ఆంధ్రప్రదేశ్లో (Andhra Pradesh) స్థానిక సంస్థల ఎన్నికల విధానంలో కీలకమైన మార్పులకు కూటమి ప్రభుత్వం (NDA Alliance Government) శ్రీకారం చుట్టింది. ఇప్పటివరకు పరోక్ష పద్ధతిలో ఎంపికవుతున్న మేయర్లు, మున్సిపల్ చైర్మన్లు, జిల్లా పరిషత్ చైర్పర్సన్లను ఇకపై ప్రజలే నేరుగా ఎన్నుకునే విధానాన్ని తీసుకురావాలని నిర్ణయించింది. దీనికి సంబంధించిన చట్ట సవరణల కోసం అసెంబ్లీలో బిల్లును ప్రవేశపెట్టే అవకాశం ఉంది. మంత్రివర్గ సమావేశంలోనే ఈ ప్రతిపాదనపై చర్చించి ఆమోదం తెలిపినట్లు ప్రభుత్వం వెల్లడించింది. కొత్త విధానం అమల్లోకి వస్తే స్థానిక సంస్థల పాలనలో ప్రజల పాత్ర మరింత పెరగనుంది. గ్రామ పంచాయతీల్లో సర్పంచ్ను ప్రజలు నేరుగా ఎన్నుకుంటున్న తరహాలోనే పట్టణ ప్రాంతాల్లో మున్సిపల్ చైర్మన్, నగరాల్లో మేయర్, జిల్లాస్థాయిలో జెడ్పీ చైర్పర్సన్లకు కూడా ఓటర్లు నేరుగా ఓటు వేయనున్నారు. ప్రజల నుంచి నేరుగా మద్దతు పొందిన నాయకులు తమ పదవుల్లో మరింత బాధ్యతాయుతంగా వ్యవహరించే అవకాశం ఉంటుందని ప్రభుత్వం భావిస్తోంది. రాష్ట్రంలో ప్రస్తుతం ఉన్న జిల్లా పరిషత్తుల సంఖ్యను కూడా పెంచే ఆలోచనలో ప్రభుత్వం ఉంది. కొత్త జిల్లాల ఏర్పాటుకు అనుగుణంగా జెడ్పీల సంఖ్యను 28 వరకు తీసుకెళ్లే ప్రతిపాదన ఉంది. అలాగే మున్సిపల్ కార్పొరేషన్లు, మున్సిపాలిటీలు కలిపి సుమారు 125 స్థానిక పట్టణ సంస్థలు ఉండగా, మండల పరిషత్లు 638కు పైగా ఉన్నాయి. గ్రామ పంచాయతీల సంఖ్య కూడా దాదాపు 13 వేలకు చేరుతుంది. ఇంత పెద్ద స్థాయిలో ఎన్నికలు జరగనున్న నేపథ్యంలో ఎన్నికల ప్రక్రియను సకాలంలో పూర్తి చేయడంపై ప్రభుత్వం దృష్టి పెట్టింది. కేంద్ర ఆర్థిక సంఘం (Central Finance Commission) నుంచి స్థానిక సంస్థలకు వచ్చే నిధులు నిలిచిపోకుండా ఉండేందుకు అక్టోబర్లోపు ఎన్నికల ప్రక్రియను పూర్తి చేయాలని అధికారులకు సూచించినట్లు తెలుస్తోంది. దీనివల్ల స్థానిక సంస్థలకు నిధుల ప్రవాహం కొనసాగడంతో పాటు పాలనలో ఏర్పడే ఖాళీలను కూడా త్వరగా భర్తీ చేసే అవకాశం ఉంటుంది. ప్రత్యక్ష ఎన్నికల కారణంగా ఓటర్లకు