ఇందిరమ్మ ఇళ్లకు అప్లై చేయలేదా? మరో అవకాశం ఇచ్చిన ప్రభుత్వం

హైదరాబాద్‌ పరిధిలో ఇందిరమ్మ ఇళ్ల కోసం దరఖాస్తు చేసుకునే వారికి తెలంగాణ ప్రభుత్వం మరో అవకాశం కల్పించింది. దరఖాస్తుల స్వీకరణ గడువును ఆగస్టు 15 వరకు పొడిగిస్తున్నట్లు రాష్ట్ర రెవెన్యూ, గృహనిర్మాణ శాఖల మంత్రి పొంగులేటి శ్రీనివాసరెడ్డి ప్రకటించారు. రెండో శనివారం, బోనాల పండుగ వంటి వరుస సెలవుల కారణంగా కొందరు దరఖాస్తుదారులు ఇబ్బందులు ఎదుర్కొనే అవకాశం ఉన్నందున ఈ నిర్ణయం తీసుకున్నట్లు మంత్రి తెలిపారు. గత నెల 21వ తేదీ నుంచి ఆగస్టు 10 వరకు దరఖాస్తులు స్వీకరించేందుకు ప్రభుత్వం అవకాశం కల్పించింది. అయితే సోమవారం సాయంత్రం వరకు హైదరాబాద్‌ పరిధిలో మొత్తం 46,121 దరఖాస్తులు అందినట్లు మంత్రి వెల్లడించారు. మరింత మంది అర్హులు దరఖాస్తు చేసుకునే అవకాశం కల్పించేందుకు గడువును మరో ఐదు రోజులు పెంచుతున్నట్లు తెలిపారు. ఆగస్టు 15తో దరఖాస్తుల స్వీకరణ ముగిసిన అనంతరం పరిశీలన ప్రక్రియను వేగవంతం చేసి, ఈ నెలాఖరు నాటికి ఇళ్ల కేటాయింపు ప్రక్రియను పూర్తి చేయాలని ప్రభుత్వం లక్ష్యంగా పెట్టుకుంది.ఇందిరమ్మ ఇళ్ల పథకం కింద అర్హత కలిగిన నిరుపేద కుటుంబాలకు ఇల్లు నిర్మించుకునేందుకు ప్రభుత్వం రూ.5 లక్షల ఆర్థిక సహాయం అందించేలా మార్గదర్శకాలు రూపొందించింది. తొలి దశలో రాష్ట్రవ్యాప్తంగా 4.50 లక్షల ఇళ్ల నిర్మాణాన్ని చేపట్టాలని ప్రభుత్వం నిర్ణయించింది. అర్హత నిర్ధారణలో కుటుంబ ఆర్థిక పరిస్థితి, సొంత స్థలం లేదా ప్రభుత్వ స్థలం, నివాస పరిస్థితులు తదితర అంశాలను పరిగణనలోకి తీసుకుంటారు. హైదరాబాద్‌ పరిధిలో నియోజకవర్గాల వారీగా చూస్తే కూకట్‌పల్లి నుంచి అత్యధికంగా 6,615 దరఖాస్తులు వచ్చాయి. కుత్బుల్లాపూర్‌లో 5,571, ఖైరతాబాద్‌లో 5,518 దరఖాస్తులు నమోదయ్యాయి. నాంపల్లిలో 4,372, మలక్‌పేటలో 3,609, శేరిలింగంపల్లిలో 3,488, అంబర్‌పేటలో 3,073 దరఖాస్తులు వచ్చాయి. ఇక కార్వాన్‌లో 2,184, రాజేంద్రనగర్‌లో 2,060, సికింద్రాబాద్‌ కంటోన్మెంట్‌లో 1,755, బహదూర్‌పురలో 1,706, మేడ్చల్‌లో 1,668, సనత్‌నగర్‌లో 1,404, మల్కాజిగిరిలో 1,333, ఇబ్రహీంపట్నంలో 1,031 దరఖాస్తులు అందాయి. మహేశ్వరం నుంచి 734 దరఖాస్తులు