అమెరికా గూఢచార సంస్థ సీఐఏ (సీఐఏ) ఏజెంట్గా నమ్మించి, ఇండోనేషియా నుంచి బిలియన్ల డాలర్ల విలువైన రక్షణ ఒప్పందాలు పొందేందుకు ఓ భారత సంతతి వ్యాపారి ప్రయత్నించారన్న సంచలన ఆరోపణలు వెలుగులోకి వచ్చాయి. గౌరవ్ శ్రీవాస్తవ అనే ఈ వ్యాపారి, తాను సీఐఏ ఆపరేటివ్నని చెప్పి ఇండోనేషియాలోని ఉన్నత స్థాయి అధికారులతో సంబంధాలు పెంచుకున్నారని ‘ఆర్గనైజ్డ్ క్రైమ్ అండ్ కరప్షన్ రిపోర్టింగ్ ప్రాజెక్ట్’ (ఓసీసీఆర్పీ), ఇండోనేషియా మీడియా సంస్థ ‘టెంపో’ సంయుక్త దర్యాప్తులో వెల్లడైంది.గౌరవ్ శ్రీవాస్తవ మాజీ వ్యాపార భాగస్వామి నీల్స్ ట్రూస్ట్, అమెరికాలోని కాలిఫోర్నియా, న్యూయార్క్ కోర్టుల్లో దాఖలు చేసిన సివిల్ కేసులతో ఈ వ్యవహారం బయటపడింది. తాను సీఐఏలో పనిచేస్తున్నానని శ్రీవాస్తవ పలుమార్లు రికార్డు చేసిన కాల్స్లో చెప్పారని, ఈ పలుకుబడిని ఉపయోగించే అప్పటి రక్షణ మంత్రి, ప్రస్తుత ఇండోనేషియా అధ్యక్షుడు ప్రబోవో సుబియాంటో సహా ఇతర సీనియర్ అధికారులను కలిశారని ట్రూస్ట్ తన ఫిర్యాదులో ఆరోపించారు.ఓసీసీఆర్పీ నివేదిక ప్రకారం.. 2020లో వాషింగ్టన్, జకార్తాలలో జరిగిన ఉన్నత స్థాయి సమావేశాలకు శ్రీవాస్తవ, ప్రబోవో సుబియాంటోతో కలిసి హాజరయ్యారు. ఈ సమావేశాల్లో సైనిక విమానాల కొనుగోలుపై చర్చలు జరిగాయి. 2020-2022 మధ్య కాలంలో శ్రీవాస్తవ నియంత్రణలో ఉన్న నాలుగు కంపెనీలు ఇండోనేషియా రక్షణ మంత్రిత్వ శాఖ, ఒక ప్రభుత్వ రంగ సంస్థతో ఐదు ప్రాథమిక ఒప్పందాలు కుదుర్చుకున్నాయి. వీటిలో 36 F-15 ఫైటర్ జెట్లు, UH-60 బ్లాక్ హాక్ హెలికాప్టర్లు, C-130 రవాణా విమానాల కొనుగోలుతో పాటు ఒక జాయింట్ ఆపరేషన్స్ కమాండ్ సెంటర్ ఏర్పాటుకు