బెంగళూరులో ఓ దంపతుల మధ్య తలెత్తిన ఘర్షణ తీవ్ర విషాదాంతమైంది. బుధవారం రాత్రి చోటుచేసుకున్న వాగ్వాదం అనంతరం, మరుసటి రోజు ఉదయం వారిద్దరూ తమ నివాసంలో విగతజీవులుగా కనిపించడం స్థానికంగా పెను కలకలం రేపింది.పోలీసులు వెల్లడించిన వివరాల ప్రకారం, మృతులను సివిల్ ఇంజనీర్ సుమంత్ జైన్, అతని భార్య, సాఫ్ట్వేర్ ఇంజనీర్ పద్మావతిగా గుర్తించారు. వీరి మధ్య జరిగిన గొడవ హింసాత్మక రూపు దాల్చినట్లు పోలీసులు ప్రాథమికంగా భావిస్తున్నారు. ఘర్షణ జరిగిన తర్వాత సుమంత్ తన తల్లికి ఫోన్ చేసి ఆందోళనగా మాట్లాడినట్లు సమాచారం.అనంతరం బంధువులు వచ్చి చూడగా, అప్పటికే వారు మృతి చెంది ఉన్నారు. ఈ ఘటనపై రాజగోపాల్ నగర్ పోలీసులు కేసు నమోదు చేసి దర్యాప్తు చేపట్టారు. వారి మరణానికి గల కచ్చితమైన కారణాలు ఏమిటి? అసలు ఆ రాత్రి ఏం జరిగిందనే కోణంలో పోలీసులు విచారణ జరుపుతున్నారు.
N
