సినిమా ప్రియులకు ప్రతి వారం సరికొత్త వినోదాన్ని పంచే ఓటీటీ ప్లాట్ఫామ్స్ ఈసారి కూడా భారీ వినోదాల విందుతో సిద్ధమయ్యాయి. ప్రేక్షకులను కట్టిపడేసే రొమాంటిక్ లవ్ స్టోరీలు, వెన్నులో వణుకు పుట్టించే క్రైమ్ థ్రిల్లర్లు, నవ్వులు పూయించే ఎంటర్టైన్మెంట్ వెబ్ సిరీస్లతో ఆగస్టు 17 నుంచి 23 వరకు వివిధ ఓటీటీ వేదికలు ముస్తాబయ్యాయి. వీకెండ్లో ఇంటిల్లిపాదినీ అలరించేందుకు ఏయే ప్లాట్ఫామ్లో ఏయే చిత్రాలు, సిరీస్లు రాబోతున్నాయో తెలుసుకుందాం.నెట్ఫ్లిక్స్గ్లోబల్ ఓటీటీ దిగ్గజం నెట్ఫ్లిక్స్ ఈ వారం వరల్డ్వైడ్ కంటెంట్తో సినీ ప్రేక్షకులను అలరించడానికి సిద్ధమైంది. తెలుగమ్మాయి శాన్వీ మేఘన ప్రధాన పాత్రలో నటించిన సరికొత్త తమిళ రొమాంటిక్ చిత్రం ‘ప్యార్ ప్రేమ కల్యాణం’ ఆగస్టు 21 నుంచి తెలుగు, తమిళం సహా పలు దక్షిణాది భాషల్లో స్ట్రీమింగ్ కానుంది. దీనికి కోలీవుడ్ యువ దర్శకుడు ఎలాన్ దర్శకత్వం వహించారు. వీటితో పాటు క్రైమ్ డ్రామా ఆధారంగా రూపొందిన స్పానిష్ చిత్రం ‘ఫేసింగ్ ఎల్ చాపో’ (ఆగస్టు 21న) విడుదలవుతోంది. వెబ్ సిరీస్ల విషయానికి వస్తే.. మంగళవారం (ఆగస్టు 18) నుంచి ‘టేక్ ఎ హైక్’, బుధవారం (ఆగస్టు 19) నుంచి ‘లవ్ ఈజ్ బ్లైండ్: యూకే సీజన్ 3’ అలాగే డాక్యుమెంటరీ తరహాలో సాగే ‘ప్రీ ఫాల్: ఎ రికనింగ్ ఫర్ బోయింగ్’ రానున్నాయి. గురువారం (ఆగస్టు 20) నుంచి ఉత్కంఠభరితమైన ‘ఔటర్ బ్యాంక్స్ సీజన్ 5’, హారర్ థ్రిల్లర్ ‘బ్లడ్ సాక్రిఫైస్’, మరియు ‘ఎస్ అండ్ ఎక్స్’ వెబ్ సిరీస్లు ప్రేక్షకులను పలకరించనున్నాయి.జియో హాట్స్టార్సూపర్హీరో, ఇంటర్నేషనల్ సిరీస్ ప్రియులను అలరించేందుకు జియో హాట్స్టార్ ముందుకొచ్చింది. డీసీ యూనివర్స్ (DCU) నుంచి జేమ్స్ గన్ షేర్డ్ యూనివర్స్లో భాగంగా రూపొందిన అత్యంత ప్రతిష్టాత్మక హెచ్బీవో సిరీస్ ‘లాంతర్న్స్’ (Lanterns) ఆగస్టు 17 నుంచే డిజిటల్ ప్లాట్ఫామ్పై ప్రసారమవుతోంది. దీనితో పాటు సుదీర్ఘ కాలంగా ఆదరణ పొందుతున్న పాపులర్ కామెడీ సిరీస్ ‘ఇట్స్ ఆల్వేస్ సన్నీ