Ajit Agarkar : బీసీసీఐ మీటింగ్‌కు డుమ్మా.. క‌ట్ చేస్తే.. దులీప్ట్రోఫీ ఫైన‌ల్‌లో అజిత్ అగార్క‌ర్ప్ర‌త్య‌క్షం..

<figure><img src="https://static.10tv.in/wp-content/uploads/2026/09/Team-India-Chief-selector-Ajit-Agarkar-spotted-at-duleep-trophy-final-after-missing-bcci-review-meeting-1024x576.jpg" class="attachment-large size-large wp-post-image" alt="Team India Chief selector Ajit Agarkar spotted at duleep trophy final after missing bcci review meeting" decoding="async" fetchpriority="high" /></figure><p>Ajit Agarkar : టీమ్ఇండియా చీఫ్ సెల‌క్ట‌ర్ అజిత్ అగార్కర్ ఆదివారం చెన్నైలోని ఎంఏ చిదంబరం స్టేడియంలో ప్రత్యక్షమయ్యారు. దులీప్ ట్రోఫీ 2026లో భాగంగా సౌత్ జోన్, ఈస్ట్ జోన్ జ‌ట్ల మ‌ధ్య ప్రారంభ‌మైన ఫైన‌ల్ మ్యాచ్‌ను ఆయన స్టాండ్స్‌లో కూర్చొని వీక్షించారు. ఇటీవల ముంబైలో జరిగిన బీసీసీఐ కీల‌క స‌మీక్షా స‌మావేశానికి అగార్కర్ హాజరుకాకపోవడంతో ఆయన భవిష్యత్తుపై పలు ఊహాగానాలు వెలువ‌డ్డాయి. ఈ క్ర‌మంలో అగార్క‌ర్ క‌నిపించ‌డం ప్రాధాన్యతను సంతరించుకుంది.</p> <p>ఫైనల్ మ్యాచ్ తొలి రోజు ఆట సందర్భంగా కార్పొరేట్ బాక్స్‌లో ఒంటరిగా కూర్చున్న అగార్కర్, దేశవాళీతో పాటు భారత జట్టు ఆటగాళ్ల ప్రదర్శనను నిశితంగా గ‌మ‌నించారు. త్వరలో జరగనున్న ఇండియా ‘ఎ’ జట్టు సిరీస్‌ల కోసం ఆటగాళ్ల ఎంపిక నేపథ్యంలో ఆయన పర్యవేక్షణ కీలకంగా మారింది.</p> <p><a href="https://10tv.in/telugu-news/sports/sanju-samson-and-sreesanth-handshake-mystery-takes-internet-by-storm-vm-1133424.html">Sanju Samson : సంజూ శాంస‌న్‌కు ఘోర అవ‌మానం! కూర‌లో క‌రివేపాకులా తీసేశారా?</a></p> <p>గత గురువారం ముంబైలో జరిగిన బీసీసీఐ సమీక్ష సమావేశానికి అగార్కర్ గైర్హాజరయ్యారు. ఇంగ్లాండ్, ఐర్లాండ్ పర్యటనల్లో భారత జట్టు ఎదుర్కొన్న సిరీస్ పరాజయాలు, అలాగే 2027 వన్డే ప్రపంచకప్‌కు సంబంధించిన భవిష్యత్ ప్రణాళికపై ఈ సమావేశంలో చర్చ జరిగింది. అగార్కర్ గైర్హాజరుపై వచ్చిన అనుమానాలకు బీసీసీఐ కార్యదర్శి దేవజిత్ సైకియా అప్పట్లో స్పష్టత ఇచ్చారు. ముందస్తుగా ఉన్న ప్రయాణ ఏర్పాట్లు, కనెక్టివిటీ సమస్యల కారణంగానే అగార్కర్ సమావేశానికి హాజరు కాలేకపోయారని తెలిపారు. సమావేశం చాలా తక్కువ సమయంలో ఏర్పాటు కావడంతో ఆయన పట్టణంలో లేరని, ఉన్న ప్రాంతం నుంచి ఆన్‌లైన్‌లో కూడా పాల్గొనడం సాధ్యం కాలేదని వివరించారు.</p> <p>ఈ కీలక సమావేశానికి ప్రధాన కోచ్ గౌతమ్ గంభీర్, టెస్టు, వన్డే కెప్టెన్ శుభ్‌మన్ గిల్, టీ20 కెప్టెన్ శ్రేయస్ అయ్యర్‌తో పాటు బీసీసీఐ అధ్యక్షుడు మిథున్ మన్‌హాస్, జాయింట్ సెక్రటరీ ప్రభ్‌తేజ్ సింగ్ భాటియా, సెంటర్ ఆఫ్ ఎక్సలెన్స్ హెడ్ ఆఫ్ క్రికెట్ వీవీఎస్ లక్ష్మణ్ హాజరయ్యారు.</p> <p>ఇదిలా ఉండగా.. అగార్కర్ ఒప్పందం ఈ నెలాఖరుతో ముగిసే అవకాశం ఉందన్న వార్తలపై కూడా సైకియా స్పందించారు. సమీక్ష సమావేశంలో సెలక్షన్ కమిటీ పదవీకాలం లేదా పొడిగింపుపై ఎలాంటి చర్చ జరగలేదని స్పష్టం చేశారు.