సినిమా విడుదలకు నెల రోజుల ముందే కాపీ చేతిలో ఉంటే చాలా బాగుంటుందని, ఆ పద్ధతి రావాలని పిలుపునిచ్చారు నాగార్జున (Nagarjuna). తను నటించిన ‘అన్నమయ్య’, ‘నిన్నే పెళ్లాడతా’ సినిమాల కాపీల్ని రిలీజ్ కు నెల రోజుల ముందే చూసుకున్నామని, తిరిగి ఆ పద్ధతి రావాలని అన్నారు. ఈ ప్రతిపాదనను తాజాగా వరుణ్ తేజ్ రిజెక్ట్ చేశాడు. ఇప్పుడున్న పరిస్థితుల్లో అలాంటి సంప్రదాయం మళ్లీ రాదని తేల్చిచెప్పేశాడు. ఇప్పుడు మ్యూజిక్ డైరక్టర్ తమన్ (Thaman) కూడా అదే మాట చెబుతున్నాడు. “నాగార్జున చెప్పింది వంద శాతం కరెక్ట్. కానీ ఇప్పుడున్న పరిస్థితుల్లో అలా జరగదు. అన్నీ ఆఖరి నిమిషంలో జరుగుతున్నాయి. నాగార్జున చెప్పినట్టు నెల రోజుల ముందే ఫస్ట్ కాపీ రెడీ చేయాలంటే, నాకు ఎడిట్ వెర్షన్ కనీసం 2 నెలల ముందు ఇవ్వాలి. అది జరిగే పని కాదు కదా. నిజంగా నాగార్జున చెప్పినట్టు ముందే నాకు ఎడిట్ వెర్షన్ ఇస్తే, నేను నెల ముందే కాపీ ఇచ్చేస్తాను.” ఇలా నాగార్జున ప్రతిపాదనతో తమన్ కూడా విభేదించాడు. ప్రస్తుతం మార్కెట్ లెక్కలు, వర్కింగ్ స్టయిల్స్ మారిపోయాయని, నాగార్జున చెప్పిన పద్ధతిలోకి పరిశ్రమ మారాలంటే, 24 క్రాఫ్ట్స్ ఒక మాట మీదకు రావాలని అన్నాడు