రకుల్ ప్రీతి సింగ్ (Rakul Preet Singh)కి సరైన హిట్ దక్కి చాలా ఏళ్ళు అవుతోంది. హిట్, ఫ్లాపులతో సంబంధం లేకుండా అవకాశాలు రావాలి అంటే చాలా క్రేజ్ ఉండాలి. కానీ రకుల్ కి అంత క్రేజ్ కూడా లేదు. అయినా వాటితో సంబంధం లేకుండా ఆమెకి పెద్ద పెద్ద ప్రాజెక్ట్ లు వస్తున్నాయి. ప్రస్తుతం విడుదలకు సిద్ధంగా ఉన్న చిత్రం… రామాయణ (Ramayana). ఈ దీపావళికి విడుదల కానున్న ఈ సినిమాలో ఆమెది శూర్పణఖ పాత్ర. రామాయణ కథని మలుపు తిప్పిన పాత్ర. ఆమె ఈ సినిమాపై మంచి ఆశలు పెట్టుకొంది. ‘రామాయణ’ గాథని రెండు భాగాలుగా తీస్తున్నారు. ఆమె కేవలం మొదటి భాగంలోనే ఉంటుంది. అందుకే, ఈ మొదటి భాగం తన కెరీర్ ని ఇంకో మలుపు తిప్పుతుంది అని అనుకుంటోంది. ఈ ఏడాది ఇప్పటికే రెండు హిందీ సినిమాలను విడుదల చేసింది. ‘రామాయణ’ మూడో విడుదల అవుతుంది. ఈ సినిమా తర్వాత మరిన్ని పెద్ద ప్రాజెక్టులు వస్తాయి అని భావిస్తోంది. తెలుగులో అనేక చిత్రాలు చేసిన రకుల్ కి ఇక్కడ క్రేజ్ పోయింది. తెలుగు సినిమాలు తగ్గినా హిందీలో మాత్రం మంచి కెరీర్ సెట్ అయింది
