సాయంత్రం వేళ ఏదైనా స్పెషల్గా తినాలనిపిస్తే ఈ క్రిస్పీ చికెన్ కట్లెట్ మంచి ఆప్షన్. బయట నుంచి తెచ్చుకోవాల్సిన అవసరం లేకుండా ఇంట్లోనే సింపుల్గా తయారు చేసుకోవచ్చు. బయట క్రిస్పీగా, లోపల మెత్తగా ఉండే ఈ కట్లెట్స్ పిల్లలు, పెద్దలు అందరికీ నచ్చుతాయి.
చికెన్ను ఉడికించి, ఎముకలు లేకుండా మెత్తగా తురుముకోవాలి. ఇందులో ఉప్పు, కారం, గరం మసాలా, మిరియాల పొడి వేసి కలపాలి.
పాన్లో కొద్దిగా నూనె వేసి ఉల్లిపాయ, పచ్చిమిర్చి, అల్లం వెల్లుల్లి పేస్ట్ వేయించాలి. అనంతరం చికెన్, ఉడికించిన బంగాళాదుంప, కొత్తిమీర వేసి బాగా కలపాలి.
మిశ్రమం కొద్దిగా చల్లారిన తర్వాత చేతికి కొద్దిగా నూనె రాసుకుని చిన్న ఉండలుగా తీసుకుని కట్లెట్ ఆకారంలో చేసుకోవాలి.
ముందుగా కట్లెట్ను గుడ్డులో ముంచి, ఆ తర్వాత బ్రెడ్ క్రంబ్స్లో బాగా కోట్ చేయాలి.
పాన్లో నూనె వేడి చేసి కట్లెట్స్ను మీడియం మంటపై రెండు వైపులా బంగారు రంగులోకి వచ్చే వరకు వేయించాలి.
క్రిస్పీగా మారిన చికెన్ కట్లెట్స్ను టిష్యూపైకి తీసి అదనపు నూనెను తొలగించాలి. టొమాటో సాస్ లేదా గ్రీన్ చట్నీతో వేడిగా సర్వ్ చేస్తే రుచి అదిరిపోతుంది.
చికెన్ను పూర్తిగా ఉడికించిన తర్వాతే ఉపయోగించండి. వేయించేటప్పుడు నూనెను ఎక్కువగా వేడి చేయకుండా మీడియం మంటపై కట్లెట్స్ను క్రిస్పీగా వేయించడం మంచిది.
