అఖిల్ అక్కినేని, భాగ్యశ్రీ బోర్సే జంటగా వస్తున్న కొత్త చిత్రం 'లెనిన్'. ఈ సినిమా థియేటర్లలోకి రాకముందే అడ్వాన్స్ బుకింగ్స్లో సంచలనం సృష్టిస్తోంది. ప్రముఖ ఆన్లైన్ టికెటింగ్ ప్లాట్ఫామ్ 'బుక్మైషో'లో ఈ చిత్రం ప్రస్తుతం నెం.1 స్థానంలో ట్రెండ్ అవుతోంది. సినిమాపై ప్రేక్షకుల్లో ఉన్న అంచనాలకు ఇది నిదర్శనంగా నిలుస్తోంది.తాజా సమాచారం ప్రకారం, కేవలం గంట వ్యవధిలోనే 3,300కు పైగా టికెట్లు అమ్ముడయ్యాయి. ఈ వేగం చూస్తుంటే సినిమాకు భారీ ఓపెనింగ్స్ ఖాయమని ట్రేడ్ వర్గాలు అంచనా వేస్తున్నాయి. జూలై 10న గ్రాండ్గా రిలీజ్ కానున్న ఈ సినిమాకు అడ్వాన్స్ బుకింగ్స్ రూపంలో అనూహ్యమైన స్పందన లభిస్తోంది.మురళి కిశోర్ అబ్బూరు దర్శకత్వం వహించిన ఈ చిత్రానికి తమన్ సంగీతం అందించారు. శివాజీ, సునీల్, బ్రహ్మాజీ, గెటప్ శ్రీను, ఈశ్వరి రావు కీలక పాత్రలు పోషించారు. అక్కినేని నాగార్జున, సూర్యదేవర నాగవంశీ నిర్మాణ భాగస్వామ్యంలో రూపుదిద్దుకున్న ఈ సినిమా ప్రమోషన్ల విషయంలోనూ దూకుడుగా వ్యవహరిస్తోంది. విడుదలకి ఒక రోజు ముందు నుంచే టికెట్ బుకింగ్స్లో ఈ స్థాయిలో జోరు చూపించడం సినిమాపై ఉన్న క్రేజ్ను స్పష్టం చేస్తోంది. భారీ అంచనాల మధ్య రేపు ప్రేక్షకుల ముందుకు రానున్న 'లెనిన్' ఏ స్థాయిలో విజయం సాధిస్తుందో చూడాలి