మరో కూకట్ పల్లి, నిజాంపేట్ లోడింగ్... ఈ శివారుప్రాంతాల్లో పెట్టుబడి మీ జీవితాన్నే మార్చేస్తుంది
A
Asianet News TeluguVerified Publisher
హైదరాబాద్ నగరంలో ట్రాఫిక్ సమస్యను తగ్గించి, ప్రయాణాన్ని సులభతరం చేసేందుకు మెట్రో రెండో దశ నిర్మాణం జరగనుంది. ఈ విస్తరణతో నగరం చుట్టూ ఉన్న అనేక శివారు ప్రాంతాలకు మెట్రో కనెక్టివిటీ లభించనుంది. మియాపూర్ నుండి పటాన్చెరు, రాయదుర్గం నుండి శంషాబాద్ విమానాశ్రయం వంటి కీలక మార్గాలను ఈ దశలో అభివృద్ధి చేయనున్నారు. కొత్త మార్గాల రాకతో సుదూర ప్రాంతాల ప్రజలు సులభంగా నగరంలోకి ప్రయాణించగలుగుతారు. ఇది దైనందిన జీవితంలో గణనీయమైన మార్పు తీసుకువస్తుంది. ముఖ్యంగా శివారుప్రాంతాల్లో రియల్ బూమ్ మరింత పెరగనంది. కాబట్టి మెట్రో విస్తరణ కంటే ముందే శివారుప్రాంతాల్లో పెట్టుబడులు పెడితే మంచి లాభాలు పొందవచ్చు. హైదరాబాద్ మెట్రో రెండో దశ విస్తరణతో శివారు ప్రాంతాల్లో భూముల ధరలు భారీగా పెరిగే అవకాశం ఉంది. మెట్రో కనెక్టివిటీ ఉన్న ప్రాంతాల్లో భూమికి డిమాండ్ పెరుగుతుంది. ప్రస్తుతం తక్కువ ధరలకు లభిస్తున్న ప్లాట్లు, నివాస గృహాల విలువ రాబోయే కొన్నేళ్లలో కనీసం 20-30 శాతం పెరగవచ్చు. రియల్ ఎస్టేట్ రంగంలో ఇది ఒక సువర్ణావకాశం. మెట్రో మార్గానికి దగ్గరగా ఉన్న గ్రామాలు, చిన్న పట్టణాలు కూడా వేగంగా అభివృద్ధి చెందుతాయి. పెట్టుబడిదారులు దీర్ఘకాలిక లాభాల కోసం ఇప్పుడు పెట్టుబడి పెట్టవచ్చు. ఐటీ కారిడార్ కు దగ్గరగా ఉండటంతో ఇప్పటికే కూకట్ పల్లి, మియాపూర్ వంటి ప్రాంతాల్లో ఇంటి స్థలాలు, ఇండిపెండెంట్ ఇళ్లు, అపార్ట్ మెంట్ ప్లాట్స్ కి మంచి డిమాండ్ ఉంది. మెట్రో సదుపాయం కూడా ఉండటం ఈ ప్రాంతాలకు మరింత ప్లస్ అయ్యింది. ఇక మెట్రో రెండో దశతో లింగంపల్లి, బీరంగూడ, రామచంద్రాపురం, పటాన్ చెరు ప్రాంతాల రూపురేఖలు మారిపోనున్నాయి. ప్రస్తుతం పటాన్ చెరుకు ఔటర్ రింగ్ రోడ్డు అందుబాటులో ఉంది... అయినా ఈ ప్రాంతం ఆశించిన స్థాయిలో డెవలప్ కాలేదు. ఈ పటాన్ చెరు, ఇస్నాపూర్ ప్రాంతాలు అడ్డా కూలీలు, నిర్మాణ కార్మికులు, చిన్నచిన్న పనివారికి నిలయాలుగా మారాయి... ఐటీ