసం అట్లీ చేస్తున్న ఈ ప్రయత్నం భారతీయ సినిమా