బిగ్ బాస్ 10 తెలుగు సీజన్... ఈసారి కంటెస్టెంట్స్ వీళ్లేనా

తెలుగు బుల్లితెరపై అత్యంత ప్రజాదరణ పొందిన రియాలిటీ షో 'బిగ్ బాస్' 10వ సీజన్‌కు రంగం సిద్ధమవుతోంది. గత సీజన్ల తరహాలోనే ఈసారి కూడా కింగ్ అక్కినేని నాగార్జున హోస్ట్‌గా వ్యవహరించనున్నారు. ఇప్పటికే ఈ సీజన్‌కు సంబంధించి నిర్వాహకులు టీజర్‌ను విడుదల చేయడంతో అభిమానుల్లో ఉత్కంఠ నెలకొంది. ఈ మైలురాయి సీజన్‌ను 'దశావతారం' అనే వినూత్న థీమ్‌తో నిర్వహించబోతున్నట్లు సమాచారం."గేమ్‌లో ఛాలెంజ్ కాదు, గేమే ఒక ఛాలెంజ్" అనే ట్యాగ్‌లైన్‌తో విడుదలైన ప్రోమో, ఈసారి పోటీ మరింత రసవత్తరంగా సాగనుందనే సంకేతాలను ఇస్తోంది. గత సీజన్లలో 16 నుంచి 22 మంది వరకు కంటెస్టెంట్లు పాల్గొనగా, 'దశావతారం' థీమ్‌కు అనుగుణంగా ఈసారి కేవలం 10 మందితోనే షోను నిర్వహించేలా ప్రణాళికలు సిద్ధం చేస్తున్నట్లు ఊహాగానాలు వినిపిస్తున్నాయి.పోటీదారుల జాబితాపై నిర్వాహకులు ఇంకా అధికారిక ప్రకటన చేయనప్పటికీ, సోషల్ మీడియాలో మాత్రం కొన్ని పేర్లు విస్తృతంగా ప్రచారమవుతున్నాయి. నటి జ్యోతి, దీపికా రంగరాజు, ఉప్పల్ బాలు, కల్యాణ్, పల్లవి గౌడ, ఎక్స్‌ప్రెస్ హరి, తేజస్విని గౌడ, రాకింగ్ రాకేష్, పండు మాస్టర్, చంద్రహాస్ వంటి ప్రముఖులు ఈ జాబితాలో ఉన్నట్లు వార్తలు వస్తున్నాయి. ప్రస్తుతం సన్నాహక దశలో ఉన్న ఈ షో ఆగస్టు లేదా సెప్టెంబర్‌ నెలలో ప్రారంభమయ్యే అవకాశం ఉంది. అయితే, ప్రచారంలో ఉన్న కంటెస్టెంట్ల పేర్లు, షో ప్రారంభ తేదీపై నిర్వాహకుల నుంచి అధికారిక ప్రకటన వెలువడాల్సి ఉంది